Wednesday, November 30, 2011

من غير عنوان

لم افقد صديق


لم تكن في يوما صديقه




كانت الصداقة ناقصة


غير متبادلة


كانت غير متساوية


ظالمة




هي من فقدت صديق


كان ومازال مخلص لها


رمت سنين العمر عرض الحائط


دون اي عتاب او محاولة للفهم






اما انا لا ابالي


وطبعي علمني ان لا احزن علي من فارقوني


فا انا لا اطيق فرض النفس


ومن يراني لا اصلح للصداقة


لا اجادلة كثيرا






اؤمن ان احيانا افقد اشخاص لانهم غير حقيقين




وان الله سوف يبدلني خيرا منهم


وحقا
عسي ان تكرهو شئ وهو خيرا لكم


الحمدلله حمدا كثير مباركا ملئ السموات والارض


قدر الله وماشاء فعل

Saturday, November 26, 2011

24

ف الاول شكرا لكل صحابي اللي بيفتكروني  بحبكم كلكم 


وربنا يخليكم بتفرحوني وبتدخلو السرور علي قلبي جزاكم الله الخير يارب



اتمني من ربنا السنة دي تكون احسن من الي فاتت 

وربنا يوفقنا لما يحب ويرضي  ودايما الي الله اقرب 


ويحققلنا كل اللي بنتمناه  عاجلا وليس اجلا


وف الاخر 


احساس 24 عادي شبة اللي قبلة بس هي فكرة اني لسة مش متعودة علية 

واصلا حابة ابقي طفلة مش عايزةاكبر  هههههه ليت الطفولة تعود يوما 



كل سنة وانتو كلكم طيبين ومصر بخير  ومنتصرة ان شاء الله 

Wednesday, November 16, 2011

اعتبارات



اتحسس منك الكثير 




ولا احسه 




واشك في  تقلباتك 




ولكني اثق بك 




اتقرب احيانا بحذر


واحيانا  اترك لك الحذر




تتبادل ارائنا وكأننا نتفق علي  المجهول معا




وكأن الغموض سيد الموقف 


وكأن التأني والصبر 


يحدث لأنتاج شئ نضج 


قادر علي التحمل واعي كافي للأخذ القرار 


مقنع   علي مر الزمان 







Monday, November 14, 2011

الوان وظلال

انغام خلفية تتماشي مع الاحداث

تتغير وف لحظة بتلاقي المشاهد

******************

بتدور  الدنيا  حوليها 

وفي نصها قاعدة 

وبنورة زي الشمس بيطلع 

بيتضحك بينور الالوان

موجودة هي هي بس هي مش بتشوفها

بيغيب اصلة كتير ومنة هو حارمها 

بتشوف معاه الكون علي حسب  احلامة

بتكون ساعات حزينة  

وساعات بيلمسها

احلامة اصلها علي اد واقعها

بتعيش حياتة عشان حابة تفاصيلها

عارف يكون فنان

وبيبدعلها دايما 

Friday, November 4, 2011

لحظات تمني

 اتمني ف يوم عرفة 


ان اصوم صوما مقبولا 


وان يستجب الله لكل دعائي


 ودعاء امه محمد اجمع  صلي الله علية وسلم 




ودعاء كل من وصاني الدعاء




وان لا يحرم الله كل من تمني الوقف علي عرفات




وان اكون فية العام المقبل  اللهم امين 




فياكريم  لا تحرم المحتاجين الليك 


اللهم اكتب الخير لبلادنا العربية 


اللهم انصر الاسلام واعز المسلمين 


اللهم انصر بلدي وكل بلد مظلومة 


اللهم وفقني وفق امة محمد في عملهم 


وعبادتهم  


اللهم اعني علي عبادة الشكر 


اللهم امين 

الخيال

وكم كنت بعيدا عني ولا تزال 

وكم زاد شوقي اليك ولا يزال 

وكم اجتهدو ف النسيان 

وفشلت محاولاتي كلها  بأتقان 

ولطالما طارت اليك روحي لطالما 

تنادي عليك بين الندي والاغصان 

ولطالما زاد حبي اليك 

كلما تغنت طيور الصبح والاذان 
 
ولطالما صوتك الدافٍي  يهمس 

في اذن اتعبها الحرمان 

