معشوقتي

بسم الله الرحمن الرحيم

*****************

معشوقتي

اتساءل دائما

أاعيش بداخلك ام

انت التي تعيشي بداخلي

وتتساءل الناس عن سحرك

ولكن الله وحدة يعلم سره

تعيشي في خيالي ووجداني

واستمد منك قوتي

وقدرتي علي الحياة

ماعيشت يوما في بعدك

وما الحياة سواكي

فبدونك لاادري مايحدث لي

وكأن الانفاس تنساني

ومايدركك المرء حتي يراكي

حينها يشعر كأنه طفل في احضان امه

فياحياتي

وذكراياتي

تذكريني

حين اموت

ولا ادفن الا جواكي

فا انا اموت عشقا ياحبيبتي

ياملاكي

فانت بعدك عني يعني هلاكي

فلا تقسي وانت الروح

ولا اغدو الا في هواكي

سلامممممم

البقاء لله

بسم الله الرحمن الرحيم

**************

بتعجب علينا بجد

كل ما نسمع عن مرض منتشر

او فيرس

او وباء

نقول دة بيحصل لنا كل دة من اية

لو فكرنا يوم نعدد الحاجات الغلط اللي عملناها في بلدنا

هنلاقي ان الحاجات دي اقل واجب

يحصل فينا

لان ربنا قالنا اذا ظهر الفساد فانتظرو البلاء

يعني انت بتفسد وبتزيد ف الطغيان

مطنتظرش جواب شكر

لا انتظر العقاب

طب والحل اية

اننا نبطل فساد

نبطل نسرق

نبطل نقتل

نبطل نسيب حقنا يضيع ف الارض من غير ما ندافع عنة

نبطل نهمل ولدنا ومنعلمهمش الصح من الغلط

نبطل نبقي عارفين الحق وساكتين علية

نحاول نبقي مسلمين بحق مش بالاسم بس

نحاول نعمر ف الارض مش نخرب

انا بيوجعني الظلم اوي

انهاردة شوفت حاجة غريبة حصلت

حسيت كان حد

ربطني بسلسلة كبيرة ورماني ف البحر

وانا مش قادرة اطلع

منة

هي قصة واحدة اسمها مروة الشربيني

اسكندرانية بلدياتي يعني

بس لما عرفنا تقول اختنا او من بقيت علتنا

اتجوززت دكتور صيدلي زيها وسافرو بعثة لالمانية

عندها طفل عندة 4 سنين

وحامل في تلات شهور

ليها جار الماني من اصل روسي ولا سويسري حاجة كدا

عندة 28سنة

عاطل

كل ما يشوفها يقولها يامسلمة يا ارهابية

ابتدت تضايق من تصرفاتة وانة كدا بيتعرضلها

قالت لجوزها

غلط ياعيني وراح قدم فية شكوي

علي اساس دولة ديمقراطية

جت تاني جلسة ف المحكمة طلبو شهادتها

في نص المحكمة وهي بتتكلم طلع السكينة

وطعنها 18طعنة في اكتر من 8 دقايق

القاضي واقف والناس كلها واقفة ودة عايش حياتة فيها

جة جوزها يدافع عنها

طعنة تقريبا اربع طعنات

قال اية كان في ظابط

ف القاعة اللي جنبهم بيدلي بشهادتة

طلبو منة يفض الاشتباك

قال اكيد الاسمر هو المجرم مش الابيض

قام ضارب الاسمر اللي هو جوز الضحية

جت في رجلة

كل دة ومين بيتفرج

ابنها مصطفي

عندة 4سنين او تلاتة

