ملهوش علاقة بالمادي

تغريد عصافير بتطير من شجرة لشجرة

بتشوف الوان اشكال وتروح مع ذكري لذكري

وتعيش ايام علي طول حزنان

محروم من بكرة

.........................

في حاجات تبصلها متنساهاش

وحاجات بتعشها ومتعشهاش

وحاجات يا هي يا اما بلاش

وحاجات صعبة مابنطولهاش

وحاجات بنعاني منها و لا نغيرها

اوضاع في حياتنا نعشقها كدا بأسرارها

ونسيب بصمتنا ونعدي للبر

وحاجات من كتر جمالها بتتغر

وحاجات تشبة طيف ف السما معدي

وتقول عليها تخاريف وبتعدي

فرحان مهموم اهو كل يووم هيمر حتما

ومعاها او ضدها ولا هتجيب ولا تودي

وحاجات بتحبها بظلمها

ولا مرة تقدر تقولها اتغيري

في حد بيقول للغولة عينك حمرا

دي تاكلة وقتي

هتقول انا ياما سكتلها

من خوفي عليها بحنلها

وهقولك اكسر الخوف

دة لابيقدم ولا بيدي

انسي

متحلميش تطولي حفنة من رملها

تحطي ايدك علي اسمها

تفتكري ان انت موجودة اصلا علي الخريطة

هتعملي امال فيها عبيطة

علي يدي والتاريخ يشهدلي

شفناكي وانت مترحلة مقهورة ومتشردة

عارفين ان مكتوب عليكي البهدلة

والتوهه في الارض وقلة المرجلة

ياسوس بينخر في اراضي طاهرة

يامناخورة جسمي قاصدة تهدي حيلي

وانا عمري حيلي مايتهد

تفتكري هسكت عليكي

وهسيبك تعيشي فيا ولا اشتكي

دة انا لو لأخر نقطة في دمي تنزف ماهشتكي

ياجبانة وجعانة متعطشة للدم

يانفوس مرعوبة من طوبة تتغم

يابواقي شعوب وانصاف بشر

ياللي حرام فيكم اللحم والدم

ياحاقدة عليا ومعكننة دايما ومكدرة فرحتي

والله ما انا سايبك وبطبعي الاصيل

جايبك جايبك

هاخد حقي منك مهما طالت السنين

اياكي تستقلي بيا

وتفتكري اني عويل

تقصدي تبوظي حياتي علشان عنك اميل

اتلهي في مشاكلي واهتم بس بشكلي

انسي روحي وكياني

انسي كل اوطاني

انسي حلمي الكبير

لا يا اسرائيل

دماغي

مش عايزة اتسرع مش عايزة اكون زي اللي بيلوش مش عامل حاجة وعمال بس يهوش مش عايزة اسبق الاحداث مش عايزة ابني في بحر خيال مش عايزة اقول هعمل واسوي مش عايزة اوعد و ارجع اهوي مش عايزة ادي نفسي اكتر من تحملها مش عايزة اخد خطوة وارجع لأولها مش عايزة اكون زي الطيور المهجرة مش لاقية وضع مريح مش لاقية رد صريح مش عايزة اتحول واتغير مش عايزة اتهور مش عارفة اخد قرار انا بكبر ولا بنهار مش عايزة اخسر و اتعب مش عايزة اكسر واتعب مش عايزة اكون ظالمة مش عارفة مش قادرة بفكر مفكرش بحلم اني محلمشي بقول اخد اجازة بقول ولية اتكلم مش عايزة اسبق المكتوب مش عايزة اسبق القدر مش عارفة لية اللعبكة مش متوضبة فوضي وزحمة وافكار متلغبطة متدربكة مسدودة مفتوحة مش متوضحة مش فاهمة بستغبي مدركة مش عارفة دي عجينة ممزوجة بالطينة متمرمغة وعاملة ازعرينا ممصوصة من التفكير مستنفذة الحيل مغلولة متعكننة ومطلعاه ف الهضم ومطلعاه ف السهر مكتومة مش بكتب مشغولة بس فاضية افكاري متكبسة متكدسة مش لاقية مخرج ومش فاكررة مكان الدخول مش مستعجلة مش مستمتعة محرومة او حارمة نفسها موهومة او واهمة نفسها مش عارفة ولا مش عايزة مش حاسة ولا مأجلة الاحساس مش حابة ولامش زي الناس بتقول ولا مبتعرفش بتحس ولا منحسة مفهومة ولا منغمشة متفسرة مبسطة ولا معقدة ومكلكعة حسباها ولا سيباها علي ربها عشمانة ولا مش مشكلة حزنانا ولا متخلصة من ذكريات منسية ولا متناسية مطحونة مجتهدة متأنية سايبها ع البحري ولا مواربة مستنية قفلها علي الخالص وبأسلاك محمية عارفها يالخطوة الصعبة ومقدرة التضحية مدركة حسن الجوار ولا اي حاجة وسرعة اختيار ولا حجج ليل نهار والحقيقة مخفية ولا انت اية ومين وفين ولا انت موجودة وحاسة بيا ولا مبتحسيش ولا انت مفهومة ولا مبتتفهميش ولا انت عايشة ؟ بصي فكري ومتجاوبيش ومتخافيش