وعندما اتذكر حبنا 

يرجف قلبي في عالم الاحزان 

وحبي الليك دائما وابدا وعمري 

في طياتة ينتفض 

يتذكرك كا طفل يبحث عن الامان

عن دواء روحة  وعن سر الحياة 

فيا قلبي عيد وافرح وغرد 

فا انت تنسب نفسك لأشخاص 

لا تجدها الا في قديم الزمان 

لا وجود لها ولا ارضا ولا مكان 

Thursday, November 3, 2011

اهو بالشكل دة دايما بتحاول تقنع نفسها






مخنوقة من نفسها مبتتغيرش


بتحس انة حد تاني هيتكلم لو فكرت تنغير


المشكلة فيها ولا مش مشكلة  هي كدا تمام


ولا ف ناس بتقابلهم مش بيفهمو طبعها


تبعد عنهم ولا تحاول تفهم  نفسها


 لو حابة تكمل معاهم تقنعهم ازاي عن شخصها


ولا متحاولش لو فعلا بيعزوها المفروض يفهموها


اعتقد تفضل زي ما هي وتسبها علي ربها


وكفاية خنقة لو كل الناس مفهمتهاش


مشكلتهم هما مش هي اللي هتحلها

عقلي

تحب تكتب حاجات ساعات مش ف وقتها 


وتحب تشوف ابتسامات  تستغرب لحسنها


وتفتكر ف ذكريات  معرفش لية بحسها


عمال تعيد وتزيد وتوديني ف اماكن  زهقت من جوها


بكره اشوفك ضعيف متكرر وموقف فكرها


وافقة حياتك عشان اشخاص ما تفيد ولا يجي منها غير شرها


بتشم ريحة الايام وتفكرك بالايام اللي فاتت قبلها 


كانت زيها 




ليها مرها وحلوها 


لسة صعبة زي ما هي لسة ما حققتش حلمهاا

Saturday, September 17, 2011

مينا وشرقية

مرسي قديمة علي وشها الميه


وفي بطنها اسرار


هواها بحري


 وسحرها غدار




فيها مراكب الشوق


وعليها حراسها


ماسكين شباكهم وحبالهم


وربهم رزاق


واسع عطاءه ملوش حدود


اشكال والوان علي كل زوق




تعالي دوق  قرب هنا  الاصل عندنا






يا مينا عظيمة يالي حماكي حماه


تعالي اغزل فيكي


واقول كلام ياسلام




علي سورك العالي


وحجرك الغالي


عدي عليه اعوام


وسنين وليالي


علي ذكري من مينا


كانت حمي مدينة


بيقولو للاحلام


تتمني وتزورها


وتشوف جمال نورها


سبحان من صورها




بتشوف نجوم السما عاكسة ملامحها


تلمحها وبروحك تسرح في تسبحها


تاخدك ف عالم تاني كدا يشبه الاحلام 




تفرح وفرحك فيها مايقضيها




تتمني تكون فيها  ووقتك معاها بالدنيا وما فيها




بحلم اعيش فيكي   واموت ليكي 




وانا بحب الحياه 

Sunday, June 5, 2011

الوصول الي الاهداف

بسم الله الرحمن الرحيم

**********************


عندما تربط الاشياء بالحب


فتفكر في الاحتمالات جميعها


فمغامرة الحب صعبة النجاح


ولكنها ليست من المستحيلات


فلكما احسنت الاختيار واخلصت النية


و وجد شرط المبادلة


وقتها تسقط معظم الصعوبات والعراقيل


فأصعب مرحلة هي البدايات


فدائما ما نبحث عنها ونتخيلها


احيانا نعيش الحياه في خيالنا


ونأمل ف الملاك المخلص


الذي يتمتع بكل الخصال المحمودة


ونتجاهل كونة بشر اولا


ونتجاهل كوننا غير كاملين فعلا


فكيف نطمع في الكمال ونحن بداخلنا نواقص


فدائما الانسان خيالي وطامح للاحسن


ولكن علينا ان نعي ولو ادركنا الوعي الكامل


سوف ننجح في العقبة القوية


ادارك الواقع واخطائة وما يحتويه من عيوب دفينة


لا نراها احيانا واحيانا اخري نتجاهلها كليا


فلا تحزن من الاشخاص الذين يحاولون تغيرك للاحسن


قد تحزن لانهم يرفضونك ويشترطون تغيرك


