Saturday, December 27, 2008

صالحنا المطر

بسم الله الرحمن الررحيم

******************


في ليلة في عز المطر


بصيت من الشباك


لاقيتة واقف واتارية بالساعات


فضلت واقفة ومهمنيش


بصيت علية وقولتلة الدنيا برد عليك


قالي معاكي حبيبتي بحس بالدفي


وفي عز المطر


نسينا المطر


وبقينا ساعات


حكينا وضحكنا كتير


وضاع وقتها الزعل

ضاع وقتها الغضب

راحت كل الخلافات

وغسلها المطر



في ليلة في عز المطر

..........................


سلاممممممممممممممم

Saturday, December 20, 2008

دعاء

بسم الله الرحمن الرحيمن

اشكو لك ضعف قوتي

اشكو لك قلة حيلتي

اشكو لك

ولك وحدك

ياقادر علي كل شئ

يارب كل شئ

فك همي وكربي

وسامحني لسؤ جهلي

والهمني الصبر

من عندك

ولاتكلفني ولا تحملني مالاطاقة لي

لااله الانت سبحانك اني كنت من الظالمين

لااله الانت رب كل شئ مالك الملك

حي قيوم

يارحيم

ارحمني

ياكريم اكرمني

ياكشف الهم والغم

اكشف غمي

واجعلني صابرة راضية شاكرة

ارحم ضعفي وقلة حيلتي

استجب لي كما قولت ادعوني استجب لكم

اللهم استجب

اللهم استجب

اللهم استجب

امين

وصلي الله وسلم علي محمد وعلي اله وصحبة وسلم

سلام

Tuesday, December 16, 2008

الحمدلله

بسم الله الرحمن الرحيم
الحمدلله
انا فوقت شوية
وحاسة اني احسن الي حدا ما
وادعولي ربنا يسهل
واحل المشاكل دي علي خير وسلام
من غير اثار عدوان
انا بيني وبينكم
كنت نفسي
اقفل المدونة
لاني كنت تعبانة
ومش ليا نفس
ولا اعلق ولا اقرا
ولا ارد علي تعليقات
بس كنت بدخل وبقرا التعليق او ساعات بقراه من الميل
بس حتي الميل
ماكنتش بدخل فية كتير
بس انا دلوقتي احسن شوية الي حد ما
الحمدلله
ويارب
يفك هم وكرب كل مسلم امين
وشكرا ليكم
كلكككككككم
ومحدش يزعل مني اني معيدتش
علية في العيد
في مدونتة
اسفة علي اي تقصير مني
سلامممممممممم

Friday, December 5, 2008

كل سنة وانتو طيبين

بسم الله الرحمن الرحيم
عيد سعيد
عليكم كلكم يارب
ويتقبل من كل الناس الصيام
اللي بيغفر سنتين
يوم عرفة
ويتقبل يارب الحج من كل الحجاج
امين
سلام وشكر ليكم
بحبكم والله فعلا كلكم في الله
اخواتي واصدقائي
ويارب يخليكم ويحققلكم كل اللي تتمنوة
امين
سلامممممممممممممممم

Friday, November 28, 2008

كان عندي حق

بسم الله الرحمن الرحيم
لما قولت اني حاسة اني مش هعيش اليوم دة كان عندي حق
لما قولت اني هموت يوميها كان عندي حق
لما كنت مش متفائلة بية كان عندي حق
لما قولت انة مش هعيدي عليا كان عندي حق
خوفي وقلقي وتعبي ورهبتي كان عندي حق
انا فعلا لسة عايشة
بس
بلا قلب
وكان عندي حق
اسفة
مش هقدر اكتب تاني لفترة
ولا ادخل واتابع
اسفة
وشكرا لكل اللي دخل وقالي كل سنة وانت طيبة
بجد انتو اللي ليا
سلام