مصر

مصر وليك فيها ذكريات حلوة

مصر و عشت فيها سنين

مصر و كل حاجة في مصر

بتعبر عنها ملايين

مصر وكل ألم يوجعك

مصر و لما تحب تطيب

مصر وعشق ليها مسمع

مصر فلاش باك 7 الالف من سنين السنين

مصر وصوت مليون اذان

مصر وجرس وكنيسة عذراء

مصر وهباها الرحمن

اجمل شعب واطهر نيل

مصر و شط بحر ورمل

مصر وكل ما تفكر تلاقية

مصر وما تشتيهيه

مصر وكل الاديان

حتي اليهودي كان لية مكان

مصر و مين يلجمها

مصر و مين يختذلها في كلمتين

مصر وعجائب كون واسرار

مصر وعشانها ومنها وبيها

والداايرة اللي بندور فيها

مصر و دقة والتزام

مصر ومحروسة

مصر و عمر ما راح تموت

مصر وخلود

مصر وكل قلب بينبض

مصر وكل صوت مسموع

مصر وكل ابتكار جبار

مصر و ف عز القمع في ازدهار

مصر وحروف محفوره

مصر و بارزة ملامحها

مصر ومن يقدر مايعشقها

مصر و حضارة ومكان

مصر و عزها غالي

مصر وارضها الطاهرة

مصر و فيها سينا

وسينا غالية علينا

مصر وفيها الاقصر

والاقصر فيها فقر

مصر وفيها نصر

مصر وفيها حرب

مصر وفيها نسر

مصر و فيها شعب

مصر وكلنا مصر

مصر وفيها حبي

مصر وفيها حسني

مصر وفيها مافيها

وبكل بلاويها

مصر ورغم انف

مصر هتبقي مصر

حاول تفكر تقول مش هيكون ف مصر

مصر وفيها احنا

مصر وبعدنا ولادنا

مصر وبعدها احفدنا

مصر وعظمة مصر

منورة ف القران

منورة ف التوراه

منورة ف الانجيل

معاصرة كل الاديان

بيقولو عليها مهدها

ميين يحاول ياخد عزها

مين يقول انا كنت قبلها

مصر والله ماليها زي

مصر ولا في قبلها

ولا حتي بعدها

مصر وشوش اصيلة مأصلة

مصر وطينة صافية مزهزهه

مصر واحلي فجر

مصر و شمسها

مصر وكل مصر

بحبها كلها

علي بعضها

مصر وبكرة احلي

ولو يقولو احلام

هنعيش عليهاا

لاخر نفس

مصر وكل ما تقدر تدي اديها

مصر وكل ما تقدر تزرع ازرع

مصر وكل ما تقدر تعمر عمر

مصر وكل ما تقدر تنضف نضف

مصر وكل ما تقدر تعلم علم

مصر و مش هيكون فيها حد مش متعلم

مصر ومش هيكون فيها حد متشرد

مصر ومش هتقول ابدا بتهرج

مصر و هنشتغل

مصر وهنكبر اجيال علي حبها

مصر وهتفضل عظيمة وعظيم اسمها

مصر وكل ما اسمع حرف

مصر وكل ما اشوف مجد

مصر وكل ما اشم نسمة حب

مصر وكل ما اشوف انبهار جبار

مصر وكل ما اعرف ان الكون مليان اسرار

مصر والتاريخ

او مصر التاريخ اصلا

مصر ومهما قالو

مصر ومصريين فخورين

مصر ومصريين متباهيين

مصر ومصريين فرحاننين

مصر ومصريين شايفين نفسهم

مصر وبيقولو عليهم مغرورين

