انا عارفة

بسم الله الرحمن الرحيم

***************

انا عارفة

ان البوست اللي قبل دة كان فية تفائل للحياة

ودة كمان مش متشائم

انا عارفة

ممكن تضحكو عليا لما تقرا البوست دة

وتقولو دي بتخرف

انا عارفة كل دة

بس هي دي الحقيقة

كمان شهر

او اقل

هتم سن الرشد

27\11

علي اد ماكنت مستنية اليوم دة بفارغ الصبر

من تقريبا

اربع سنين

او اكتر

علي اد ما انا خايفة منة قويييييييي

عارفين لية

انا عارفة

انكم لما تعرفو لية هتفضلو تتضحكو ومش هتحسو بيا

بس والله هي دي الحقيقة

اقولكم الاول انا كنت مستينة اليوم دة لية

كنت دايما اقول لبابايا

انا عايزة يبقي ليا عربية لوحدي

كان دايما يقولي لما يبقي عندك 21

علشان تبقي رخصة العربية باسمك

وكنت عارفة انها حجة

فاكنت بقول يارب اتمهم بقي علشان

يبقي معندهوش حجة تانية

وابقي عاقلة راشدة ويثق فيا اني اعتمد علي نفسي

كمان

كنت نفسي اعرف اتعامل مع البنك

وكنت دايما بتعامل عن طريق مامتي

حتي الكرديت بتاعتي باسمها

فاكنت بتمني اني اتم 21علشان

اخلص من الموضوع دة كل ما ابقي عايزة اخلص

اوارق ماما لازم تيجي معايا زي الاطفال

فا كنت متخيلة اني بعد اليوم دة هبقي كبرت

واعتمدت علي نفسي

اقدر اعمل مشروع مثلا

اقدر اعمل اي حاجة

براحتي بقي

المهم

كل الاسباب دي كانت بتدور في دماغي وكنت بتسني اليوم دةعلشان احلها وارتاح

انا عارفة

انها كلها حاجات يعني مش مهمة

بالنسبة لي علي الاقل

تهمني

انهاردة بقي

اليوم دة

لاقيتة بيقرب

ولاقيت نفسي

بقول انا لازم اليوم العظيم دة احتفل بية

وبما اني لمانجحت محتلفلتش بنجاحي

ولما عيد المدونة جة محتفلتش بية بردة

يبقي عيد ميلادي احتفل بكل اللي فات

قولت هعزم كل اصحابي واقاريبي

وهعمل حاجات بايدي انا

اخدت كذا وصفة لحلويات

وجربتهم علشان لما اعملهم يوميها ميبقاش اول مرة

وتيجي فيهم

وقعدت اقول انا هعمل تورتة جيلي

علشان عجبت صحابي لما عملتها قبل كدا

وهعمل وهعمل

باذن الله طبعا

وبعدين سرحت كدا شوية

وقولت اية دة

انا اديت لليوم دة اكبر من حقة

وانا مالي مستنية اليوم دة لية

وابتديت اخاف منة قوي

او يمكن عقلي صورلي الخوف منة

من الاخر

حاسة ان اليوم دة

هيبقي اخر يوم في عمري

او حاسة ان عمري

هينتهي

قبل ما اليوم دة يجي

دايما الاحساس دة بيجلي

بس الايام دي زايد

مش تشائم والله

بس مجرد

خوف

رعب رهبة

اي اسم مش فارقة

بس اللي جوايا محدش هيحسة

مهما حاولت اوصفة

بقيت لما حد يسئلني ها وهتعملي اية تاني اليوم دة

بقيت اقولهم انا مش عايزة اتكلم خليها وقتها

وبعدين

لاقيت نفسي

بقول

لا انا اتكلم

علشان لو معشتش اليوم دة

يبقي علي الاقل

حكيت عن اللي نفسي اعملة يوميها

حتي لو محققتش اللي عايزة اعملة

يبقي كفاية اني حلمت بية

وعشتة حتي لو ف الخيال

لية حسيت كدا

لية كنت مستنياة كدا

لية وصلت لكدا

انا مش عارفة

سلام

الشتا حببيبي

بسم الله الرحمن الرحيم

*****************

جانا الشتا

فصل جميل من اكتر الفصول اللي بحبها

او بمعني اخر

فصلي المفضل