Wednesday, November 26, 2008

حدث في مثل هذا اليوم

بسم الله الرحمن الرحيم





****************






في عيد ميلادي






الواحد والعشرين






فاكرين اليوم اللي خصلت فية الامتحانات




http://meyasaaa.blogspot.com/2008/06/blog-post_04.html#comments



وجيت حكيت عن ذكرياتي من اول مادخلت المدرسة لحد ما اتخرجت






انهاردة بقي هحكي عن ذكرياتي






من وانا بيبي لحد دلوقتي






وطبعا زي المرة اللي فاتت






من وانا بيبي اكيد اتحكالي يعني






مامتي قالتلي لما كنت حامل فيكي






محبتش اعرف






نوع البيبي وحبيت تبقي مفجاءة وكنت نفسي تبقي بنت






ولما جيت اولد متعبتش في الولادة






وسئلت الدكتور جبت اية






قالي جبتي بنت






فرحت ونمت من الفرحة






بس قالتلي طلعتي عيني بعدها






وكنت بعيط كتير وبصوت






نكدية طول عمري ههههههه






وكنت مش بسكت الا لما يشلوني ويلفو بيا في البيت كلة






وخالتي شوية وجوز خالتي شوية وبابايا شوية






المهم






كبرت شوية وبقي عندي سنة






وبقيت زي العسل






ياخراشي علي الجمال






وكنت قلبوظة وماما بتقولي كنتي ارشانة






واتكلمت وانا عندي سنة






وكنت باكل كتير






وكنت شقية قوي قوي




وكنت بمشي ولازالت بمشي علي اطراف اصابعي




فماما قالت هوديها تلعب بالية لما تكبر شوية




وانا كنت بموت في البالية ولحد دلوقتي كمان

بس بابا مرديش وقال لماما هتطلعي البت رقاصة هههههههه


بس كنت بلعب في المدرسة وكنت عندي بالرينا حلوة قوي


وبحب اتفرج علي حفلات الباليةواقلدهم دايما


بحس انة بيخرج كل اللي جوايا مع كل حركة ايقاعية


وبحب البالية المائي جدا


ان شاء الله هخلي بنتي تلعبة من وهي صغيرة


طالما فقدت الامل فيا دةانا كنت حاجةتانية زمان


وكلة قال البنت دي هتطلع حتة بنت



وكلة استغرب اني لما كبرت اتغيرت



وبقيت هادية



وخجولة



واني اتحجبت صغيرة




انا طول عمري بلبس لبس غريب علي الناس






لان اهلي كلهم مسافرين برة وبيعتولي لبس غريب من برة بالنسبة للناس هنا






واول مرة يطلع الكوتشي اللي بينور كان بابا جبهولي من برة






كنت بمشي في الشارع انور انا وحسن والناس تمشي ورانا زي مايكون جاين من الفضاء






ويلفو حوليا






هههههههههههه






ولما كبرت شوية كان عندي تيشرت كدا






علية من ادام وش فيل






ومن ورا ديل الفيل






فاكان ديل الفيل لونة بينك والفيل لونة موف طبعا لوني المفضل






كنت لما انزل اشتري حاجة من الشارع






العيال في الشارع يشدوني من الديل هههههههه






طلعت قولت لمامتي






انا ماليش دعوة انا مش هلبس التيشرت دة وانزل بية تاني ابدا






وماما فضلت تضحك عليا






وقولتلها متلبسنيش حاجة فيها ديل تاني العيال بيقوليولي يا ام ديل






ههههههههههههه






كان ساكن جبنا زمان ناس مسيحين






وكان الولد كل يوم ينادي عليا






انا واخوية ويقولنا






ياميناااااااا علي حسن اخوية






وانا ياكرستيناااااااااااااااااا






فا كنت انا واخوية نطلع نبص علي الولد دة ونقولة احنا مش اسمنا كدا






انا اسمي مني






ودة حسن






الواد يقولي وانا مايكل






بابا اسمة جرجس






فا انا بقي كنت بلقط من الواد






وكل ما حد يقولي اسمك اية






اقولة اسمي مني كذ كذ كذا جرجس






في الاخر






الناس تضحك وتقولي اية جرجس دي هو انت مش مسلمة اقولهم اة






بس دة اسمي






فا الناس يقولو يمكن كانو مسحين واسلمو






ولحد دلوقتي ناس كتير تشوفني وتضححححححك وتقولي مني جرجس






المهم مرة الواد دة قال لحسن اخويا






ياميناااااااااااااااا






مش هتيجي معانا الكنيسة






قام حسن راح سئل ماما






قالتلة اطلع قولة انا مسلم وموحد بالله






قام اخوية طالع قالة انا مسلم واسمي حسن وموحد بالله اشهد ان لااله الا الله واشهد ان محمد رسول الله