مصر وبيموتو فيها ومتفلحسين بيها

مصر وهتفضل كبيرة

مصر وهيفضل كل شبر فيها الف ميل

مصر وهنفضل بيها طيرانين

مصر وهنفضل نعلي ونقول

مصريين

مصر وام الكلام

مصر وام الكتابة

مصر وام الصناعة

مصر وام الزراعة

مصر وام الحضارة

مصر ومهد المدن

مصر ومهد العلوم

مصر وحاجات ومحتاجات

مصر اللي فيها الصعييد

مصر اللي فيها قاهرة

مصر اللي بتزينها اسكندرية

مصر اللي بتشم فيها النسيم

مصر اللي بتعوم وتتعلم

مصر اللي بتقوم وتتكلم

مصر اللي بتغني علي المواويل

مصر اللي بتشرق شمسها ع النيل

مصر اللي بتطل علي بحريين

مصر اللي مرج وبرزخ

مصر اللي بيمر فيها النيل

مصر اللي بتسمع عنها من سنين

مصر اللي بتقول انا هنا هوه

والي يقول عدينا مصر يجبلي الدليل

مصر وانا عندي الدليل

مصر وتعالي معايا نطل من وادي النيل

مصر وشوف معابدها علي الجدران

مصر وخطوط مكتوبة للاجيال

مصر واجدادها الشجعان

مصر اللي حررها الاسلام في سلام

مصر اللي عملت الرهبنة

مصر اللي عملت فنون الكون

مصر اللي بتصدر كتان وورق بردي كمان

مصر اللي بتسجل وبتعلم يعني اية مكتبة

مصر اللي بتقول للحضارة انا

مصر اللي ميصحش نقول علي عظمتها غرور

مصر اللي ميصحش نتكلم عليها ف سطور

مصر اللي هتعلي

مصر اللي هتكون

مصر اللي فاتت واللي احنا فيها واللي جاية

مصر اللي هنوري الدنيا مين هيا

مصر اللي بأدينا وشقانا هتفضل معانا

مصر اللي بينا ولينا وكل حاجة فينا

مصر.....وهتفضل مصر

ايون

في المركب قاعدين

تقدر تقول متفرجين

شايفين وعاملين نفسنا مش موجودين

سامعين والكل يشهد علينا اننا بنسمع

واللي يمرعلينا يحكلنا ان اللي قبلنا ماكانوش زينا ساكتين

مستغربين البشر اننا متسبتين كدا ومضمضمين

واهمين فينا وف بكرة لمحينه دايما بضوء من انين

كل ما تشتيه تلاقية او كانو بيقولو تلاقية ف لمح العين

جة يوم مرة مطلعتلوش شمس ولا شوفتلة سما

ناس تقول سحاب وناس تقول ضباب والكل قاعد متنح

مستني بردة مأنتخ مهبط من التخدير مغيبب وملوش ضمير

والمركب بتتحفر بتغوص بينا وتغرق والبحر اهوال واعماقة اسرار

رايحين علي المجهول قاعدين مستسلمين ومبلمين مطمنين ان اللي معانا مننا

او قالولنا دة رمزنا

ودعنا مركبنا سلمنا لدروبنا قولنا عوضنا عليك يارب

فجاءة لاقينا النور جاي من المجهول

بيقولنا اصحي متسبش نفسك للاوهام

وف بحرها تسرح

لسة الامل موجود اللي يخاف هيموت هيموت

ما الجبن دة لعنة

فجاءة لاقينا شباب وزينة الاصحاب

وهمه الشجعان