انا مولودة في الشتا

ويمكن دة السبب

او يمكن يكون اسباب كتير

المهم اني بحبة

بحس فية بالدفي

بحب طقوسة الغريبة

وبحب فية فيروز

وهي بتقول حبيتك بالصيف حبيتك بالشتا

وبحب امشي والمطرينزل علي راسي

واطلع اجري زي الاطفال

عمري ما اتخبيت منة

دايما اقف وابقي مبسوطة وهي بتشتي عليا

وانا صغيرة كنت بجيب كوباية

واحطها في البلكونة

واخليها تتملي

وبحب البحر وهو بيطلع موجة علي الكورنيش

لو وصفتلكم اسكندرية اد ايه رائعة في الشتا مش هتصدقو

الا لو كنتو عايشين فيها او شوفتها

بجد فيها سحر غير عادي

وياسلام وانا رايحة الكلية

ومية البحر

تيجي عليا

بفرح قوي

مع اني ببقي متبهدلة مية

وكمان

اما اقف ف البلكونة واتفرج علي القمر وهو بردان

واحس ان النجوم بتدفية

وكمان احلي ايام حياتي

كاننت ف الشتا

ونفسي كمان اتجوز ف الشتا

والدنيا تشتي عليا وانا مروحة بيتي مع زوج المستقبل

ويارب يكون هو كمان بيحب الشتا

وميقولش عليا مجنونة لما اقف تحت المية

وان شاء الله لو ليا عمر

هخلي ولادي يحبو الشتا

يااااا

فعلا

بحب الشتا

هذا انا

بسم الله الرحمن الرحيم

***********

عارفين احساس

لما تيجو تمسكو ورقة وقلم ومش عارفين تكتبو اية

بس علي الرغم من كدا بتحاولو

يمكن

الكلام يجيب كلام

وتلاقي نفسك طلعت اللي جواك

تدريجيا

ساعات ف مواقف كتير

بتبقي عايز تقول كلام كتير

وتلاقي لسانك عاجز عن الكلام

ويكون جواك احساس ويظهر عليك عكسة

وتلاقي نفسك دايما بتتفهم غلط

وحتي لو عندك فرصة تصحح الغلط

لسة بردة لسانك عاجز

والكلام مش بيخرج منك

دة طبع ولا عيب ف الشخصية

والمفروض تعمل اية

علشان

تقضي علي الحاجز دة

وتنتصر علية

يمكن كلامك يغير حاجات كتير

يمكن حياتك تبقي احسن

يمكن الاحراج والخجل يكون حلو بس بيخسرنا حاجات كتير

يعني مش حلو في كل الاوقات

طب حد يقدر يقولي

اية الحل

؟؟؟

تحديث

بوست جديد عند نوني صحبتي الانتيخ

هي قصة وطويلة شوية بس حلوة

شوفوها

http://tawahaaan.blogspot.com/

بلاد طيبة

بسم الله الرحمن الرحيم

الحب ليها لية اسباب كتير

مش بس عشان

فتحت عنيا عليها

ولا اول فرحة فرحتها فيها

ولا اول دمعة مسحتها ايديها

ولا اول ضحكة طيرت انا بيها

ولااول لعبة شوفتها ف اراضيها

ولاحتي عشان بتجري في دمي

دي ابوياوامي وجدي وعمي

دي ارضي ووطني وبيتي الكبير

قالو عنها كلام كتير

وسحرها ولافي الاساطير

وكبرت فيهاواتعلمت

وسمعت قصص وحكاوي كتير

حكاوي القهاوي والصبر والمواويل

وغروب الشمس في قلب النيل

وموجة بتجري علي شط راس التين

واذان الظهر والعيد الكبير

وحبي ليها بيزيد ويزيد

واحلف برب العالمين

لومسهامكروه

افديها بدمي ومايساوي شئ

دي بيت ولادي وولالاد ولادي

دي تاريخي ومستقبلي

دي بلد المصرين

ام الدنيا

يااحلي بلاد طيبةوحبيبة

وحبك اوعدك ف قلبي ياقريبة

ولو بعدت عنك

في خيالي ماراح تغيبي

عايشة في شكلي وطبعي

وتفاصيلي البسيطة

ياغالية واغلي منك مفيش

بحبك وحبك عامل في قلبي زيطة

وبقولها باعلي حسي

يحمكي ربي من العين