يوم ما حسن اخوية اتولد






كنت انا وعبير بنت خالتي






رايحين المستشفي مع مامتي






وخالتي




وكنا بنلعب في المستشفي رايحين جاين ونجري ورا بعض كاننا رايحن رحلة






كان عندي وقتها سنتين ونص






فا اول ما طلعو البيبي كان فية دم


في راسة






قولت لممرضة ايدة دة قالتلي اخوكي






قولتلها لا انا مش عيزاها انا عايزة بنت دة كمان عندة دم في راسة رجعوة تاني






عارفين فيلم الحفيد لما قالها يادكتورة انت اللي معاكي النونو






انا بردة كنت فاكرة كدا هههههههههه






كنت دايما بحب اشيلة واما حد يقولي هاتي اشيلة شوية






اقولهم لا دة اخوية انا






وماما كانت بتقولي اني كل ما اشيلة يقع مني او اقع بية ويتهبد علي راسة ف الارض






وتزعقلي وتقولي مش هتشلية وانت واقفة خدية بس علي رجلك وانت قاعدة






وحتي متصورة صورة بية وانا قاعدة






كل ما يعملي حاجة دلوقتي ازلة بالصورة واقولة ولد عيب انا اختك الكبيرة






بس مين بكلم نفسي دلوقتي اطول واعرض مني وعامل عليا راجل وكدا






كل سنة من وانا عندي سنة ماماكانت بتعملي عيد ميلاد






في مرة من المرات






كانت عملة حفلة عيد ميلادي وراحت اشترت






لعب كتيييييييييير وهدايا كتير






وعملت علي كل هدية رقم






وعملت ارقام وسحب عليها وكل اللي في العيد ميلاد يسحب






فا بنت خالتي نهال كسبت الهدية اللي انا كنت نفسي فيها






وشيفاها وماما بتحط عليها الارقام وقولتلها عيزاها قالتلي لا لو شاطرة اكسبيها






وفضلت يوميها مضايقة واقولها ماليش دعووووووووة انا عايزة اللعبة دي






ونهال تقولي واانا مالي دي بمجهودي كسبتها وتطلعلي لسانة






كنا عيال قوي هههههههههههه






انا وهي بنتفكر الايام دي دلوقتي ونضحكككككككك


كنت اروح ابات كل صيف عند نهال اسبوع او اسبوعين


واقعد العب انا ونهال وحمادة اخوها


كل يوم


وكانت نهال عاملة عليا كبيرة


هي اكبر مني بتلات سنين


كانت بتعاقبني لو زعلتها وتقولي


اقفي في البلكونة عدي سرب الحمام كام حمامية


كنت اقعد ياعيني اعد والحمام يطير بسرعة ملحقش


تقوم ماسكة عصايا كبيرة


وتقولي نامي علي الكنبة


وتقولي هضربك لو معرفتيش


البت ياخوانا كانت بتطلع العقد فيا ومستغلة سذاجتي


وكنت اعيييييييط من الخوف


وكان عندنا لعب من كل احتياجات البيت


مضرب بيض وخلاط وطقم شاي وقهوة كلة لعب زي باربي كدا


وكانت نهال تاخد بتها البلكونة وانا تحت السفرة


واروح ازورها الاقيها عاملة ديكور جامد قوي في البلكونة اشبط واقولها


انا عايزة البلكونة وانت رحوي تحت السفرة


وكنا بنحط في البراد مية ونعمل نفسنا قال يعني بنشرب شاي


ايامممممم



احلي بقي ذكريات عمري وطفولتي بجد كلها قضتها مع بنت خالي


رانيا






رانيا دي المطربة بتاعت العيلة كان ولازال صوتها حلو قوي






وكانت بتغي في مركز الثقافة وبتسافر مصر وجنوب سنيا وتحضر حفلات وكدا






وكانت بتغني في الاذاعة الاغاني الدينية






والهجرة النبوية وكلة






وانا كنت بقف معاها ممروعة بقي بنت خالي مشهورة في كل مكان بنروح فية






وكانت شريرة محدش يقدر عليها






رانيا دي كنا انا وهي بنلعب لعب وناجر عجل






ونلعب كورة






وكنت انا وهي واحنا صغيرين بنحب كاظم الساهر






ونقعد ايام زمان في الحفلات ونلبس حملات زي اللي ف الحفلات






ونمسك الدباديب ونرميها علي التلفزيون عععععععععععااااااااااااااااا


رانيا لما تتعصب انا الوحيدة اللي بعرف اهديها


بغنلها اغنية ماما زمنها جاية تقوم تضحك


كنا مرة في الشارع انا وهي ورامي اخوها


واتلم علينا شلة كلاب


وقعدو يهوهو علينا وعملو دايرة عليا انا وراينا


قام رامي سبنا وطلع يجري


واحنا بقينا نصوووووت


كنت انا وهي نلبس زي بعض


وكل حاجة اول مرة نعملها عملنها مع بعض


وادايما فاكرنها مش بننساها


ومرة وهي بتصلي وهي سجدت وهي بتقوم قالت هوباااا


ودايما تحرك ايديها بعد الصلاة وتبوس ايدها شعر ودقن



رانيا لما اتخطبت


كان شهر 8 ف الصيف دة


كنت يوميها فرحانة كانة فرحي انا


وكنت حاسة اني اطمنت عليها


وكنت واقفة جنبها


مع اني في الافراح ببقي رخمة وبفضل قاعدة مش بتحرك من مكان


ومسكت ايدي وعيزاني ارقص وهي عارفة اني ماليش ف الموضوع


بقيت مكسوفة


وغنت في فرحها للعريس


بطمنك بتاعت شرين


ووقفو الاغنية وغنت مع نفسها


والعريس بقي واقف مكسوف


بس الحمدلله عرسها كويس جدا ربنا يخليهم لبعض


وعقبالي انا كمان


ههههههه


*


كنت من صغري بلعب سباحة




وكان الكابتن صاحبنا




وكنت اخدة علية




اول مرة انزل فيها البحر




في مكان غويط




كنت عاملة زي اسماعيل ياسين في البحرية




لما كان يجي علية الدور يوم مبدل مع اللي بعدة




انا فضلت اعمل كدالحد ما لاقت مفيش حد غيري




قام المدرب التاني مش صاحبنا واحد غيرة




كانت رجيلة مقطوعة عندة رجل واحدة وكان جامد قوي في السباحة




المهم قالي يالا ياماما نطي




انا بصيت حوليا لاقيت نفسي مفيش غيري




بصيت في المية تحت لاقيت نفسي شايفة الرملة لان المية كانت نقية قوي




وبكل ثقة نطيت وهوووووووووووووب




لاقيت نفسي بنزل بنزل بنزل




ولما لاقيت كدا ومش بأب علي وش المية بقيت تحت المية بصوتتتتتتتتتت




فا طبعا عقبال ما طلعت كنت شربت مية بالهبل




فا طلعت مغمي عليا




قام كابتن هشام صاحبنا مسكني




وقعد يقولي فوقي فوقي




وانا ابدا




قام جة المدرب اللي رجلة مقطوعة دة




وضربني حتت قلم علي وشي




انا كنت حاسة اني اضربت قلم بس محستش بوجع




وفجاءة فوقت ولاقيت المية اللي في بؤي كلها بتطلع




وقولتلة انا مش هنزل البحرتاني انا عايزة البسين بس




قالي لا ياحببتي لازم تتعلمي في الاتين




ولازم تبقي شجاعة




ويوميها قعدت اعوم واعمل مسابقات مع العيال




ومن ساعتها اونا بعوم حلو




كل دة في ابتدائي

وفضلت العب لحد بداية تالتة اعدادي




وبطلت




علشان الحجاب




فترة اعدادي بقي






معملتش ولا عيد ميلاد






بزعل قوي لما مش بحتفل بعيد ميلادي بحس انة المفروض اليوم دة ابقي سعيدة لاني جيت ف الحياة