لكن من يقبولن بك و ما لك و ما عليك


ولكن يريدون تطويرك للاحسن ويتقبلون المعاملة المماثلة


فتقرب اليهم وانتمي لهم وتعلم منهم وشارك في تعليمهم


فطباعنا لم نلد بها ولكننا اكتسبناها


لم اقل جميعها ولكن اغلبها


نظرا للجينات الوراثية والطبيعة البشرية المختلفة


ساهم في تطوير نفسك والا سوف تبقي


في حين الاخرين ماضون في طريقهم


وتتحول من شخص مؤثر في الحياه


بما له وما عليه


الي لا شئ


ومع الوقت تفقد الاشياء كلها وتصبح بلا هدف


فالحب احيانا هدف ولكن الايجابي فقط


اما السلبي فهو يضعف ويتحول الي حب امتلاك


وحب منقوص به اغراض غير حميدة ولا مجدية


فأحسن الاختيار حيث التمسك بما يناسبك والبعد عن الشكليات


فدائما ما تزول ولا تبقي الا المعادن


فنقب عن المعادن النفيسة ولسوف تجدها


ودائما نقي نفسك واحميها واجعلها غالية


حتي تستحق المنافسة علي ما هو اجود


Tuesday, May 31, 2011

مصر اولا

بسم الله الرحمن الرحيم

************


اتفقنا كلنا في حب مصر


واخدنا بالنا اننا لما بنتحد بنعمل معجزات


شوفتو حوليكم البلاد؟


لما نكسر خوفنا واما نحب روحنا


لما نتعاون ونحلم ببكره


لما نقضي علي كل حاجة ممكن تفرقنا



اعرف ان هتبقي مصر


بنقول سياسة وليها الاعيب


ونقول دة جيم ياتخرج دايما كسبان


هيتفضل علي طول جعان


محروم من حقك ف مصر


ونقول ان ايد لوحدها بتنهار


ومصر ازاي تكون من غير ولاد عليها بتغير


من غير حبه عيال متحدين


من غير جيل متين


متسبنا من المخواخين


دول شوفت وصلونا لفين


عايزين نركز لبكرة نتفق علي حاجة من الاتنين


يا نحب مصر يا نحبها


مهو مفيش حل غير الاتنين


ومينفعش نختار علي حبها


هتقول اخوان وسلفيين


ليبراليين وعلمانين ويساريين


هما كل دول مين


مش اخواتنا ومش مصريين


ولا احنا من برة مستوردين


دة احنا بنصدر ياجدع والعدد ف الليمون


مش نعقل كدا ونعرف ان ملناش غير بعض


وان متحدناش دلوقتي امال هنتحد امتي وفين


دي فترة صعبة وعلي اساسها هتعيش اجيال كتير


وعشان كدا بنادي وبأعلي صوت ....سامعين؟


ارجعو تاني وسيبو العند والمنافسة


متفرحوش ف بعض


متفرحوش غير لبعض


نتفق نحلم بوطن يساع من البشر ملايين الملايين


مايكونش فية حد عايش علي حساب غيرة


وحالف يجيب اجلة


افتكرو دايما مصر وبس وبس

Thursday, May 19, 2011

امالي

وكنا نعاني ولا نهتدي للصواب


وكنا نترك الحكم لاهل الفساد


وظلم العباد


وحب الأنا


وكنا نند ونشجب ونعترض


وكان الخطأ يعالج بخطأ


وعشنا علي الظلم حتي الاعتياد


وتغلغلت مفاهيم لا واقع لها ولا حساب


وكنا لا نقرأ ولا نشاهد ولا نسمع


وكنا نلوم القوة المعارضة


وماهي قوة ولا معارضة


وكانت الاشياء كلها زيف


وكان الغمام مغمي السماء حتي اعينا


ودمر اجيال ولازالت تحيا


ورغم الصعاب يظل العناد


تظل الامال


تبث بداخلنا الحياة وان القادم حقا اجمل برغم المعاناه

Wednesday, April 27, 2011

لوجه الله

مفيش حاجة لوجه الله


من غير مقابل وبنية صافية


مفيش حاجة بقلب كبير


مش مستني اي دليل


بيحاول مش بييأس


وبيقتحم علي طول


من غير تفكير كتير


من غير ما يحسبها


ويعملها الف حساب