الشهيدة هيصلو عليها انهاردة ف المانيا

وهتيجي خلال يوم او اتنين اسكندرية

ياعيني باباها حب يدفنها ف تربة

قالولة التربة21 الف جنية

وقال احاول اقسطها

والمحافظ كلمة وقالة انة هيساعدة ف تربة هنا

لانها دي زي بنتة بردة

كتر خيرهم

بس لما احنا نسكت علي الموقف دة

في حين انهم لو كانت المانيا ف مصر الي جرالها كدا

كانت هتبقي مصر ارهابية

ويبعتو مندوبين المان يتابعو الموضوع لحد ما يخدو حقهم ومش بعيد يقومو بحرب علي مصر

وتعاونهم امريكا

علشان هي هدفها السامي محاربة الارهاب

ف المقابل احنا

سلبية

ةبرود لا مبالاة

حقنا ضااااااااااااااااااايع بكل المقايس

وللاسف

مش بابدينا حاجة نعملها

ضعفاء امة محمد

اللي قام بغزوة علشان واحدة وشها اتعري

نسيت اقولكم انة قلعها الطرحة وهو بيقتلها علشان ينفذ هدفة

انة ميشفهاش بحجاب

اذية للدرجة الحجاب

الله يصبر علتها

والله يسكنا فسيح جناتة

والله ينتقم لينا كلنا لانها اختي واختك وبنتك وبنتك

يعني معرضين كلنا للموقف دة

وربنا يتنقذنا ويعلم اننا مش موافقين علي دة

اللهم فاشهد

سلامممم

قالو تبقي مدرسة

بسم الله الرحمن الرحيم

********************

من ساعة ما خلصت

وانا من كتر الشغل مش عارفة اشتغل اية

ولا اية

فا ابتديت اخد اراء الناس

بصي يابنت

انت تروحي الاول تاخدي

كورسات

قولنا ماشي

اخدت

يافرحتي

وخلصتهم

قالو لا انت لازم تكون عندك خبرة

قولنا ماشي نشتريها منين

قالو تاني شارع علي ايديك اليمين

رحت

طيب هما اللي قبلك عملو اية

والله دورت

لاقتهم مفيش جديد

اصل مجالك صعب

ونادر

وعفاف

طيب اعمل اية اروح اقطع الشهادة يعني

طب ماتشتغلي مدرسة

مدرسة بحالها طب قولو حتي مديرة

مش دي طموحاتي

امال اية؟؟؟

تصدقو نسيت

هي طموحاتي كانت اية

!!!!!!!!!!!!!!!!!!!1

حالة جمود

بسم الله الرحمن الرحيم

****************

ارتفعت ضربات قلبها

ارتجفت ارجلها

دخلت في حالة لا وعي

اصبحت لاتدرك الدنيا من حولها

تحجرت اعينها

صارت كالصنم

احاسيس مختلفة لاتتعدي اللحظات

ثم فاقت من حالة الشلل

النصفي

وبدات اعضائها تغدو في حركة بطيئة

وتحدثت في سكون

في بحر من الالم

تعوم في احزانة

بين امواج كالسحاب كالجبال

تاخذها

وتعيدها

وتمزقها

مثل

الفريسة البريئة

فهي احدا ضحاياه

المهزومين

النادمين

علية

فهو

يعتبر كالانتحار

كاحقل من الالغام

الناسفة

الحارقة

المميتة القاتلة

فحمدا من الله

كثيرا

علي نعمة الفراق

سلاممممممممممممممممم

...

...........

.................

