بسم الله الرحمن الرحيم
اولا انا لسة اول مرة في حياتي اكتب بوست وكمان مش من النوع اللي بعرف اتكلم قوي واعبر عن نفسي
بس يلا نرمين قالتلي هبلي واكتبي الي انت عايزة دة بلوجك وانت حرة فية وانا هسمع الكلام يانرمو:)
طبعا نوني هي اللي ساعدتني في البلوج دة
ولازم ارفعلها القبعة واشكرها جزاكي الله خيرا يانوني
انا بقول مش هتكلم عن موضوع المرة دي مش علشان لا سامح الله اول مرة ومش عارفة اقول اية بس علشان
اخلية جست تعارف عليا واكيد حاجة واثقة منها يعني من غير كلام
مواضيعي هتعجبكم:(
ان شاء الله
طبعا انا بهيس لاني مش عارفة هكتب في اية اصلا بس بلوجي وانا حرة فية اهيس براحتي صح يانرمو
لو الناس جت ضربتني ماليش دعوة نرمين هي اللي قالتلي ياجماعة
طبعا الكلام كلة عليها وصدعتكم بيها بس لازم اعترف لها بالفضل الكبير والاول والاخير عليا
عندي رسالة عايزة اتكلم فيها وهي ان الرسول علية الصلاة والسلام
قالي في رسالة هوصلها للناس
وكمان هدافع عنة بس كل وقت بيجي بقول انا مش بتكلم لية وهدافع امتي وياتري الثقة اللي وثقها فيا انا اداها ولالا
هبقي احكلكم الحكاية دي بعدين يا جماعة علشان اعملكم تشويق زي المسلسلات السسبنس:(
احب اقول حاجة صغيرة
انا نفسي راضية سمحة وعندي استعداد استحمل اي نقد من اي حد بس ياريت متغلطوش قوي يعني
وثانكس اجين نوني