ومنكدش علي نفسي


اة عايزة اقولكم اني عمري ما جبت لنفسي نتيجة


في حياتي


الا مرة ايام الكلية في سنة رابعة


وكنت مضطرة اجبها لانهم قالو لازم الشخص نفسة


بصراحة مش بتفائل بنفسي







طول عمري بحب اللون الموف






وكل حاجتي لونها موف






الشنط والمحفظة والمقلمة وفرشة السنان والشوكة والمعلقة






الهدوم وادوتي كلها موف






كل متعلقاتي الشخصية عموما موف






ونفسي يبقي عندي دبدوب كبيرررررررررررر لونة موف




وبحب اوي الورد الموف









انا علي فكرة اللي بفتكرة بكتبة حتي مممكن تلاقو لغبطة في البوست






بس سبوني براحتي واستحملو ماشي






المهم نكمل






كانت فيةواحدة جارتنا زمان عند بيت جدي






دي كانت الانتيم بتاع ماما






وكنت بحبها موت وهي اللي حببتني ف الموف علي فكرة






وكانت محامية واتجوزت ممتاخر فاكانت بتعتبرني بنتها






انا اكبر من بنتها دلوقتي بتاع عشر سنين كدة






وانا اللي ربيت بنتها حببتي بموت فيها






كانت بتاخدني معاها المكتب بتاعها






واخد معايا كراستي واقعد اعمل الواجب






واقعد العب با الالة الكاتبة






واعمل نفسي المديرة هههههه






وبروح واجي معاها في كل مكان وكل رحلة






تقريبا كانت بتروح علشان تفسحني اصلا






وكان نفسها اني ابقي محامية زيها






بس انا للاسف خيبتلها امالها وبقيت عالمة اثار ههههههههه






بس انا فعلا بحب الحقوق






ولما اتجوزت مسكتلها الشمعة وكنت زعلانة ومش طايقة العريس






وكان ظابط وكنت بخاف منة وهو لابس البدلة وتقولي متخافيش ياماما دة حلو مش بيخوف






وكانت بردة بعد الجواز مش بتسبني ومرة كنا قاعدين قولتلها انت حامل وهتجيبي بنت






قالتلي حامل ف الشهر الكام قولتلها التاني






راحت فعلا حللت وطلعت فعلا حامل وجابت فعلا بنت






فيا شئ لله انا ههههههههه






لحد دلوقتي انا وهي صحاب قوي وبتقولي انت بينتي الكبيرة






بنتها بقي كانت بنتي انا انا اكلها والبسها واذاكرلها






وكنت عاملة في البيت حضانة لاطفال العمارة






بعلمهم الحروف والارقام بالعربي والانجليش






وكنت جايبة علبة بسكوت وتوك للشعروحاجات كدا






كل ما حد يكتب حلو اديلة هدية






وكانو كل يوم الصبح يجيبو شنطهم






ويجو وماما تصولتلي تقولي الناس بتريح دماغها وتوجعيلي دماغي انا






وكان عندي بلاك بورد كبيرةةةة وطباشير ملونة






وهيصة






كنت طول عمري بحب اقلد المدرسين ا






بس لما كبرت كرهت المهنة دي وقولت دة انا مصدقت خلصت المدرسة اروحلها تاني






لاممكن ابدااااااا






لما دخلت الاعدادي






كنت كل رمضان اتحجب وتيجي رانيا بنت خالي شياطين الانس






تقولي كلنا ف العيد هنروح نعمل شعرنا وانت لا






اقلعي اقلعي يابت






وانا بهبلي اسمع كلامها واقلع






جيت بقي لما تميت 14سنة اتحجبت






وجت في رمضان تقولي نفس الكلام قولتها بقولك اية ابعدي عني






اعملي انت شعرك انا عايزة ابقي محجبة مالكيش دعوة






وكنت بروح الجامع دايما من صغري احفظ قران واسمع دروس






واصلي الجمعة






واطلع مظاهرات تبع الجامع لفلسطين






ولما خلصت الثانوي اخر يوم خلصت فية الامتحانات






بتاعت تالتة ثانوي






رحت اشتركت في رسالة






دي جمعية خيرية






واتعلمت فيها لغة الاشارة الصم والبكم ومخارج الحروف والهجاء الاصبعي






وبعدين ف الجمعية اختاروني اني ابقي المسئولة عن نشاط الرحالات






واشتغلت في قسم تحفيظ القران والتعاليم الدينة






وطبعا كل دة للصم والبكم بما اني بعرف اتكلم معاهم