جوه في قلبي ليك

بسم الله الرحمن الرحيم
***************

كل ثانية فاتت

وعدت

وجاية


كل يوم راح

حتي الجراح

لسه

لسه فيا

كل ساعة

بتمر بيا

ببتدور حوليا

بتفكرني بيك

كل طريق مشيتة

معاك

كل ضحكة ضحكتها

وياك

كل فرحة فرحتها

في هواك

بتفكرني بيك

كل بعد حصل وكان

كل شوق وماضي زمان

كل مرة رجعنا فيها

بعد فراق كان

بتفكرني بيك

كل همسة حب

بسمعها في قلبي

كل رعشة ايد

كل صوت طالع مني

رايح ليك

كل نجاح عشناه

كل غنوة سمعناها

بتفكرني بيك

كل كلمة قولتها

وصدقتها

وفي حبك انا عشتها

بتفكرني بيك

كل ضحكة طفل

كل لهفة ام

علي ابنها

ومدي فرحة قلبها

بتفكرني بيك

كل وردة حلوة

معطرة

كل زهرة ربيع ملونة

بنورها وعبيرها

بتفكرني بيك

كل فرحة عروسة

كل ليلة عمر

كل بيت جديد

بيفكرني بيك

كل ماتشرق شمس

كل ما يطلع بدر

كل نجمة مزينة

كل موجة بحر

كل حبة رمل

كل نقطة مطر

بتفكرني بيك

كل وش في مصر

كل جدة وجد

كل قصة حب

بتفكرني بيك

كل طقم جديد جبتة وفرحت بية

كل يوم عيد شوفتة وعشت فية

كل رحلة طلعتها كل شلة قابلتها

بتفكرني بيك

كل دعوة استجابها ربنا

للبشر

كل مرة قولت يارب

كل اغلي طلب اتمنيتة

كان ليك

كل نقطة في دمي

ونفس عيشني

بيفكرني بيك

كلة كلة كلة جوة فيا


سلاممممممممممممممممممم

انهاردة فرحي ياجدعان

بسم الله الرحمن الرحيم

******************

ولله فرحتي

كانت متتوصفش امبارح

وكان يوم جميل

رغم انة كان متعب بالنسبة لي

ومنمتش من ساعتها

بس الفرحة مخلياني ناسية ومش حاسة بالتعب

صحيت من النوم

وانا كلي سعادة من قلبي بجد ووالله وانا في طريقي للسفر للقاهرة كنت سعيدة جدا

ابتديت اجهز نفسي

وحركات البنات وكدا هههههههه

وبعدين رحت اول ما دخلت

الفرح

كنت مكسوفة قويييييييي

قعدت علي الكرسي زي مايكون لزقت

ماما تقولي قومي وانا مش بتحرك

كنت مش عارفة حد ومحرجة بس اول ما شوفتها

حسيت برهبة فظيعة هي دي اللي كنا بنمشي ونروح ونيجي

مع بعض

ونرغي بالساعات

كانت فرحانة جدا وانا كنت فرحانلها اكتر

بس الكسوف منة لله

مخلنيش ابقي معاها من الاول لاخر

ماما طبعا كانت سعيدة بتموت في الهيصة راحت ووقفت جنبها وسلطت عليا الناس قوموني

ويلا شدت ايدي وعيزاني ارقص معاها

وسلمت عليا وانا كنت مكسوفة اكتر منها اللي هي العروسة

ههههههههه

وقفت جنبها شوية ورحت قعدت تاني زي مايكون مركبة مغناطيس في الكرسي مش ببعد عنة

عايزة اقول اني فعلا كنت حاسة انة فرحي

انا مش هي بس

وكنت حساها كانها واحدة معزومة اد اية هي عفوية وعلي طبعتها وزي العسل

ربنا يهنيها ويباركلها في حياتها

ولسة جاية من شوية من مصر

لان هي من مصر وانا من اسكندرية

جيت بقي اشم النسيم

كل سنة وانتو طيبين

محدش ياكل فسيخ ههههههههه

*******************

بداية البوست

كان امبارح خطوبة نرمين صحبتي

صاحبة مدونة توهان

الانتيخ بتاعي

لولولولييييييييي

مبروك يانوني

سلاممممممممممم

شبة خلود

بسم الله الرحمن الرحيم

***************

عارفة وهو عارف

احساسي لية

بس الغريب انة

فاكرني لعبة في ايدية

وقت مايبعد يبعد

ووقت يكون قريب

وبرغم كل دة

لسة حبيب

ساعات كتير بفكر ابعد

وبكلمة منة جرحي بيطيب

لية دايما بضعف وانا ادامة

لية حبي دة الوحيد الاكيد

حاسة بحاجات كتير جوايا صعبة

وحاجات في لحظة عني بتغيب

والدنيا دي بتضيق حواليا

وانا واقفة بتفرج من بعيد

بعدت وقولت هنسي

وفعلا قرار اخير

بس اعمل اية في قلبي

دة ملكة هو

وهو الحبيب

الحب بنا بقي استحالة

بقي حاجة غامضة في علم الغيب

وحبة جوايا شبة خلود

العروسة ماتت !!!!يالهوي

بسم الله الرحمن الرحيم

******************

انستونا امال اية شرفتونا امال اية

واقرو الفاتحة لابو العباس ياسكندرية يااجدع ناس

وجوزناهم وفرحنا بهم

وياعيني ياعيني

...............