بتفكلنا القيود بتنور الطريق بتقولنا مش هنضيع

في امل ف بكره

واتحررت السفينة من الملاعين

مهو هما كانو غرقانين غرقانين

بس احنا هنمشي في طرقينا واللي يغير مننا يلحقنا

ومعانا شمس بنور ووشوش بانور عمرها مزهزه

عندها كتير حلمها كبير ومعاها رب عظيم

وقلب طاهر غيور بيحب الحياه

مدرسة بحر البقر بلادى يا بلادى انا بحبك يا بلادى

لية

لية كل ما نعلي في راسنا حالف لتوكسنا

لية كل ما نقول ابتدينا نبقي بتخرسنا

لية كل ما نحاول نقوم وتقوم لنا قومه

قاصد تعجزنا

لية لما اقوم من النوم واقول الصبح اهو بان

غاوي تعكننا

غاوي تنكدنا

قاعد في ارابيزنا

لية وعيني فيها الضي حالف لتكسره

لية وانت من نبت نفس الارض

طالع خبيث

كاره لناسك وبايع ارضك رخيص

لية شاري اعداءاك وفي شرع مين حاكم

لية راشي اصحابك وبمالك

ضميرهم مالك

لية ناسي ان في نهاية

وان الزمن مش باقي

لية عيشتنا في ذل قاهر قلبنا حالف ما نفرح

دا انا كل ما اقول يامصر

قلبي والله يفرح

لية بعتها ولمين لية بعتنا لناس ظالمين

كرهتنا ف العرب وكرهتهم فينا

دوقتنا المر في كاسات ومابكينا

عيشتنا الهوان

وقولت شعب غلبان

راضي بكل قليل

لازم يكون محكوم

ناكر حقوق البشر ناسي

رعيتك ياراعي

ياشوم الرعاه

جالك العار وبأيديك زرعتة

ان الاوان تحصدة وفي ظلمك تتهني

ارضنا دي جنة مستحقش جبان

ياخاين العيش والملح ربي ياخد حقي

حسبي علية ولايضيع في يوم

ولا يتنسي

ذنبك سنين الكون ماتكفرة

رجع ارواح ملايين وانا اغفرة

لو هما هيغفرة

وعد عليا

يااسكندرية يالي كنتي دايما ليلك طويل

وفي ساعاته تملي كان يناديني الحنين

كنت اسرح وف هواكي اقدر اعبر الف ميل

كنت اقول عشقي ف رضاكي باين وفي مليون دليل

قولت لما هتناديني هتلاقيني ضهرك وعرضك

وان مكانتش انا مين هيسندك ويشدك

كنت لية فاكرة ان حبي ليكي مجرد كلام

وان يوم الشدة لما يجي هتلاقيني اي كلام

كنا دايما لية بنلموم عليكي واحنا اللي علينا الملام

بصي بصي خلاص بقي

احنا اتصالحنا وده وقت اللقي

مش هلوم عليكي ولا تعاتبني

دة الهم كان ليكي ومكفيني

هو المي مش يهمك ولا اللمك مش واجعني

احنا حاجة واحدة صعب تفترق

احنا في نسيج بعض بنحترق

مبقاش كلام دلوقتي بان

حبك في قلبي من زمان

بس انهارده عمري ما بغيرك هرضي يضمني

حضن الوطن يغنيني عن كل الاوطان

انت عشانك هعلي اسمك كمان وكمان

مش بس ثورة علي الطغيان ولا علي كل فسدان

دة حبي ليكي زي البركان الي بيهدأ ولا ينتهي

