بسم الله الرحمن الرحيم
اولا مبروك لكل اللي خلصو وربنا مع كل اللي لسة
وان شاء الله النتيجة تبقي سعيدة علينا كلنا
بجد بقيت بحس اننا كلنا بقينا اهل وعيلة واصدقاء عارفين مواعيد بعض ابتدينا امتي خلصنا امتي مين تعبان مين فرحان مين زعلان
احساس جميل
انك يبقي عندك حد يحس بيك ويشاركك كل حالاتك فرحان زعلان وات ايفر ودي علاقةاتولدت بنا
فاجة في بالي علاقات تانية في حياتنا منا اللي صادفها ومننا لاعلشان كدا فكرت اكتب موضوع
ممكن يخص ناس كتير منا
ودة الشئ الضروري في حياتنا
نصنا التاني
كل واحد مننا لية نص تاني
والنص التاني دة اللي بيكمله في حياتة ومستقبلة وحاضرةوكل حاجة
كل واحد منا اكيد بيفكر انة يستقر ويبقي لية حياتةواختيارة اللي مقتنع بية
وكل حد فينا يقعد يقول انا ليا مواصفات في شريك حياتي
لازم يكون مش عارفة اية ولازم اية واية
ويجي يتصدم بالواقع
ممكن يكون في حد بالمواصفات دي وممكن متبقاش مستحيلة بس تلاقي صعب انك تصادفها
وعلي العكس تمام تصادف انسان بمواصفات مختلفة جداااا وتلاقي نفسك ابتديت تعجب بية قبل حتي ما تعرف مواصفاته هل دي اللي انا عايزها ولالا هل دة هيتماشي معايا ولالا
وتلاقي الي حصل ان الانسان دة قرب منك وانت قربت منة ويحصل توافق
وتبقي مش متوقع ابدا ان دة ممكن اعرفة او اكلمة بس المشكلة هنا
هل مع اختلاف التفكير والصفات المطلوبة وفتي الاحلام والحوارات بتاعت الثانوي هنقدر نكون بيت ناجح ونتفاهم مع بعض ام لا؟؟؟!!!!
سؤال يطرح نفسة
ودايما بفكر فية
ومش بلاقي غير حل واحد
قبل ما اقول الحل
هحكي مثال بسيط هيوضحلنا الفكرة اللي في دماغي واللي بتدور فيها من غير ما اقصد كل ما اسمع قصة مشابها
كنت انهاردة في الكوافير وبعدين كان في كذا ست بيتكلمو ادامي من ضمنهم الكوافيرة
وكل واحدة بتحكي اية الحاجات اللي بتتعبها من جوزها او كان جوزها بيعملها معاها لما كان عايش
ومع اختلاف الاعمار في ناس عندها تجربة وناس لسة متجوزة مبقالهاش وطبعا انا
البنوتة اللي فيهم قاعدة بستمع لا ومندمجة في الحوار قوي كاني عارفة يعني
شكلك فاهم يانصة
المهم قعدو يقولو انا جوزي من ساعت ما تجوزتة مش بيخليني ازور اهلي اخواتي ماماتي ولو زرتهم يبقي ساعتين لكن ابات برة استحالة وتبقي خناقة وعكننة وكل يوم نشد مع بعض بسبب المشكلة دي
والتانية ترد تقولها انا حتي لما بحب اخرج اشتري حاجة يقولي متاخديش اخواتك معاكي خدي مامتك طب انا ماما تعبانة مثلا مش قادرة تخرج يبقي خلاص متنزليش
طب ممكن تجبلي الطلبات انت
يقولها لية هوانا شغال عندك
طب هلي دي بالزمة طريقة تعامل بين زوجينن
حتي في بداية حياتهم
هي الحاجات دي سياتك مش هتاكل منها وتستعملها ولا انا جيبها ليا لوحدي
انا بشوف ان اي راجل بيتصرف بالطريقة دي
بيقي اناني بصراحة
