بوست اجباري ماليش دعوة

بسم الله الرحمن الرحيم

ازيكم عاملين اية كويسين

طب الحمدلله وحشتوني جدا والله

الفترة اللي فاتت كانت متعبة جدا

المذاكرة والامتحانات الاورل دي صعبة بجد نفسيا وعصبيا

لان مطالبين اننا نبقي مستعدين للاجابة علي اي سؤال يختر ع بال الدكتر حتي لو من برة المنهج

اول مادة كانت مادة اثاراسكندرية القديمة

طبعا دي عبارة عن اننا بندرس اسكندرية حببتي زمان كانت عاملة اازاي

؟؟؟ طب تيجي نعرف اسكندرية اتكونت ازاي

اقولكم دي معلومات عامة والله ياجماعة هتستفيدو

اسمعو بقي محدش يقول حصة تاريخ وبتاع طالما بدرس حاجة لازم ادبسكو معايا

زي ما بدبس مامتي واخويا واقعد اشرحلهم بفتكر دايما في الوقت دة فيلم شادية لما كانت بتلقي الخطبة للقطة السودا قامت مدورة وشها

هههههه

اسكندرية بقي كانت عبارة عن قرية متوسطة الحجم يعن

اسمها راقودة

وجزيرة صغيرة اسمها فاروس

وجزيرة فاروس دي حاليا هي الانفوشي وراس التين بحري يعني لو تسمعو عنها

وراقودة بقيت اسكندرية

لما جة الاسكندر الاكبر مصر

وشاف راقودة وفاروس قال طب لية لا

ما نعمل جسر هو الهيبتا ستيودم يعني7ستاديا والاستاديا دي زي المتر كدا بس دة عند اليونان

بين الجزيرة دي وبين القرية وتبقي مدينة كبير

فا جاب المهندس اسمة دينوقراطيس

عمل اسكندرية علي التخطيط الهيبودامي ودة عبارة عن شكل الشبكة او رقعة الشطرنج

يعني مربعات متقابلة ومتعامدة بزاوية قائمة

وفي الوسط تقاطع شارعين طولي وعرضي والتقاطع الوسطي دة يعتبر وسط المدينة

ودة المكان اللي مدفون فية السوما او السيما اللي هي جثمان الاسكندر الاكبر

وحتي الان مش عارفين فين التقاطع دة ومحتارين ولو عرفو المكان دة هيعرفو يلاقو جثمان الاسكندر

وبعدين جزيرة فاروس دي كان عليها الفنار القديم وكان من عجائب الدنيا وكان مشهور قوي

ودة السؤال اللي اتسائلت فية في الامتحان واللي قولتة دي الاجابة اللي جاوبتها

قالتلي مين اللي بني الفنار

قولتلها سيستراتوس اهداء اللي اللهين المنقيذين ربما يكونو سوتير الاول وزوجتة

اللي البحارة

وذلك بسبب وجود بعض الصخور المرئية والغير مرئية اسفل الماء حتي يسهل الطريق علي السفن القادمة من البحر

الدخول اللي الميناء الشرقي

كانت اسكندرية عبارة عن رقعة شطرنج في الشمال يحدها البحر المتوسط في الشرق والغرب الميناء الشرقي والميناء الغربي

اما في الجنوب فايحدها بحيرة مريوط وترعة سخيديا او شيديا

وكانت بحيرة مريوط بتزود المدينة بالميا ةعن طريق فرع من النيل يصب في البحر المتوسط

وعن طريق الفرع دة كانت التجارة الشرقية بتأتي من البحر الاحمر عن طريق النيل ثم اللي مريوط ثم الميناء ثم تصدر اللي باقي العالم

واسكندرية بل مصر عموما

كانت بتستودر قليل جدا وكانت السفن تاتي فارغة وتخرج محملة البضائع العديدة المختلفة

وكانت الاسكندرية قديما مقسمة الي خمس احياء

منهم حي للمصرين

وحي للسكندرين

ومنهم اتنين لحي اليهود ويطلق علية دلتا وهو حرف من الحروف اليونانية

وكان ايضا في الوسط الحي الملكي ودة الحي اللي كان فية

مكتبة اسكندرية ومقبرة الاسكندر والبطالمة وجزيرة انتي رودس اللي هي بتقابل جزيرة رودس

والموسيون وهي الجامعة او دار الحكمة

والمسرح الروماني

والقصور الملكية البطلمية

وطبعا زي ما معظم الناس تعرف

ان مصر بعدد موت الاسكندر استولي عليها البطالمة

لان بطلميوس الاول سوتير كان صديق الاسكندر واحد القادة معة في رحلة الفتوحات

فا توفي الاسكندر فجاءة بسبب الحمي وهو في سن32سنة

فا قسمت الامبراطورية العظيمة التي وصلت حتي الهند

علي الخلفاء وكانت مصر من نصيب بطلميوس

فارادد بطلميوس ان ينفرد بالحكم فاعلن نفسة ملك علي مصر وبعد ان اتفق الخلفاء علي دفن

جثمان الاسكندر في موطنة الاصلي مقدونيا في بيلا

قام بطلميوس بسرق الجثمان ونقلة الي مصر

وذلك حتي يقوي من حكمة ومن شرعيتة ع الحكم

ودفنت في بداية الامر في منف ثم نقلت الي الاسكندرية بعدها بفترة

وكانت علي التخطيط الركامي المقدوني

ملحوظة صغيرة للناس اللي جت اليكس السور او الرصيف اللي بيدا من السلسلة علي الكورنيش وهي زمان كانت اسمها راس لوخياس

