بسم الله الرحمن الرحيم
**************
..
...
كلنا نعرف ان
الخشوع في الصلاة شئ مهم
وان الانسان اللي بيقدر يخشع في الصلاة
بيبقي ثوابةكبير
عند الله
امتي اول مرة خشعت في الصلاة
؟
انا الحمدلله من وانا طفلة وانا بصلي
من اول ما اتعلمت اتكلم وامشي وانا بقلد اللي بيصلو
ماما قالتلي اني اتكلمت وانا عندي 8شهور
ماما قالتلي اني اتكلمت وانا عندي 8شهور
ولما كبرت ودخلت الكي جي
بقيت بصلي بجد بقي مش مجرد حركات وخلاص
كنت بفرح بيها
وطبعا اتعود اصلي
وكبرت
بس ماكنتش اعرف وقتها يعني اية خشوع طفلة بقي
الواحد
ممكن يصلي كتير
بس اعتقد الخشوع صعب
وبيحتاج جهد الا علي المؤمنين
بيقي سهل
زي ما عارفين الراجل اللي قطعولة رجلة وهو بيصلي
علشان بيقي في خشوع مع الله ومش هيحس
ياااااا اد اية بحلم اوصل للخشوع دةةةة
لان اكيد بردة الخشوع درجات
واكيد فينا كتير بيخشع بس باي درجة
اكتر مرتين حسيت بالخشوع دة
القوي دة
يعني
كنت في تالتة اعدادي
وكان ف رمضان
وكنت بصلي تهجد في المسجد
اد اية كنت حاسة بخشوع واد اية صوت الامام كان جميل
كنت حاسة كاني في الجنة
كنت بدعو ربنا بحاجات كتير
ومنها حاجات كتير اتحققت وقتها ومنها لسة
بس اكتر حاجة حصلتللي الوقت دة
اسعدتني
هي رؤيتي للرسول في المنام زي ما قولتلكم عنها قبل كدا
اللهم صلي وسلم علية افضلا صلاة والسلام
كنت وقتها طالعة اولي ثانوي لسة يعني مخلصة تالتة اعدادي
كان اجمل حاجة شوفتها في حياتي وحصلتلي في حياتي ومعتقدش هيحصلي مهما يحصل زيها
بالجمال دة
يارب يكتبهالكم
وتاني مرة بقي
كنت لسة مخلصة تالتة ثانوي
وكانت وقتها نفسيتي تعبانة جدا لظروف وقتها حصلتلي
وقتها اشتركت في جمعية رسالة
بجد احلي ايام كانت الوقت دة
واحلي صحاب واحلي حاجة ممكن تعملها في حياتك انك بجد
تعمل حاجة ترضي ربنا بيها وتقولة انا مضيعتش عمري ع الفاضي
انا ساعدت الناس انا اكلت محتاج
انا جوزت محتاجة
انا علمت قرانك لواحد اصم لايعرف عن الدين شئ
وعملتة انة يسمع بصوت وليس مجرد اشارة
ياااااااا احساس تحفة وانا بسمعة وهو بيقول بصوت الايات
المهم كنا كل جمعة
بنطلع زي زيارة اورحلة
نروح دار ايتام
نروح دار مسنين
او ناخد مدرسة من اطفال الشوارع مع اني مش بحب الكلمة دي
بس بناخدهم ونوديهم ملاهي او جناي
ونلعب معاهم
المهم رحت مرة
دار ايتام
واتصاحبت علي بيبي جميل اسمة طارق
حبيتة قويييييييييييي
كان عندة خمس شهور
المهم الواد نام علي ايدي ودخلت نيمتة في سريرة
وفضلت قاعدة جنبة بصالة
وكنت نفسي يبقي كبير علشان يعرفني ويفتكرني
المهم
الجمعة اذنت
فا الشباب برة قالو هيصلو في زاوية
واحنا كنا تقريبا اكتر من 40بنت
او اكتر
وانا كنت اصغر حد فيهم
المهم قالو يابنات مين هتامنا
فاواحدة منهم قالت
مني
طبعا انا بحسبهم بيقولو علي مني تانية مش انا هو مفيش غيري اسمة مني ولا اية
المهم بصيت يمين وشمال
مفيش حد واقف في المكان غيري
قولتلهم بصوت واطي وكسوف الدنيا جوايا
أاانا
قالولي اة يالا يابنتي انت لسة هتفكري
سبحان الله انا كنت وقتها عمري ما صليت جماعة وانا ابقي الامام
ولسة اول مرة
في حياتي
اروح دار ايتام لسة جديدة في الجمعية بقي ومش عارفة اي حاجة ومتصاحبتش ع حد كتير
المهم
قولت طيب طيب الله اكبر
وكان جسمي كلة بيترعش من الكسوف
وفجاءة لاقيت نفسي في خشوع فظيععععععع
وكاني بصلي لوحدي في اودة صغيرة مفيهاش غيري ونسيت كل اللي بيصلو معايا
واول ماخلصت كلة قالي جزاكي الله خيرا
حسيت بفرحة رهيبة كان يوم غير عادي في حياتي
وان شاء الله هبقي احكي مرة تانية عن ايام رسالة واية اللي حصل اني مش متابعة دلوقتي وكدا
يلا يارب ارجع زي الاول كدا تاني
لاني بحاول كتير بس حاسة اني مبقتش زي زمان
حاسة ان انشغالي بالدراسةوقعدتي ع النت
شغلتني كتير
حاجات كتير حصلتلي خلتني
مش عارفة اعمل اي حاجة في اي حاجة
وفي الصلاة بتلغبط كتير
واحس اني يابصلي زيادة يا ااقل
وانا جوة الصلاة هو انا ف اي ركعة
وافضل استعيذ بالله من الشيطان
ماكنتش كدا
يالايت الزمان يعود يوما
واحسن
وانتم كمان
ادعولي اخلص مذاكرة الهيروغليفي اللي عندي فية امتحان بكرة دة علي خير
امانة عليكم
سلامممممممممممممم