من غير ما يقول هيكون اية المقابل


من غير ما يستعمل لعبة شد الحبل


من غير ما يستني اثباتات


ويقدم التماسات وتمهيدات


تضيع ف وقت وملوش لازمة واي كلام


كلام عن بكرة ويحسسك انة اوهام


عمليات حسابية مادية ملهاش مكان


تفكير ممنهج ملهوش علاقة بالاحساس


اللي بيحس بيدخل بكل عنفوان


مش بيكون ابدا جبان


بيقول هغامر وزي ما تيجي تيجي


بيقول حياتي وهعيشها مرة


لية احرم نفسي ومعشهاش علشان خيالات


علشان خوف وانفعالات


وردود افعال غير معقوب ردها


حاجة كدا بتدخل في حتة الهذيان


حاجة بتخليك فوق ما تتحمل تكون قوي


تغامر ومش اي مغامرة وتستاهل لو نجحت فعلا


تحسبلها احسبلها مش عيب ولا غلط


لكن اعرف ان كل خطوة بفرق


وان اللي راح امبارح مش هترجعة بعدين


وان اللي بخوفك قتلة هيربي فيك خوفين


واللي نبت شوية وزرع اصفر ف الحالتين


سبتة يموت ويضيع ينسي انة عايش اصلا


عايزه يقولك تعالي ارجعلي ازرع واانا ارجع


لا مش هينادي ولو عملت المستحيل ف التقل


لا مش هيقول انة محتاج لحد جبان خايف يخسر جولة


يمكن يكون فيها كسبان


كل خطاويك بنتها في سنين هدتها للاسف في غمضة عين


قالو ان الارادة كافية وتهد الحديد في يومين


قالو لو عندك عنين هتشوف وتعرف مين


اختار بسرعة حياتك والحق تعشلك يومين


متسبش احساسك يقولك اوجع نفسي دلوقتي بدل ما يوجعني حد بعدين


لية مقدم السئ لية عايش علي زمان


لية مساوي ف البشر وعامل لهم فهرس


لية فاكر ان الناس كلها تمام


طالب تعيش وخايف متعش


حابب الي يسندك غيرك ولضهرك انت متسندش


عايز تشوف النور وبأيدك مغمي عنيك


رايد تعرف الكون وملجم رجليك


قاتل افكارك جواك ومحولها للمادي


كل احاسيس الجمال ماتت ولا بتعدي


الكون مليان اسرار وبطرق مختلفة ممكن توصل


وحياتك من غير نار صعب انها هتفضل


مش جنة انت عايش فيها وفاكرها لونها بالوردي


دي حياه هتعاني فية وتتعب وتشقي ولا في يوم تهدي


تحلم بقصر ف دنيا ولا قصور ف الجنة


تحلم تراعي ضميرك علشان بشر ولا عشان خالق الكون يرضي


تربط حاجات جميلة بحاجات جامدة مبتحسش


عطنت شوقك ومشاعرك فاكر ان الفعل لازم يكون فعلي


دة ساعات بكلمة بتوصل قلوب ملايين وانت علي الفيض الكريم


دة ساعات بتشوف النور و عز شدة الظروف


بينور حياتك من شباكك ويقولك قوم في امل ياولدي


يا هتبقي اد الكلام بالفعل والاقوال وتكون راجل بجد


هيتبقي واحد عابر بيجرب الارقام نفعت لا منفعتش


والحر ما يقبل يبقي ف حقل تجارب


يتقارن بالملاعين


الحر عايز من يقاومة ويهزمة ارضي


يهزمة ويدخلة قلبة ويقفل علية مايحاول يفكر ف يوم الا فية


الحر اللي يحب تسخير الحاجات لة وحدة


الحر اللي يحب ومايبينش


ويحب اللي عايزة مايبيتش


يعرف سره ويقدرة يحمية ويكرمة


يعرف شموخة وصوتة وكيانة غالي متقدر


محافظ علي لسانة من اسطوانات قديمة متكرررة


بيقول اللي حاسة وعايزة وشايفة


في وقتة المتقدر


عايز تخلية بالضغط يستكين


تعرف عن الحر الاستكانة


لاوي دراعة وعامله مناور


لا دة طولة البال مخلوقة في رحم امة قبلة


دة نفسة طويل ولو يخسر


كرامتة مش كرامة دي غزة نفس


مطالبة مش عويصة دي حاجات بسيطة وملموسة


تروح للقلعة من ع البحر ولا الترام