وحفظت الولد اللي كنت بدرسلة حاجات كتيرررررر






وعلمتة ازاي يصلي ويتوضا ويصوم ويقرا الفاتحة والصور الصغيرة






وخليتة ينطق






لانهم بيتكلمو بس المشكلة انهم مسمعوش كلام علشان يقولو






فا بالمحاولات بيتعلمو الكلام






وانا دة اللي حاولت اعملة طول الفترة دي






جت بقي






الكلية لاقيت نفسي بتعب من المحاضرات والمواقع الاثرية للرسالة






ف بقيت اقلل




من اني اروح بس كنت بروح زيارات وكدا ودور ايتام






ومسنين






وكنا بنفطر معاهم في رمضان مرة رحت دار مسنين






واخدت ماما وجارتنا






وعمللنلهم الاكل للدار كلها ولطبعا الجروب اللي معانا






وقضينا معاهم يوم جميل قوي ف رمضان






وبردة مرة اخدنا مدرسة اطفال الشوارع وودناهم الملاهي






دة غير بقي الملابس المستعملة كنا نفضل نفضي فيهم ونظبتطهم ونبعهم






في معرض اي حاجة بنص جنية او بجنية






بحيث الي هيجي بدل ما ياخد اي حاجة وهو ساكت لا يختاربنفسة وكمان هيدفع فلوس علشان يحس انة اشتري






وكمان بالفلوس دي بنو دار ايتام






وفرشوة






وكان احساس جميل لما الولاد البيبهات جم الدار






كنا بنطلع نلعب معاهم وهما بيبي خالص مش حاسين احساس وحش قوي






احساس اليتم دة




والاكل كنا نبعملة في اكياس للاسر الفقيرة




ونعمل لكل شنطة كيلو من كل حاجة




لان ماشاء الله




الناس بتبترع




كذا شوال من كل نوع




واحلي الانواع بصراحة جزاهم الله كل خير




ياجماعة اللي من اسكندرية وعايز يروح ياريت ميترددش




بجد اسكندرية محتاجانا قوي




وطبعا بقيت المحافظات ياريت









استفاد كتير بصراحة في حياتي اللي قضتها في رسالة عرفت يعني اية






انا عندي نعم كتير مش حاسة بيها






اني بشوف اني بسمع وبتكلم وعندي بيت واهل وعيلة






فا المفروض اللي عندة يدي اللي مش عندة مش لازم فلوس ممكن هدية عادية






ممكن تساعدة بالامكانيات اللي عندك محدش يستقل بنفسة






واعتقد دي حاجة مشرفة في حياتي وفرحانة اني عملت كل دة






واتمني كل الناس متكتفيش بانهم بيصلو يصومو ويقرو قران






وان ياريت ننفع بلدنا ومجتماعنا والله انا نفسي ارجع زي زمان وان شاء الله هرجع






بما اني فاضية واتخرجت بقي






بس عايزة اقولكم والله انا مش فاضية كل يوم كورسات






وكمان هبتدي ان شاء الله الماجستير يوم1 فبراير 2009






وطبعا هتستمر ان شاء لله تلات سنين






فا لسة مش عارفة اروح واربط نفسي هناك تاني بمواعيد والتزم بيها والاقي الماجستير بوظلي الدنيا






فا قولت اظبط نفسي ف المواعيد وارجع تاني






وباذن الله لو ليا عمر هرجع






بس عايزة اقولكم ان الكلية رغم اني ماكنتش بروح كتير ولما اروح احضر وامشي






بس بجد والله وحشتني






ووحشني كل اصحابي هناك






فاطمة وكاريمان ومي وليزا وغيرهم كتير






ووحشني كل الدكترا






دكتور اشرف ودكتور عزت قادوس ودكتور مجدي






لكن السيدات لا






كلهم بصراحة كانو متكبرين قوي ومش بيتصاحبو علينا زي الدكترا الرجال






وياما طلعنا رحالات مع دكتور عزت






وكان دايما يقول كلمة ياريس كل الناس عندة ريس






هههههههه




ورحنا اماكن كتيررررر




بالذات اماكن في اسكندرية عمري ما كنت رحتها قبل كدا




وانا كتبت عن كذا منطقة في البوستس اللي فااتت لليحب يعني يقرا عن المواقع دي




وكمان ناشرة صور
ودي لينكات



المواضيع



http://meyasaaa.blogspot.com/2008/04/blog-post_19.html
http://meyasaaa.blogspot.com/2007/12/blog-post_04.html




