جدول شهر رمضان

بسم الله الرحمن الرحيم

من صام رمضان ايمانا واحتسابا غفر له ماتقدم من ذنب

جدول شهر رمضان

يعني اية جدول شهر رمضان
بصو بقي يا جماعة
اول امبارح عملنا جدول مع المحفظة بتاعتي
هو اننا نلتزم بية طول ال30يوم في شهر رمضان
حبيت اقولكم الجدول دة واللي عايز يمشي علية يتفضل
وهو عبارة عن 6حاجات نلتزم بيها علشان ناخد ثواب رمضان الايمان والاحتساب

الجدول
..
الركن الاول رقم1_انت والقران
الجزء الواحداربعة مليون وتسعمئة حسنة
نضرب في عشرة
يعني 30جزء يعطينا كام حسنة طبعا كتير
يبقي نحاول نختم مرتين علي الاقل اللي جانب ختمةالتراويح
يعني تلاتة
الركن التاني2_انت والصدقة
اتفقنا اننا كل واحد فينا علي قدر نفسة
نفك فلوس يعني تبقي جنهات كدا ونص جنهات وطول ما احنا ماشين نتصدق في اي شئ في اي مكان
الركن التالث3_انت وصلة الرحم
اتفقنا بردة نجيب ورقة نكتب فيها كل اسامي الاقارب اللي بنكلمهم واللي مش بنكلمهم ونتصل بيهم نقولهم
كل سنة وانتو طيبين
ونعلم علي كل اسم اتصلنا بية
الركن الرابع 4_اةنت والدعاء
اتفقنا اننا نختار 6دعوات علي الاقل
ونكتبهم في ورقة
وعند كل صلاة وعند الافطار دعوة لاترد
وفي اي وقت ايان كان نقول الدعاء ونركز علية كل شوية
وان شاء الله ربنا يستجب ونعلم علي اللي ربنا استجب علية هنحس بجد يعني اية بتكلم ربنا وبيرد عليك وبيحققلك رغبتك وطلبك منه
اهم حاجة نوفق بين الاخرة والدنيا يعني مش كلة دنيا
5_الركن الخامسانت والتراويح
نحافظ عليها ويارب اننا ننزل المسجد لانها بتبقي احسن وبتديناطاقة
الركن السادس6_انت وافطار صائم
من فطر صائم عتق من النار
يارب نقدر نعملها ولو مش هنقدر نروح بنفسنا نكلف حد المهم نحاول نعملها من مالنا الخاص وناخد ثواب

عايزة اقول علي الموضوع دة:
حاجة عملناها قبل كدا وياريت كل حد يعملها
احنا وجيراني عملنا وجبات افطار واخدناها دار مسنين ورحنا فطرنا معاهم وكان يوم جميل جدا واخدنا ثواب الافطار اللي جانب اننا ادخلنا سرور علي قلب مسلمين اهلهم رموهم وسبوهم بلا رحمة
وبردة عملناكدا في دار ايتام بجد اد اية بتقي احساسها احلي بكتيررر من انك تبعتلهم فلوس او تاكليهم بس انك بتشاركيهم احساسهم ونفطر معاهم ونحسسهم ان لسة فية حد بيحبهم وبيهتم بيهم
شكرا ويارب يتقبل منا ونلتزم بالجدول

كل سنة وانتو طيبين