.......

............

............. يالهوييييييييييييي

الحقوناااااااااااااااااااااااا

عااااااااااااااااااااااااا

ياخرابيييييييييييييييي

العروسة ماتتتتتت العروسة ماتتتتتتتت

دة اللي حصل انهاردة وانا قاعدة بكلم زي الهوا ع النت

سمعت الاصوات دي كلها

ادام الشباك

رحت جري بصيت وطبعا كل الشارع بص

عربيات كلها واقفة كلاكسات بالهبل صويت زعيق

صوت الفرح بطل وصوت الغم طلع

احساسين متناقضين في نفس الوقت

نفس الواحدة اللي كنا فرحانينن بيها

هي هي اللي زعلنا عليها

يااااااا ممكن يحصل كدا ممكن واحدةتموت يوم دخلتها

يوم كتب كتابها

يوم دخولها في حياة جديدةسعيدة

ملحقتش تتهني يوم

ومبالكم دي في جامع ومحجبة ومتدينة مفيش اكترمن كتبت كتاب وهتروح

امال بقي اللي بتتبرج وبتقلع الطرحة وتقول دي ليلة في العمرونص ضهرها باين وتغير لون شعرها

وكل صحاب العريس شافوها والمصور وكلة

واهي ليلة في العمر

بس محدش بيفكر انها مممكن تبقي اخر ليلة وتبقي دي الخاتمة ونبعث عليها

المهم

مرات البواب كانت واقفة قولتلة اية يابنتي في اية اية الصويت دة انا اتخضيت جدا

قالتلي انا بحسبة زراغيط قولتلها طب متعرفيش في اية

قالت لا دول بيقولو العروسةماتت

قولتلها يالهوي

ماتت ازاي

قالتلي ولا اعرف

المهم بقو يقولو الله اكبر وبعدين واحد زعق للناس اللي بتصوت

وبعدين العربيات ابتدت تمشي

شوية وجت قالتلي

ام العريس عملت مشكلة وهما بيزفو العروسة وقالت

واخدناها منكم وبتغيظ اهل العروسة قامت مامات العروسة قالت

لا ماخدتوهاش هي رايحة بموافقتنا

دي كلمة ودي كلمة قامت حريقة في المسجد

فكروني في بحب السيما لما اتخانقو في الكنيسة هههههه

العروسة شافت كدا انهارت

طبت ساكتة علي الارض

بيصحو فيها مش بترد

قالو دي مامتت

يلا الناس كلها صوتت

نفسي كنت اشوف رد فعل العريس اية ههههههه

المهم فوقو العروسة

والحمدلله

ودعولهم اللهم بارك لهما وبارك عليهما واجمع بينهما في الخير

ويلا العروسة طلعت متسندة من الجنبين ورحت

كان يوم مش هيتنسي اكيد في عمرها كلة ههههه

وما نبنا من الحماوات غير النكد علي العروسين

وتعكير صفوهم

انا فرحت طبعا ان العروسة بخير

بس فكرت كدا مع موحة زي الهوا

لو فعلا حد مات وعلي معصية اية الحل ساعتها

مفيش والله حاجة اسمها ليلة وهتعدي لا

محدش ضامن الثانية اللي جاية هيحصل فيها اية

والنفس اللي داخل ياتري هيطلع ولا اية

مش عارفة بس خوفت وبجد اتخضيت قوي

حاسة ان بقالنا كتير مش بنفرح بحاجة

والفرحة مش بتكمل لية مش عارفة

ربنا يستر

سلام

اثار غارقة

بسم الله الرحمن الرحيم

****************

في اعماقي اثار غارقة


بداخلي اشلاء مبعثرة

باقايا انسان كان

اشلائة منبعثة من الزمان

تراها بوضوح

حين تنظر في عيني

تسمعها بوضوح

من نبرات صوتي الحزين

تنتابك الحيرة حين تري