بس حياة الكلية عموما غير المدرسة بكتير






ودلوقتي كمان الحياة مختلفة بما اني متخرجة






حاسة اني كبرت وبقيت مسئولة كدا






وحاسة برهبة






خايفة من بكرة قوي






ومش عارفة حياتي هيحصل فيها اية وهتفضل كدا لحد امتي






وكل الناس بقي زي ما انتو عارفين






ها مفيش حاجة في السكة ومفيش عريس وعقبال العريس






فا بجد كرهوني في العرسان ههههههه مش اوي يعني






هههههههههههههه






بس لازم كل الناس تعرف






ان الموضوع دة بتاع ربنا وكمان العروسة اللي هو انا يعني






ملهاش ذنب فية ومش باديها يوم ما يجي صاحب النصيب علي راي مامتي






هتجوز ولا انتو شايفين اية


بس مش عارفة لية كل ما بيحصل ويبقي في عريس


بخاف وبتردد وبحس اني لسة طفلة ان يبقي عندي بيت


واني خلاص ادبس


وتبقي جوازة العمر


علشان كدا مش بحب اتسرع في اتخاذ القرار


واكيد يوم ما يجي الي مكتوبلي هلاقي نفسي غصب عني وافقت


حاسة اني عندي عقدة من الجواز ولا اية







هههههههههه ودلوقتي






من موقعي هذا كمان كام ساعة عيد ميلادي






الواحد والعشرين والذكرايات البسيطة طبعا اللي استرجعتها دي معاكم بودع مرحلةالطفولة والمراهقة






وهدخل في مرحلة النضج كدا وابقي بنوتة كبيرة






دة المفروض بس علي مين انا بحب ابقي علي طبعتي واحس اني مهما كبرت هفضل صغيرة






العب واهزر مع الاطفال






اتكلم بتلقائية مع الناس





واتفرج علي الكارتون وبكار حبيبي




وهفضل كدا حتي لما ابقي محافظة اسكندرية قولو امين






وبهدلكم في الاخر اغنية






انا مهما كبرت صغير






للفنان عمرو دياب






هههههههههههه



قبل ما اخلص كلامي

عايزة اقول
رغم ان المدونة دي



بقالها سنة واربع شهور او خمسة



بس والله انا حاسة كاني انا وهي نعرف بعض من سنين



وبجد والله مبسوطة اني عرفت كل اصدقائي واخواتي



منها



وهي لازم تبقي في حياتي ولازم اذكرها بالخير في ذكرياتي



واللي هتفضل معايا شغالة طول ما اانا عايشة



ان شاء الله



ودي احب حاجات لقلبي الي انا كتبتهم



http://meyasaaa.blogspot.com/2008/06/2.html#comments



http://meyasaaa.blogspot.com/2008/04/blog-post_18.html#comments



http://meyasaaa.blogspot.com/2008/04/blog-post.html#comments



http://meyasaaa.blogspot.com/2007/08/blog-post_25.html#comments



http://meyasaaa.blogspot.com/2008/01/home-lone.html#comments



http://meyasaaa.blogspot.com/2008/02/blog-post_23.html#comments



وباذن الله انا ناوية اعمل بوست لاكتر ناس بحبهم



في العالم دة



واكتب لكل حد فيهم كلمات بسيطة



واكيد في ناس كتير عارفة اني قصدي عليهم



يعني عارفين نفسهم






بصو صحيح






مجبتش جاتو ولا تورتة لسة بيتجهزو






بس البوست اللي بعدة هنزل صور الحاجات الي هعملها باديا بدل الصور بتاعت النت الهجس دي






وشوفوي بقي عمايل ايدي علشان لازم تاكلو منها






يلا






كفاية عليكم كدا


تعبتو وهاكل ضرب منكم للصبح


هههههههه






سلام

Monday, November 17, 2008

ليلة في حب اسكندرية

بسم الله الرحمن الرحيم



**************
تصويري
ف المعمورة

صحيت من النوم علي نور الشمس




علي سحر وهمس الموجة الشقية




علي شط اسكندرية




ونسيم البحر وراويحة العطرة




فتحت عنيا شوية شوية




علي احلي واجمل بحر


ددقفت شوية


في لون البحر


في اجمل سخر


ولبست بسرعة..بسرعة برق


وجريت علي البحر


في عز الشمس


ندهتني المية


تعالي ياحلوة يا اسكندرانية


نلعب شوية


ونسبق المية


وقالتلي كمان ليكي عندي هدية


ياسمكة شقية


في عنيكي كلام


فضفضي شوية


ياسمحة النية


يااحلي بلطية


قلبك مليان حب وحنية


قربي شوية


بلبطي في المية


وخدي صورة هدية


وراحت الشمس وسابت الوانها


غطست في المية


خلت للسما الوان زاهية


اللوان طيف بهية


ومشيت من البحر


ورجعت البيت


غيرت هدومي ونزلت قوام


بطيارتي الذكية


ام الوان شقية


وحبل طويل


بطول اسكندرية


وتطير في المسا نفسي احصلها


واجري وراها واروح ع البحر


وامسك سنارة


واحط الطعم


وارمية في المية


تلقطها السمكة


واحس بتقل ارفعها قوام


والاقيها بسرعة


ترقص وتهيص


واركب اللانش ويدور ويلف


ترفعنا الموجة


من شط لشط وبيوت علي البحر


ندخل علي القلعة ووراها الحلقة


ومشوي يادرة اكلك ع البر


نلعب ونهزر


نحفر في الرمل


واركب حنطور يمشي ويتمختر


علي البحر شوية


واروح بتنا


اكل واغير وانملي شوية


واحلم بالمية


ودي ليلة ف حب اسكندرية


......................