ومن الطماعين

ياعروسة ويااحلي ام

ياام المصرين

سلامممممممممم

مبسوطة

بسم الله الرحمن الرحيم

*************

مبسوطة

علشان عايزة اكون مبسوطة

وحتي لو مش مبسوطة

فا انا مبسوطة

يمكن انا مبسوطة

علشان

حابه ابقي مبسوطة

فا انبساطي هيخليني انبسط

وابقي مبسوطة

مش مشكلة

المهم اني ابقي مبسوطة

سلاممممممممممممم

جرئ شوية

بسم الله الرحمن الرحيم

***************

انا كان بقالي كتير

مش بكتب

ويمكن مش بزور مدونات

وكمان مش برد علي كومنتس

بس يمكن كنت مشغولة شوية

علشان كدا فكرت شوية

هو انا لازم اكتب!؟

هو انا لازم اتابع

هو لية

كل حاجة حلوة في حياتنا بتقي في اولها

وبعد كدة بتبقي روتين

فكرت شوية كدا وقولت

انا عملت المدونة دي لية

علشان اكتب فيها اللي مضايقني

او افضفض فيها

واخد اراء الي حواليا في حياتي

ولا لية بالظبط مهو اكيد في سبب

المهم فكرت شوية الفترة اللي فاتت

ولاقيت ان شهرة اي انسان في عالم التدوين

في بلدنا العزيزه

اصبحت سلاح ذو حدين

واقصد كل حرف في هذه الجملة

بمعني

علي اد ما الواحد بيقي مبسوط انة اتشهر

ومدونات كتير تعرفة

كمان بتحب كتاباتة وبتحب تدخل تتطمن علية

وومكن الموضوع يوصل

انهم يتواصلو مع بعض علي النت

انا مثلا

عندي صحاب كتير من المدونات

بكلمهم علي النت او فيس بوك

المهم

علي اد ما انا شايفة اني كسبت كتير وعرفت ناس اكتر

وحبتهم واحترمتهم

علي اد ما انا شايفة انة

منفعنيش للدرجة

اني انفذ فكرة

المدونة

واعتقد كتير مر بالاحساس دة

لو جيت مثلا يعني

قولت انا عندي مشكلة

من اي نوع

هلاقي ناس كتير بتقولي

انت ازاي تتكلمي في حاجة زي دي

او تعلق علي تصرفي بصفة انهم

اخدين عليا واني هتقبل منهم الكلام

مع اني في نفس اللحظة انا مش شايفة اني غلط لما اتكلمت

بالعكس

حتي لو اللي حكيت عنة لايليق بيا ولا بشخصيتي

فهو حقيقة وحصلت

وممكن غلط فيها هو انا مش انسانة بردة ولا اية

علشان كدا لاقيت الشهرة

بتقيد

بتخليك متكتف

بتتكلم بالشوكة والسكينة

بقي الروتين بيخنق

بقيت لواتكلمت في موضوع مش متعودينن او باسلوب مش اخدين عليك فية

تبقي انت عملت غريبة وازاي وتحسب عليك

وتلجا تعمل بلوج تاني باسم تاني علشان تكتبت من غير ما حد يعرفك

اعتقد اننا في العالم الافتراضي دة

بنهرب من الواقع

وعلي راي نوني الله يمسيها بالخير

بتقول النت جزء من الناس اللي مقعدة نفسيا

ومش عارفة تعيش حياتها في الحياة العادية

وجاية تطلع بلاويها في النت

او لقو ان النت بقي المنفذ الغير مرئ

اللي تقدر تتكلم فية براحتك

تصدقي حتي النت دلوقتي مبقاش كدا هههه

بقينا حرصين

علي المحافظة علي شكلنا ادام الناس

ونداري العيوب ونجمل

ولانكدب ولكن نتجمل

علشان كدا قررت

اني اكسر كل الحواجز

وادعو كل من مر بهذة التجربة

ان لايدعها تمر مرار الكرام

ويبقي الوضع كما هو علية

ولكن يرفض

ويكتب بحرية تامة

كل اللي يحبةة

ولا يبالي باراء الناس

لان لو حتي جوانا عيوب ممكن نساعد بعض في حلها لكن دفنها مش هو الحل

ولا انتو شافين اية!!!!!!!!!!!؟؟