هفضل اثور واثور واقول

لحد ما تسمعيني وتقوليلي كفاية

ولا اكتفي

تستاهلي اد طاقتي مليون طاقة

مليون دة اية بما ان حديثنا بلمليارات تستهلي

كل ارقام الزمان

انت رسالة ف قلبي ههديها لولادي وهقولهم

امانة لما اموت سيبالكم بلادي

حافظو عليها وبدمكم افدوها دمكم غالي بس من غيرها منساويش

ياوجعة قلبي عليكي بموت يمسك سؤ

او عين حاقد عليكي تغلي ومن الغل ما تفوق

تفضل تحلم تنولك وافضل اقولها قولك

شمسك دي ملكي انا اكتب بدمي انا اسمك علي ارضك

ارفع بأيدي علمك وابني يصون عرضك

ويوم ما مركب غريبة تفكر تنجس بحرك

هكون انا المنار يرشد سفن بلدي

هكون انا المدفع في كل عين عادي

جاي يدمر مجدك

يااجمل وطن يابلادي

حين تفتقد التعبير ف عز الحدث

انا مصري بكتب في الحدث

بكتب وانا بعاني من كل المعاني

لو شوفت شجن او شوفت غضب اوشوفت قلق

متقولش مبلاش تكتب في الحدث

ونبص من زوايا ضيقة

واهدي وشوف بعنيك بقي

حكم عقلك وايديك علي قلبك

مطلوب منك كتير

مهو شعب عندة ملايين

ملايين قهر وظلم و وشوش مكشرة متكدرة

مقهورة من ظلم العباد للبلاد

اتعلم يا عربي الاصالة

اتعلم حب الاوطان

متقولش الدنيا بالمال

دة المال فاني ووسيلة

متستاهلش تتعبد

متستاهلش تضيع شعوب وبلاد

لسحرها

فنجل عنيك وشوف واتعلم من اللي قبليك

ماشوفتش عبرة ولا العبر لاصحاب العقول

ان كنت بعت عرضك هتعرف لعقلك تصون

الحل انك تقول سلمت ومن غلطتي تقول انا اتعلمت

وتعمل حاجة للاخرة وتسيب الملك للمالك

مش كل حاجة علي سهوه هتضيع من بين ايديك وارد

ارحم ربنا يرحمك

ارحل وخد نظامك

معاكي حتي النصر

كنت تايهه ولما جيتي رحتي تاني

العيب عليا ولا عليكي ولا انت مالكيش ف الاسامي

تبت فيكي بكل ايدي وايد جيراني

سبتيني بردة ولا انسلتي اه.. اه ياني

اعملك اية اخدك اضمك اصحي وانام في همك

يكفيكي اية وفي شرع مين دمي يسيل عشان ترجعيلي

حقك عليا وحقي فيكي مش عارفة اجيبة

ان كنتي بتقولي عليا عنيدة مانكرش طبعا منا طبعي منك وبعندي وعندك هنكمل المشوار

مش بردة دة الدرس الي كان بالاجبار

قالولنا بلادي وارضها غالي ونخالها في السما عالي

بس مقالولناش ان اللي بيحكمها متعالي

لو طال يبيع شمسها ونخلها وجوها كان باعة بأرخص تمن

ولا ودعة ولا حتي اتهزلة غالي

ماتلة حفيد قعد يعيد ويزيد اة يا حبيبي ياولد الولد ياغالي

سودها علي شعبة وقال حداد وزعلنا اه طبعا

ولما ماتت ولادنا واخواتنا بأيدة قال

احزني شهداؤكم وكأننا مجرد عبيد