سلاممممممممممممم

سؤال جة ف بالي

بسم الله الرحمن الرحيم
**************
عايزة اجابة بصراحة
لوادامك خيارين
الاول
انك ممكن تعيش علي عمرك 60سنة
كمان
بس بشرط من غير ماتحب ولا تتحب
التاني
انك تلاقي حد بيحبك قوي
وتحبة كتير
بس
نظير دة هياخدو من عمرك ال60سنة
ويبقو بس 6شهور
؟؟؟؟؟؟؟؟؟؟
تختار اية تعيش 60سنة لوحدك
ولا6شهور احسن شهور في حياتك
وانا هجاوب
بس محدش يغش مني
كله يقول الحقيقة
الاجابة رقم.....................
اتنين
لان اية الفايدة اعيش عمري كلة وحيدة من غير ما اكون سعيدة
ومعايا حد احبة وبيحبني بجد
لكن لو عشت ولو يوم واحد مع اغلي انسان
هيكون بالنسبة لي عمري كلة وهتمني وقتها اعيش علشانة
واحب حياتي ووقتها احس انها بقت ليها معني
وروني الاجابات
بس بصراحة بليز
سلامممممممممممممم

Wednesday, November 12, 2008

احلي تاج سعادة

بسم الله الرحمن الرحيم

**************

تاج

محمد

هل تبحث عن السعادة

ومن منا لايبحث يامحمد

انا رديت علي التاج اهو

يارب تعجبك اجاباتي

وسعيدة بمعرفتك جداااااا


وشكرا علي التمرير


ندخل علي الاسئلة

..................................