تنام كل يوم ولا تنام ايام


تقسم المهنج الطويل درس درس


ولا تخلية لأدام


تحبة حب واقعي ملهوش حد ولا نص نص واي كلام


اختار وفكر اي طريق نيتك ترتضية


بس النهاية مش واحدة وسكة العند


قفل علي كل البيبان


مصدي منحس مفتاحه عوج


حاول تدخل مهما تقول ما هتنول


حب لوجة الله من غير مقابل وامتي هترد


ادي كل يوم جدد نيتك وانت باصص للسما وباصص للارض


اعرف ان الكون اللوان وان البشر انسان


بيغلط ويندم ويتعب ويرجع ويفرح ويرجع تاني انسان


الحر حالة نادرة محتاج حنان مش سجان


الحرعايز ياخد ومايديش


الحر عايز يدي ومايكفيش


الحر عندة كتير بس اللي يدور يلاقي


بتلاقي رسام يعمل افنان تتغطي بالتراب


تيجي تنقب بفاس تكسرها لكن بفرشة طويلة البال تكسبها


مجهود كبير والنتائج افضل كتير


علي اد تعبك علي اد حبك علي الرد


علي اد خوفك والتزامك علي حبة كرامة


مش هتتصد


هتتدخل سريع هتتعب

هتتدخل بطئ هتندم

هتدخل مغامر حاسب ومش فارق ممكن

ممكن

تكسب


وانا اللي صعب احتمالي وتوقعي

وانا اللي من بين كل الناس معرفنيش

وانا اللي مش طبيعي ومش عايش كأني مفيش

وانا اللي يمكن اطلع انا يا متلاقنيش

وانا اللي جوايا جواهر يمكن فاشوش

وانا اللي جوايا وجع يمكن متلاقيهوش

انا الي ممكنة ومش ممكنة

وانا اللي صعبة ومعرجه ومطعمة بجبال

انا اللي وعره سهلة ومكلكعة

انا اللي ممكن اقلب واتعدل بالهمس

انا اللي جوه دماغي حاجات مبنية من طول السنين

وكأنها اقوي من طمي وادي النيل

وانا الي طبعي بحري وبحر غدار

وانا اللي مليان بالاسرار

وانا اللي يوم هادي ويوم جبار

وانا اللي مشكلة وليها الف حل

وانا اللي ساعات بكون صعبة تتحل

وانا اللي عندي اشواك حطاها من الخوف

وانا اللي بعمل حساب لرب بيشوف

وانا اللي عايزة اعيش وخايفة مااعيش

وانا اللي مش عايزة اضحي وعايزة تضحية

انا اللي عايزة عطاء من غير حدود من غير ما ادي ولا اعدي اي حدود

وانا اللي ليا ومني وفيها وانا اللي برايا وجوايا متلغبطين

انا اللي حالة عثرة متلاقيش منها اتنين

وانا المزيج الي تحاول يوم تفرقة ولا يتفرق

وانا اللي عمري هتقضية معايا متعرفنيش

وانا اللي معرفنيش

وانا اللي ياما حاولت اعرف عني كلمتنين

قولتهم مرة ف بحر النيل

ونستهم مع الدنيا

وانا اللي لاقتهم في لحظة وثانية

وانا اللي عندي عندي

وانا اللي عندي ما هد

وانا اللي فوق الحد

وانا ساعات الرد

وانا كل حاجة واي حاجة ولما احاول ساعات اكون حاجة

انا اللي عامل فيها مغوار

وانا اللي في جلدة ساعات بينهار

وانا اللي ببكي وساعات بنسي

وانا اللي دمعي عمرة ما هينسي

وانا اللي عندي عزة نفس كل الكون

وانا اللي ساعات بحب بجنون

وانا اللي بضحي ومبضحيش

وانا اللي عاشقة ومش عشقتش

وانا اللي بتحاول تقول عايزة ومتطلبشي

وانا اللي نفسي ومانفسيش

وانا اللي بتتكتب واقول مفيش

وانا اللي هابيت الكون عندي

وانا اللي في طبعي كنوز وبلاوي زرقة

وانا اللي بعترف ان الحياه والله ما فارقة

وانا اللي قال علي نفسة الحر

وانا اللي رفض اي ذل

وانا اللي بيمانع ومش هيرضي

ومش هيقبل اي طريقة مش عجباه

ومش هيكون سهل لأي ايد بتمد

وانا اللي يا تاخدها بنفسك يا اما بلاش