اة وقفنا الايد ف الايد بس العدو لديد

خبثة بيجري ف دمة

طبعة خسيس اصيل

مستكتر علينا الفرحة

مستكتر يشوفنا بطرحة

مستكتر نقول هنعيش

عاش زمنة وزمن احفادة

وبيهدم ف ارض اجدادة

وبيخرب عقول ولادة

مستكتر نقول هنبني

مستكتر نقول دي بلدنا

مستكترك علينا يامصر

تحت المجهر - الطريق الى 25 يناير

رجعت بلادي

متقولش مستحيل

دة كل شئ طلع جميل

بص بعنيك وفتح

شوف الدنيا بشكل جديد

هبني يابلدي فيكي وازيد

هعمل كل ماهقدر اعمل

هدي لنفسي فرصة تعيش

متقولش بحبها

مينفعش اصلا متحبهاش

في حد شوفتة بيكره نفسة

هتقدر تسمية انسان؟

متخليش صوتك يكون جبان

جواك

مهما يعلي ميتسمعش

وصل صوتك للكون كلة

....

تعرف انك بقيت مهم

ايوه الله بقيت مهم

شوفت الناس كلها وهي مبهورة بيك

وبتتفرج عليك كأنها بتشوف معجزة

شوفت اد اية حياتك ماكنتش منجزة

شوفت لما قولت لا وصممت عليها

شوفت لما مسبتش حقوقك واتمسكت بيها

شوفت انت مؤثر ازاي

خرجت لوحدك ف الميدان

قولت انا هبقي مهما كان

قولت مش هسيب حقي

شوفت قوتك والكل بيقلدك

شوفت يعني اية تعمل تاريخ

تتحاكي بيه لولادك

شوفت ان مصر طلعت بلادك

ايوه الله طلعت بلادك

الحمدلله

وعجبت لشعب اصبح للناس قدوة

بعد ماكان في مهان

وانه اصبح من عجائب الدنيا السبع

وكأننا بعد سنوات من الهوان

نتلقي درس من دروس قدرة الانسان

وكأن الاحداث تفرض نفسها علية

وكأننا امام لوحة اكبر فنان

وكأننا عند مرحلة الالتحام

اظهرنا حكمة الرحمن

في فنون الاتحاد

وكأن جنود الله علي ايدينا

وكأنه قال لا غالب لكم بعد اليوم

وكأن كل من اراد بنا سؤ كان له الله بالمرصاد

وكأنني اري عظمتة تتجلي في كل مكان اشعرها بأمعان الان

وكأنني ياربي لم اعبدك من قبل ولا اتحسسك مثل ما يحدث بأتقان

وكأنها الثورة

ملكنا هذه الدنيا القرونا بصوت الشهيد مصطفى الصاوى أحد شهداء التحرير

أجمل مقطع من ميدان التحرير قريبة الشهيد مصطفى الصاوى

بكاء اطفال بيعلمهم الشهيد مصطفي الصاوي في ثورة 25 يناير

الشهيد مصطفي الصاوي شهيد ثورة 25 يناير..2

الشهيد مصطفي الصاوي شهيد ثورة 25 يناير..1

Dream With Me (Ehlam Ma'aya) - 25 Jan Revolution

ثورة التطهير

ايام ماكنا انانين
عايزن نعيش ف امان
ونخاف نحمي غزة فينا
ونسبها تتهان
ابتلانا ربنا بالحاكم الفسدان
...هنطهر نفسنا بادينا
وفي ثورة 25
هنقول للظلم ارحل
مش هنعيش علي حساب ناس تانين
اخواتنا المسلمين
في ايدينا ننقذهم
ومش هنعيش تاني ساكتين