السؤال الأول:ماهى السعادة من وجهة نظرك؟

دايما كنت بقول السعادة

هو انك تشعر برضا ربنا

فابيخليك ترضي علي حياتك وبتلاقي الدنيا احلي

والسعادة نسبية

ممكن حاجة صغيرة قويييييييي تفرحني

وف نفس الوقت متفرحش غيري

وانا عموما اقل حاجة بتفرحني

وادق التفاصيل

ومش شرط تبقي حاجة كبيرة



السؤال الثانى: كيف تصل إلى السعادة؟

ممكن عن طريق انك

تعمل كل اللي عليك

وتثق ان ربنا معاك ومش هيسيبك

وقتها هتصل للسعادة

بسبب اليقين

والايمان بشئ


السؤال الثالث: هل السعادة وهم أم أنها حلم صعب؟

السعادة شئ نسبي زي ماقولت

بس عمرها ماكانت وهم

بس علي ما اعتقد السعادة دي نعمة من نعم ربنا

واللي بيديهالة

يابختة

ويارب نكون منهم


السؤال الرابع: هل السعادة طريق للنجاح ؟

وضح؟

وضح فكرتني باسئلة الامتحان

السؤال بيقول علل

اكيد لما هتبقي مبسوط وسعيد

هتحب تعمل كل حاجة

ويبقي عندك امل في الحياة

بس علي ما اعتقد هي سبب من الاسباب

مش كل الاسباب

السؤال الخامس: ماهى أكثر اللحظات التى شعرت فيها بالسعادة؟

ممممم

يا اما انا مش فاكرة

يا اما انا مشعرتش بسعادة

بس لما كنت بنجح بفرح

بس السعادة الدائمة دي

لا لسة

بس املي ف ربنا كبير



السؤال السادس:هل ممكن أن تحقق كل شىء؟


ممكن طبعا

مفيش حاجة في الدنيا مستحيلة

بس

انت وارادتك وعزمتك بقي

وانا اتمني اني احقق كل شئ

او حتي شئ واحد

هههه


السؤال السابع: السعادة تجعلك تقبل على الحياة أم لا؟

طبعا تقبل وتقبل وتحب الحياة والدنيا واللي حوليك

وتبقي حاسس انك طاير ف السما


السؤال الثامن: هل أحسست يوما انك وصلت لقمة السعادة؟ا


مرة




السؤال التاسع: لماذا تمر أوقات السعادة بسرعة؟

والله معرفش انا كمان بسئل نفسي نفس السؤال

بس اعتقد

هي بتمرعادي بس احنا من كتر الفرحة

بنحس انها بتجري بسرعة


السؤال العاشر: هل ترى السعادة فى التدين؟


مفيش حاجة اسمها السعادة في التدين

اصلا احنا المفروض يبقي الدين والحياة

حاجة واحدة متعرفش تفرق بنهم

لكن احنا خلينا الدين زي الزيت

والمية

في فاصل بنهم

اكيد احنا جينا ورايحين لربنا

يبقي لما نقرب منة هنسعد

في مثل بيقول

من جاور السعيد يسعد

فمابالك لما تجاور الملك

الي خزائنة لاتنفذ

هيكون نصيبك اية

ومش دنيا بس

لا واخرة كمان

وهو المطلوب اثباتة

السؤال الحادى عشر: هل أنت متفاؤل وعندك أمل؟

وضح؟

اة انا عندي امل


لو بطلنا نحلم نموت

لكن متفائلة

احيانا

لكن متقدرش تقول صفة فية

بس هي فيا والله


السؤال الثانى عشر: إذا شعرت بالحزن ماذا تفعل؟

اعيط

ههههههههه

هعمل اية

زي ما انا عاملة كدا

ادعي ربنا يفك الهم الحزن

واسمع سورة يوسف

علشان بتفك الهم والحزن

وكمان انا بموت فيها


السؤال الثالث عشر: هل يستمر معك الحزن فترة ام ينقضى فى الحال؟

لالا لاينقضي في الحال

دة هو الحال اصلا

ههههههههه

بس انا من النوع اللي قوية شوية

مش بحب اسيب نفسي

عايشة فترة بفكر ف حاجة واحدة وبحاول اشغل نفسي والهيها بس بفضل حزينة

من جوايا

ومش بنسي بسرعة

السؤال الرابع عشر: ما رأيك فى الأفراد المتشائمين؟

مممممممم اجدع ناس

هههههههه


لا والله انا مش بحب التشائم يبقي

صفة

ممكن فترة كدا تحس بتشائم لسبب موقف او اي حاجة

وبعدها ينتهي

لكن متبقاش الصفة بتبقي مش حلوة

مش عايزة اغلط احسن يكون حد من صحابي متشائم ويزعلو مني

انا قولت اجدع ناس


بهدي التاج

لكل اللي يحب ياخدة

وكل صحابي

اللي عندي لينكات مدوناتهم

ومش هغصب عليكم

علشان متضربونيش


عايزين مني حاجة تانية

طب

يلا

سلام

Tuesday, November 11, 2008

مجردحنين

بسم الله الرحمن الرحيم
*************
كنت اسير في الاسواق
فلمحت في الطرقات رجل
امامي يحمل امتعة بسيطة
من متطلبات المنزل
من خبز وليمون وخضراوات وفاكهة
فنظرت الية في شجن
ووجدت الدمع يملئ عيناي
فشرد ذهني الي منزل هذا الرجل
ونظرت الي ابنائة
والفرحة في اعيننهم
بعوده ابيهم
وبالاشياء البسيطة
هذة
فعودت من خيالي مسرعة
فنظر لي هذا الرجل
فوجدت حنان الاب في عينية
وفجأة انهال الدمع العزيز علي وجنتي
ووجدت الاشخاص في الطرقات ينظرو
الي
ويحدقو في عيني
فنظرت اللي اسفل
وتفكرت في هذا الرجل
كم هو متعب وهو عائد من عملة
من اجل اسرتة
وياله من احساس
وهو ياكل مع اولادة
علي مائدة الطعام الشهي
ويضمهم بحنانة ويدفيهم بعطفة
ويظلل عليهم من قسوة الحياة
بقوتة
كم اشتاق لهذا الاحساس
الذي طالما عشت تمنيته
ولكني لم اراه
حتي في حلمي
................
بارك الله ف الاب الحنون علي اولادة
سلاممممممممممم

Followers

اهداء الي ارواح اموات المسلمين والمسلمات اجمعين

يارب كل اللي هيقراها تكتبلة حسنة وتيسرلة حد يقراهاله
بسم الله الرحمن الرحيم
الحمدلله رب العالمين
الرحمن الرحيم
مالك يوم الدين
اياك نعبد واياك نستعين
اهدينا الصراط المستقيم
صراط الذين انعمت عليهم غير المغضوب عليهم ولا الضالين
امين
قل هو الله احد الله الصمد لم يلد ولم يولد ولم يكن لة كفوا احد

اللهم اغفر لهم ذنوبهم
وارحمهم ياارحم الراحمين واجعل قبورهم روضة من رياض الجنةلاحفرة من حفرالنار
واجعل مثواهم الجنةونجهم من النار ويسرحسابهم امينن

اصحو فوقو يابشرر كفايةاستسلام

اصحو فوقو يابشرر كفايةاستسلام
لاللمخدارات لاترمي نفسك للهلاك ان لجسدك عليك حق

رسول الله ص شفيعي يوم الحساب

رسول الله ص  شفيعي يوم الحساب
اقرب لي من روحي

هدفنا تطبيق وليس مجرد كلام

هدفنا تطبيق وليس مجرد كلام
حب الرسول صلي الله علية وسلم باتباع السنن

بحبكم في الله

بحبكم في الله
اصدقائي

دة مصيرعريس مني لو فكر يزعلها

دة مصيرعريس مني لو فكر يزعلها
اديني بقولك اهو شكلك هتيجي لقضاكlol

افعل ما شئت ان الله يراك

افعل ما شئت ان الله يراك
من يتق الله يجعل لة مخرج ويرزقة من حيث لا يحتسب

يسبح لله من في السماء والارض

يسبح لله من في السماء والارض
سبحان الله وبحمد سبحان الله العظيم

اسكندريةمارية وتربهازعفران

اسكندريةمارية وتربهازعفران

اسكندرية يا اسكندرية

اسكندرية يا اسكندرية

عمود السواري

عمود السواري