دة السور اللي كان ايام الرومان بيدامن السلسلة عند مكتبة اسكندرية وبيتنهي عند قلعة قايتباي اللي بنيت بالقرب من مكان الفنار القديم

واستخدمو احجار الفنار في جزء من بنهائها

اسكندرية كان فيها جمينازيوم وكان فيها ستاديوم

وبعد معركة اكتيوم البحرية وبعد انتصار اكتافيانوس الملقب باغسطس اول امبراطور روماني علي اخر ملوك البطالمة

كليوباترا السابعة وانتطونيوس

اصبحت الاسكندرية بدلا من عاصمة يونانية الي عاصمة رومانية

حتي الفتح العربي الاسلامي عام641 علي يد عمرو بن العاص

يلا

كفاية صح قصدي علي المادة دي لسة المادة التانية :(
....

..

دة جزء بسيط من المادة اللي كانت يوم الاحد

اما مادة يوم الاربعاء

فكانت مادة اثار بيزنطي وقبطي

وكانت الاسئلة طحن ستميت سؤال وستميت صورة لما طلع عيني

وتاني يوم رحت رحلة اللي هو الخميس
17/4

مصر علشان اشوف الاثار القبطية اللي امتحنت فيها يوم الاربع علي الحقيقة

رحنا الكنيسة المعلقة

من الخارج

وهي عند حصن بابليون اللي بناه الامبراطور تراجان او هادريان امبراطور روماني من اصل اسباني

الكنيسة بنيت علي برجين من الحصن علشان كدا طرازها فريد من نوعة

لان من الطبيعي ان البناء بيكون لية اساسات وبيكون لية اعمدة تحملة لكن الكنيسة دي بنيت في الهواء معلقة علي البرجين

الكنيسة من الداخل فيها زخارف يطلق عليها ايقونات

وبنيت علي الطراز البازيلكي

اي تنقسم الي صالة وسطيnave

وصالتين جانبتين aisles

عن طريق صفين من الاعندةالكورنثية

كانت فظيعةةةةة وبجد تصميمها تحفة

تخطيط الكنيسة عبارة عن فلك نوح اللي جمع فية الحيوانات والناس

بس بالمقلوب

يعني كانك في السفين بالمشقلب وهوريكم الصور دلوقتي علشان تعرفو اكتر

بس الصور مش كلها واضحة علشان ممنوع التصوير وانا كنت بصور في السر

وبعدين رحنا المتحف القبطي

طرازة قبطي

بس احب الاول اقولكم الفرق بين القبطي والبيزنطي

القبطي: دة الفن المصري الشعبي المحلي ودة كان في الشرق في مصر فقط

اما اليبزنطي: دة هو الفن الامبراطوري الراقي للناس الاغنياء ودة كان في الغرب

المتحف فية اثار كتيرة تحفة

احب اقولكم حاجة انا بالنسبة لي لما دخلت الكنيسة او المتحف

ببص للاثار كانها اي اثر ادامي مع اختلاف طرازة وطبعا مش بعتقد في اي حاجة من دي

مجرد دراسة طرز علشان اقدر افرق بنهم

زي ما احنا عارفين اول ماجاء الدين الميسيحي في الانتشار كان في اضطهاد فظيع من الرومان

خوفا علي الامبراطورية من سيطرة الميسحية

فاكانو المسحيين بيستخدمو رموز مستخبية تعبر عن دينهم

زي السمكة والحمامة والنسر والارنب والصليب اللي علي شكل علامة الحياة الحرف الفرعوني عنخ

وهوريكم كل الصور دي دلوقتي

يلا نتفرج علي الصور

مدخل المتحف القبطي من اليسار

مدخل المتحف القبطي بيمثل زخرفة الصدفة اللي بتعبر عن بطن الام العذارء اللتي كان بداخلها المسيح رمز اللؤلؤ ودة تاثير روماني

دي زي مشربيات ودي تاثير اسلامي

علامة الحياة في شكل صليب

دي لوحة للالهة الخير تيخي ودي اللوحة اللي اتسئلت فيها في لاامتحان

الصليب علي شكل علامة الحياة عنخ الفرعونية والنسر رمز السيد المسيح الانتصار والسلام

دي زي ماكيت كدا بيصور المنازل في هذا العصر

حصن بابليون من الخارج ودة بيبان من شباك في الكنيسة

الممبر ويوجد بية عمود اسود وسط البيج والعمود الاسود بيعبر عن حزنة علي السيد المسيح بعد الصلب في وجه نظرهم

في الجزء دة السقف خشبي علي شكل ظهر سفينة نوح علية السلام

الكنيسة من الداخل في الجناح الايسر وتيجان الاعمدة الكورنثيةويظهر المببر لالقاء الخطب

لوحة تشبة الموناليزا وهي للعذارء والمسيح الطفل

الكنيسة من الخارج

من الجزء دة بتبان الابراج وازاي ان الكنيسة مبنية فوق برجين

صورة في المحلات الي ادام الكنيسة

بوابة الكنيسة المعلقة

ديي واجهة الكنيسة من الخارج من ناحية الباب الخشبي

بوست طويل بطريقة رهيبة صح انا عارفة انكم من اول البوست عملتو زي القطة ودورتو وشكم

بس والله معلومات عامة وتثقيف بقي

رخمة انا صح بس ذنبكم انكم اصدقائي يبقي ع الحلوة والمرة

امال انا اعمل اية دة قولتلكم عنواين المواد

سلام