بسم الله الرحمن الرحيم
بوست ماكنش علي بالي بس الوحي جالي اكتب عنة وانا بتكلم مع صحابي وبحكلهم علي اليوم دة
قولت بدل ما احكلهم احكي هنا علي طول
من كام يوم حصل
مامتي راحت تشتري حاجات فا وهي ماشية وقعت علي رجلها بتقولي وقعت زي بحيرة البجعة
فتحت برجل يعني
المهم مقدرتش تيجي علي البيت فا راحت عند خالتي
فقعدت عندها ولاقت نفسها مش قادرة تمشي
فا اخوية الخنيق هههه معلش يابوب لازم اقول الخنيق علشان الحركة اللي عملتها كانت جامدة
هو اللي رد علي التليفون وماما قالتلة تعالي وكدا قالها انا جاي ابات معاكي
طبعا انا مسمعتش المكالمة
كنت قاعدة علي النت
جة قالي
حسن:ماما اتصلت
انا:قولتلها اية
حسن:قولتها انك ياباردة مش راضية تعملي الاكل فا انا هروح اتغدي معاهاعند خالتي
انا:احسن اهو استريح منك(اصلة كان مغلث عليا
حسن:دة انا اللي هستريح منك
قام لبس وظبط نفسة وانا معرفش انه هيبات بقي ولا هو ولا هي معرفش حتي انها وقعت
مش بيقول حاجة خالص
المهم وهو نازل قام قالي
حسن:ناناناناااا انا رايح ابات مع ماما
ونزل
طبعا انا قاعدة مغلولة بقي
!!!!!!!!!!!!مقليش لية
المهم نزل الساعة11بليل فا طبعا مش هنزل بعدة الوقت اتاخر قولت اقعد لوحدي هو انا هتخطف انت يابت كبرتي وبقي عندك20سنةادك علي راي ماما بيتفحو بيوت
ههههه
المهم عملت شجيع السيما وقعدت لوحدي هق هق هق هق
فجاءة بكلم صحابي علي النت وبقولهم اني قاعدة لوحدي
قام هوب طريخ طرخ بوممممممممممممممممممممم
النور قطع
الفقري فقري طبعا
بقيت شبة المهابيل
ههههههه
مش عارفة اروحح فين ولا اجي منين والبيت كبيررررر عامل زي بيت الرعب وانا قاعدة لوحدي مش باين من المغارة دي اي ملامح
قعدت ادور علي الموبايل فين الموبيل يا زوكي القطة بتاعت اخوية قالي :نيوووووو
قولتلة جزاك الله خيرالمهم لاقيت الموبايل باعجوبة الحمدلله علي نعمة النظر والكهربا
المهم مسكت الموبايل نورت بية ورحت عند بابا الشقة مزنوقة في الباب علي اساس لو طلعتلي حاجة افتح واجري
واتصل بالجيران محدش بيرد الساعة2.30بقي والناس نامت
طب اعمل اية اعمل اية قومت متصلة بنرمين الانتيخ صاحبت مدونة توهان
قعدت تضحك وانا بصوت في التليفون
انا:نوني شوفتي اللي حصل يانوني شوفتيييي
نرمين:اهدي ياموني فية اية انت اختفيتي فجاءة لية
انا:النور قطع يانونييييييييييي الحقيني
مع العلم ملحوظة بسيطة نرمين في مصر وانا في اسكندرية اللي هو يعني هتعملي اية يعني
نرمين:ههههههههههههههههها ياجبانة ياخوافة ومالك مرعوبة كدا لية
انا:نعم ياختي الدنيا ضلمةكحل وماما وحسن مش هنا نرمين:بجد انا:اة مفيش غير الاوز
المهم قعدت ارغي وهي ترغي ومش فاهمة منها كلمة اصلها بتتكلم بسرعة موت قولت قدري يارب استحمل اية عاملة حس معايا مش لازم افهم بتقول اية
المهم هي حست اني مش فاهمة بتقول اية علشان مش برد قالتلي انت يابت بقولك انت خايفة من العفاريت
قولتلها الله يخرب بيتك ياشيخة ششششششش متجبيش السيرة دي
وانا ياجدعان كنت خايفة منهم فعلا علشان لسة متفرجة علي فيلم رعب بس متقولوش لحد دي سر
قام فجاءة النور جةةةةة قولت
ههيهيهيهيههييهاااااااااااااا النور جة باي يانوني قالتلي اة ياندلة قلبتيني في لحظة قولتها لالا هكلمك علي النت بقي
باي
الاوز الجبان اهو ياااااي خواف قوي مش عارفة طالع لمين
واما فتحت قولت لاخوية علي النت ان النور قطع وانا والاوز خايفين قالي :ياحيلتها معرفش الكلمة دي معلق عليها ليةهههههه
قالي طب انا جيلك
جالي الساعة3والدنيا كانت بتشتي وبهدلتة مطر
قولتلة تستاهل علشان نزلت
قالي دة انا جتلك علشان صعبتي عليا بس
قال يعني الواد حونين قوي
انا اختة الكبيرة بس مش محسسني بكدا خالص
علشان اطول مني يعني عادي يعني ولا ببهمني
واليوم عدي هو اة صدعني وقعد يرغي بس اهو ضل راجل بردة
المهم اللي خلاني احكي عن اليوم دة هو انهاردة
لان اتكرر معايا نفس العملة
ماما راحت عند خالتي تبات علشان عندها مشوار الصبح جنب بيت خالتي
واخوية راح اكتوبر يتفسح هو ولاد خلاتي
فا بقيت انهاردة دلوقتي حالا اهو بتكلم وانا لوحدي انا والاوز
وقاعدة ومنسجمة علي الفيس بوك
اذ بة اتفرجت علي فيديو عادي بيقولو دقق في الصورة كويس علشان تشوف هيحصل اية شي لا يصدقة عقل
طبعا بهبلي قعدت ادقق
لاقيت مرة واحدة واحد منكوش وحالتة بابلاه طالع مرة واحد وبيقول هوووووووووووووووووووووووووووووو بصوت مرعب موت
اتخضيت موتتتتتتتتتتتت وقلبي كان هيقف من الخضة يرضيكو اللي بيحصلي دة ياجدعان
قعدت اتشاهد واهدي كدا بس بقي المنظر عملي خبلان كل شوية ابص جنبي اتخض الاقي حاجة معدية اتاريها خيالي في الحيطة الله بقي وبعدين محدش يضحك عليا
يلا اهو اليوم عدي وخلاص يعني هيكون في اية يعني انا ولا بيهمني
هههههههه
سلامممم
