بسم الله الرحمن الرحيم
والحمدلله كما ينبغي لجلال وجهك وعظيم سلطانك
بحبك بجد ياربي بكل نقطة في دمي وكل نفس بتنفسة
اللي حصلي انهاردة مش قادرة اوصفلكم اد اية صعب
مش مصدقة نفسي بجددددددددددد
انهاردة كنت بعمل اشاعة مقطعية علشان جنبي بيوجعني ومش عارفة من اية وكل ما اعمل اشاعة او تحليل سليم ومفيش اي مرض
امال اية الوجع دة الله اعلم
المهم قالو في تحضيرات كدا قبل الاشاعة
علشان
ابقي باينة في الاشاعة مناطق معينة في المعدة وكدا
المهم قال اية اشربي زيت خروع يععععععععع
وحقنة وكدا
وصومي يوم كامل متاكليش حاجة وكمان تاني يوم صايمة لسة اكلة اصلا من شوية وانا اصلا قبلها بتلات ايام كان عندي برد وبشرب شربة بليمون بس فا طبعا خمس ايام ماكلتش اعتبرر
المهم اول مارحت المستشفي
جابو عصير تفاح وحطو فية دوا وقعدو يشربوني لغاية ما بطني بقت شبة البلونة وحطولي ابر بالهبل في الوريد
وجاية الممرضة تاخدني بعد التحضيردة ولسة بقوم مشيت خطوتين
ودررررررررررب وقعت في الارض محستش بنفسي اطلاقا بتاع ربع ساعة
في الوقت دة شوفت اللي عمري ماتوقعت اشوفة في حياتي
شوفت موتييي وحساااااااابي
انا اصلا مبدايا جالي هبوط في ساعتها
لاقيت نفسي ماشية في طريق زي مايكون راكبة قطر بسرعة الطيارة
وعلي الصفين صفحات كتير بيضة وسودا
وانا عمالة ابص عليهم وبمر من جنبهم بسرعة البرق
وفجاءة لاقيت السما وبعدين جالي مناظر كتير اترعبت وصوت في ودني قالي انت بتموتي اتشاهدييييي
قومي اتشاهدي قولت اتشااااااااااااهد عايزة اتشاااااااااااااااهد بزعيق
قومت مفوقة نفسي كدا بالعافية زي اللي مايكون رابطينة بسلاسل وبيفك نفسة بالجامد
قومت قولت اشهد ان لا اله الا لله وان محمد رسول الله ورافعة صبع الشهادة
وكل دة ماما حكتلي ان كان اربعةخمسة بيحاولو يقوموني وانا مش بقوم من الارض والنني وقف
والنبض بيقل
فا الدكتور جة وقالالضغط وطي انقولها علي اودة الافاقة
ف الوقت دة اللي قمت اقول الشهادةسمعت صوت مامتي بتصوت وبتقول بتي جسمها متخشببببببببب
الحقوني
ومحستش بنفسي الا وانا في اودة الافاقةعمالين يدولي ابر وقلعوني الطرحة والناس ملموه حوليا بقيت مش مصدقة نفسي واقول لماما انا موتتتتتتتتت
انا موتتتتتتتتتتت
مش بقول انا بموت لا انا موت
وماما تقولي موتي ازاي وانت بتتكلمي
وبعدها فوقت وكل دة وانا مش بقول حاجة غير الشهادة
بتمني من ربنا انة يثبت كل مسلم ويلهمة الشهادة وحاسة انة طبطبة من ربنا انة بيقولي متخافيش هتقوليها وهفكرك وهقدرك اتمني تتحقق
بحمد ربنا اني لسة عايشة
يكمن اقدر اخلي كل الصفحات السودا دي بيضة او حتي رمادي
ربنا يسامحنا ويعفو عنا
عايزة احكلكم موقف مضحك حصلي هو اللي فوقني
اما دوخت جابولي كرسي متحرك فاقعدت علية كدا وانا دايخة بقي
فكان في ناس كدا من ليبيا بدو ولابسين قفاطين
ودقون كبيرة بيضة وملولوة
فالكانولا في ايدي فا كنت فاتحة كف ايدي كدا
فالاقيت الراجل اللي جاي يعمل اشاعة هو علتة دة باين علية شيخ القبيلة بتاعتهم
قايم بالعافية ومقرب عليا واحدة واحدة بيقولي
خدي يابنتي خدي يابنتي
بضرب عيني علي ايدة لاقيتة ماسك خمسة جنية ومكببها كدا ومصمم يديهالي
خالتي قالتلة لالا شكرا احنا الحمدلله الحمدلله
شكرا شكراشكرا
وبتضحك جامدة فا انا بقيت مش عارفة اعمل اية اتكسفت قوي وبقي الضحك ماسكني
اتاري الراجل متاثر من مناظر الناس اللي قاعدين علي الكراسي وبيصعبو علية
خالتي قالتلي مش كان اداكي 100 جنية ولا حاجة قولتلها انا عارفة
قولتلها مش كنتي اخدتي الخمسة جنية روشنا بيها نفسنا
قالتلي حد يجي المستشفي دي ويبقي فقير وقعدت تضحك وانا بقيت بضحك وبجد فوقت من كتر الضحك
المهم
النتيجة هتطلع بكرة اتمني انكم تدعولي اني اعرف انا عندي اية علشان اخف اوراتاح
شكرا سلام وسوري اني نزلت بوست بدري قبل ما التاني يتقرا بس بجد نفسي كل اصحابي اللي مقرهوش ينزلو يقرو
بس انا كتبت انهاردة علشان حاسة اني عايزة اتكلم وخايفة لو كنت موت اني ماشفكمش تاني
ادعولي
سلاممممممممممممممممممممممممم
