كلام

خرجت الصبح ومشيت ف شوراع اسكندرية القديمة
عجبني قوي شكل الشوارع ووسعها
نضافتها والمباني الراقية
شكل الورد الفوشيا المنور اللي بيتمايل مع الهوا
حتي شكل شرطي المرور
حسيت ان الدنيا ممكن يكون فيها حاجات حلوة كتير
بس قعدت البيت اخدت مني كتير
زي النحات بتشتغل فيها لحد ما هختفي
انا نفسي اتولد من جديد
واعيش حياة من الالف للياء
ضاع من عمري كتير فعلا ع الفاضي زعلانة علية بس
زي مايكون متربطة من كل النواحي
وماباليد حيلة
مش عارفة اعمل اية

مش لازم تعمل حاجة علشان المفروض تتعمل ممكن تعملها بس علشان انت حابب تعملها دلوقتي
وقتها هتبقي بنفس وبحب وتطلع حلوة واحلي كمان مما تتصور
ممكن كمان متصدقش انك انت اللي عملتها
المشكلة اني مش بعرف اكون غير كدا
مش بحب الفرض
واللازم

ينفع كدا ولا اية

اماكن الاحزان

بسم الله الرحمن الرحيم

********

عندما تضيع وسط الكلمات

ولا تعرف لها نهاية

فمن كثره الكلام اشكو لها ضعفي

علي اختيار موفق يوصفني

علي حياة ازعم انها اتعبتني

او ادعي واشك انها السبب

فدائما اضع اخطائي عليها

ومالها في ضعفي ذنب

هي عبارة عن مكان

رأيت بة احزان

فما للمكان دخل

وما للاحزان اوان

ولكنة يذكرني

فيؤلموني دون شك

ويرهق عيناي

ليس بعلم الغيب ولكن

بسم الله الرحمن الرحيم

*************

تراودني دائما احلام

اراها بعيدة واشعر انها قريبة

فأصبحنا اصدقاء

اشعر وكأن مياه البحر

تغمرني

وتعلو فوق السحاب

وتدمر كل الطرقات

كل ذكرياتي العزيزات

واري اشخاص تدور من حولي

خائفة من المصير المعلوم

وتختلف المشاهد بمرور الأيام

ولكن و دائما النتيجة واحدة

فالموت يقترب

وانا استغيث ولكن بلا فائدة

اعلم ان هذا سوف يحدث

ولكن اجهل التوقيت

ولكنة اكيد

اخشي الموت

ولكن اشعر انة قريب

.........