وانا اللي حياتي ياتعشها يا متعشهاش مش فرقة

وانا اللي فارقة وقادرة ومش عارفة ساعات

وانا الملغبطة بعيوبها والمميزات

وانا العنيدة الطيبة البسيطة المعقدة

وانا اللي عايزة حب بس لوجه الله

Thursday, April 21, 2011

مرزوق

اشوفك اضحك في وشك تتلفت اتغمز






واحرك بؤي واقعد عليك و اتأمز






في حضرتك اشكر فيك






وفي غيابك اقول العبر






تتطلب مني خدمة






اقولك رقابتي يابطل






وفي ضهرك اقضيها برطمة






تجيب لبس جديد بيقولو علية طقم العيد






اشعرلك في زوقك وعظمتة






تتدور امسح بكرامتة






تحكلي سرك وتطمن






تجيلي اول فرصة






او لما نختلف






افضل اعايرك بية واعملك بلبلة علية






واغدر بيك






تعمل انجاز اجي ادام كل الناس اقول انا السبب






اكسفك علي طول وتضطرتقول هو السبب






ازورك كل يوم واقولك عيني علي حاجاتك






ليك ف السلف



تخجل وتقول مفيش غالي عليك






اخد اللي احبة واللي استخسرة فيك






وابهدلة و امرمطة و لا اعتذر وانام علية وابتسم






مزنوق عايز فلوس انا اخر الشهر






اصعب عليك وتسندني






واطنش ولا افتكر ان انت ليك عندي فلوس ولا يحزانون






ادرس علوم وتجلي المواد والملزمة






تسئلني ان كان عندي حاجة عن الملحمة






اعمل عبيط وافضل اقول مش فاضي مش فاضي






اتعثر في سؤال وتيجي ع البال






واكلمك اسئلك تجاوبني بسرور






وتديني حروف من النور احفاظها ما انساها






وادونها ف الملزمة



السرية






تتخانق في الشارع وتستنجد بيا






اعمل نفسي مش هنا






ولو مسني سؤ الاقيك في ضهري بتقولي فوق






انا جمبك انا






بالزمة انا ينفع اعاملك كدا؟؟

Followers

اهداء الي ارواح اموات المسلمين والمسلمات اجمعين

يارب كل اللي هيقراها تكتبلة حسنة وتيسرلة حد يقراهاله
بسم الله الرحمن الرحيم
الحمدلله رب العالمين
الرحمن الرحيم
مالك يوم الدين
اياك نعبد واياك نستعين
اهدينا الصراط المستقيم
صراط الذين انعمت عليهم غير المغضوب عليهم ولا الضالين
امين
قل هو الله احد الله الصمد لم يلد ولم يولد ولم يكن لة كفوا احد

اللهم اغفر لهم ذنوبهم
وارحمهم ياارحم الراحمين واجعل قبورهم روضة من رياض الجنةلاحفرة من حفرالنار
واجعل مثواهم الجنةونجهم من النار ويسرحسابهم امينن

اصحو فوقو يابشرر كفايةاستسلام

اصحو فوقو يابشرر كفايةاستسلام
لاللمخدارات لاترمي نفسك للهلاك ان لجسدك عليك حق

رسول الله ص شفيعي يوم الحساب

رسول الله ص  شفيعي يوم الحساب
اقرب لي من روحي

هدفنا تطبيق وليس مجرد كلام

هدفنا تطبيق وليس مجرد كلام
حب الرسول صلي الله علية وسلم باتباع السنن

بحبكم في الله

بحبكم في الله
اصدقائي

دة مصيرعريس مني لو فكر يزعلها

دة مصيرعريس مني لو فكر يزعلها
اديني بقولك اهو شكلك هتيجي لقضاكlol

افعل ما شئت ان الله يراك

افعل ما شئت ان الله يراك
من يتق الله يجعل لة مخرج ويرزقة من حيث لا يحتسب

يسبح لله من في السماء والارض

يسبح لله من في السماء والارض
سبحان الله وبحمد سبحان الله العظيم

اسكندريةمارية وتربهازعفران

اسكندريةمارية وتربهازعفران

اسكندرية يا اسكندرية

اسكندرية يا اسكندرية

عمود السواري

عمود السواري