لانةشايف نفسة انا الراجل انا اللي احكم تنزل ولالا تعمل ولالا كلامي اوردر لازم تتنفذ وهي موطية وشها وبتقولك امرك مطاع ياسيدي
مع العلم
انا مش رافضة تمام ان الزوجة تمسع كلام جوزها او حتي تنفذ طلابتة بالعكس ابسلوتلي هههههه
انا شايفة ان زي ماهو طبيعي انها تعمل كل اللي بيقولها علية وهي ساكتة انةكمان طبيعي انة يطلب الاوردر دة باسلوب مهذب فية شئ من الاحترام للانسانة اللي ادامك
زي ما ليها حقوق عليها واجبات والعكس
انا شايفة ان اساس الحياة الزوجية
التفاهم
التبادل
المساواة
مش قصدي جمعية المراة اوعو تفهمني غلط انا قصدي ان لية من بداية حياتنا نفهم بعض احنا اية مش لازم نبقي متشابهين ولا تبقي اللي فيالتاني دة اللي كنت عايزةودي المواصفات اللي بدور عليها من زمان بس ممكن نتاقلم عليها
من خلال التفاهم
انا بحب كذا وكذا وكذا
وننفس الحكاية هو
ونحاول نسعد بعض بطريقة ترضي الاتنين فيها اية
لما مثلا بدل ما يقولها مفيش بيات عند اهلك انت فاكرة نفسك متجوزة اية ياهانم وكلمة مين اللي هتمشي في البيت دة انا ولا انتي وكان انتي دي حشرة ولا حمارة في البيت
يقولها مثلا ياحببتي انت بتوحشيني ومش بقدر ابات ليلة بعيد عنك ازاي هتقدري تباتي برة وتسبيني بس براحتك لو عايزة تباتي زي ماتحبي براحتك
طبعا هي بعد الكلمتين دول مش هيون عليها تسيبة وتبات برة فا طبعا كالعادة بيضحك علينا بكلمتين
وهكذا منحسش اننا اتسجنت وجوزي مامور السجن
لية ميبقاش طفلين كبار عايشين في بيت واحد نخرج نهزر نلعب زي الاطفال بالظبط اية المشكلة ان تبقي الحياة من غير تحفظ لية نقول ميصحش لالا اصل جوزي حمش
ما علي عينا وعلي راسنا بس انا شايفة ان الاسلوب بيغير في كل حاجة
يمكن ياحمش حظك يقع في واحدة عنادية زي حلاتي مثلا
تقولها مش هتنزلي يعني مش هتنزلي تركب دماغها وتنزل وتعكنن علي نفسها
طبعامع العلم اني عنادية بس ليا حدود بس مش بحب احس ان حد بيامرني او بيمشي كلمتة عليا مهما كان مين
ممكن يعمل كل دة بس بطريقة غير مباشرةوباحترام وباخلاق وبحب
اكيد الطريقة دي احسن بكتير من التسلط
والتكبر ونفهم الرجولة غلط ونفهم حق الراجل غلط
كمان الثقة شئ اساسي بين اي اتنين لو مبقتش موجودة انتهي
لان هو خايف تنزل احسن الدنيا اتغيرت وحتي لو مش خايف منها خايف من الناس وعندة حق
بس لازم ابقي واثق ان مراتي انسانة محترمة اي مكان هتروح فية هتحافظ علي بيتها وجوزها وكرامتة
طبعاطولت كالعادة بس انتو اللي مستنين البوست الله انا مالي
هوانا كدا
دة لسة في حوارت كتيرررررر بس هبقي اقولكم عليها بعدين دة الواحد ياما بيسمع حاجاتتتتتتت
طبعا للناس زوي الخنقة من طول البوست اعتذار رقيق والله لسة مخلصة امتحان وعندي كبت لو قعدت اكتب من هنا للصبح مش هيفك
طبعا هتقولو في سركم او حتي بصوت عالي هو انا هسمعكم انت واحدة عندك كبت هتقرفينا لية
معلش بقي استحملوني
يلا سلاممممممممممممممممممم