اختراق

بسم الله الرحمن الرحيم

***************

عندما تري انسان

له كيان لا حدود له

يبني امال ويعيش علي الام

في معاناه هو دائما

يشعرك بأنه ف حيرة

ولم يستقر بعد

وان مصيرة المجهول

هو المسيطر علي القرارت

وبه سيعالج كل الصعوبات

فالامل مازال باقيا

ولكن قلبه يصرخ

فا غالبا ما يحكم علينا

ونلبيه

ويقودنا لمراسيه

فالعشق ليس لة قانون

ولا انذار

هو كالنار الحارقة القادمة بتهديد

تشعر بكلماتة ان لدية الكثير

وفي صمته الكثير والكثير

ومحاولات الاختراق

قيد التدبير

فاياتري

سوف يصبح اسير؟

احساس غريب

بسم الله الرحمن الرحيم

**********************

هو مش عارفة هو عبارة عن اية

بس هو غريب

يعني لسة ملهوش تكوين محدد

ولا لية مسمي معين

بس هو موجود

بس لسة مش مولود

هو تقريبا ف مرحلة الهدؤ

اتمني ميبقاش بعدة عاصفة

وعايزة اكون واعية ومركزة

وف التأني السلامة زي ما بيقولو

ولا اية؟

عدم اليقين

بسم الله الرحمن الرحيم

بنتمني حاجات وعارفين انها نصيب

ولو مكتوب هيكون قدر

اتكتب علينا ولازم نشوفة اكيد

بس ساعات بنحس بحاجات

اصل الطبع غلاب

وتلاقي هاجس بيقولك هيضيع منك

دي اخر فرصة اتمسك بيها متسكتش وحارب

متستسلمش وقاوم

دافع بكل ما فيك حتي لو كان بسيط

ونزعل لو راح ونستني ونبني امال ونعيش علي امل

ونصبر و ندعي ونتعب نفسنا

مع اننا مؤمنين بالقدر وبالمكتوب

لكن اليقين دايما تلاقية بطل مجهول

سلاممممممممممم

باصين لورا

مصر بين الحاضر واللي فات

دايما عايشين علي اللي كان

وكان يامــــــــــا كان

نسمع عن حكاوي زمان

كان في هنا مصانع وفلاحين

كان في مزارع وبناين

كان في هنا شوارع جميلة

بتطل علي اجمل مدينة

كانو الادين بتشتغل بضمير وبحرفنة

كانت جدعنة ابن البلد سر الهنا

كان كل يوم تشوف وشك ف مية النيل

كان السمك بيجري ف البحر وبيميل

كانت الطيور بتغرد ف السما الصافية

ايام ما كانت صافية

كان عندنا اهرمات ونيل

حتي النيل راح وانقضي

حتي البيوت بقت فضا

حتي حياتنا مبقاش ليها طعم وهدف

حتي الساعات بتعدي وتمر بعذاب

دة بقي حالنا شئنا ام أبينا

اعترفنا او تجملنا

بقينا واضحين زي عين الشمس بينين

وقولبنا صارت حطب

محتاجين ايدين تنقذنا وتحسنا

وتكون بتعاني زينا

محتاجين تقدير اصل هدر الكرامة دة كتير

اصل مش هنفضل دايما ساكتين

وحاطين ادينيا علي خدينا وراضين

ومضمضمين

لأ التاريخ ميرضاش بكدا

ولا حتي ينفع كل دة

زمن الفساد غطي وزاد

وملي قلوبنا غل و فاض

فبقينا مغضوب علينا وضالين

وعلي اد ذنوبنا متعذبين

متبهدلين فعلا والله ضايعين

مشاكلنا كتير وملهاش حدود

بس الاكيد ليها حلول

بس نجرب وننوي نكون

مرة في يوم بني ادمين

سلاممم

حبيب العمر

بسم الله الرحمن الرحيم

*******************

هذا الحب المستحيل

الذي ارد قلبي ان يعشقة

هذا القلب المستكين

الذي تمرد علي صاحبة

هذا الغدر المرير

الذي انهكة ودمرة

هذا الشوق والاعتزاز

الذي جعلة متمردا

فرغم كل شئ

هو حبيب العمر

عيوب ومحاولة علاجها

بسم الله الرحمن الرحيم

***********************

مين مننا مش عندة عيوب

بس ف عيوب ممكن نعالجها ونتخطاها وعيوب لا

وسبحان الله ربنا خلقنا مختلفين ف القدرة علي احتمال عيوب الغير

يعني ممكن يبقي حد عندة عيب انا اقدر استحملة غيري متقدرش

والعكس

بس ف عيوب الحمدلله ميختلفش عليها اتنين

وهي دي هدفي

واللي بفكر لها ف حل وعلاج

اولها الخيانة والكدب

انك تعمل حاجة وتقول معملتش علشان خايف علي انك تأذي مشاعر اللي خنتة

العيبين دول مرتبطين ببعض جدا

لو نفكر ف علاجهم هنلاقية سهل وبسيط جدا

اعادة احياء الضمير والتفكير ف الحساب والعقاب العسير

والاخلاص للخالق قبل المخلوق ف القول والعمل

وقتها هتقتدر تخلص للناس ويتقبلو منك التوبة لان الانسان اللي ربنا بيرضي عنة بيخلي الكون كللة يرضي عنة