وجهي الشاحب في سكون

وتتسائل هل هي انسان

ام بقايا شخص كان

قصيتي هي تاريخي

وتاريخي هو الزمان

*

والان

ابحث عن الاهتمام

عن باحث من قديم الزمان

يحكي عنة انه كان وكان

يخرج ما بداخلي ويطوي الاحزان

والان

اريدك يامن ابعدة الزمان والمكان

تخرجني من عالم الاوهام

تملئني بالحب والحنان

تجعلني اشعر بالامان

*

والان

اتشوق الي رؤياك

واريد قوة ايمانك

تساعدني لتخطي الالم

*

والان

احتاج اليك

احتاج الي المنقب

الي فارس بلا عنان

بلا قيود بلا حدود بلا اركان
*

والان

احتاج الي مكان

بلا جبال

بلا بحار وانهار

بلا فواصل واسرار

بلا مشاكل واخبار

بلا احزان

*

والان

احلم بحياة نقية

بها بستان بها شجر والوان

بها ورد وريحان

بها جنان

والان

احلم بورقة بيضاء

بلا اخطاء

ثقلها مثل فراشة ربيع

والان

احلم اعود طفلة

تعيش في عالم الاحلام

في عالم بلا غموض

واعود الان

استغيث الي الرحمن

فلا ملجا الا الية

ولامنجي منة الا سواه

واقول لة

بداخلي اشياء

بعضها باقا بعضها فان

فترات تؤلمني وفترات يمحيها الزمان

احيانا يختلط علي

احيانا ادرك بامعان

وهكذا اكون انسان

سلام

خوخة _جت بعد دوخة

بسم الله الرحمن الرحيم

***********

اول ما الزمالك كسب

يلا احتفالات

وجروبات علي الفيس بوك

وبيضربو الاهلي بالقفا

وحاجات حلوة كتير

وتهئنة ومباركة

تقولش اعلان موبنيل

ادام عني

بنت خالتي

صحابها بيهنوها

وقالولها مرة واتنين

جم في التالتة قالتلهم انتو مش لسة مهنيني

قالولها يلا زيادة الخير خيرين هو احنا بنشوف اليوم دي كتير

اهو من نفسنا نحتفل شوية

مش هقول اني زعلانة ان الزمالك كسب

بالعكس

اكيد كلنا مصرين والاخر كلة بيحسن مستوي مصر ومش من مصلحتنا

ان يبقي عندنا نادي ولا اتينن حلوين والباقي مضروب بالنار

التنوع حلو طبعا

وكلة هيفيد المنتخب ووقتها مش هيقولو اهلي ولا زمالك ولا اسماعيلي

وبما ان عليتي زمالكاوية

فا ياعيني الفرحة كانت فعنيهم

فظيعة

واول مرة جوز خالتي يتغدي ونفسة مفتوحة وفرحان

ربنا يفرحنا كلنا

دايما يارب

كل اللي بقولة انا لية علشان انا اهلاوية ابقي بكرة الزمالك او اي فريق تاني

التعصب مش حلو

اة في انتماء بس بجد التعصب بيسبب مشاكل كتير احنا في غنا عنها

ولو كانت الرياضة دي هتعمل في المسلمين كدا تبقي حرام علينا

نشتم ونضرب في بعض ونشمت ونفرح في بعض

مش دة دينا ومش دي اخلاقنا

يامسلمين

اهلاوي زمالكاوي

في الاخر احنا مسلمين

عيب علينا بجد

وعلي راي ماما وهي بتستقبل التهاني

قالت الحمدلله

خوخة جت بعد دوخة

عجبني المثل وقولتلها قولهولي تاني

سلامممممممممم

فاضية

بسم الله الرحمن الرحيم

****************

حياتي بقت فاضية

في عز الزحمة بحس ااني لوحدي

الناس كتير حواليا

وانا بردة لسة لوحدي

ورايا حاجات كتير

وحاسة اني فاضية

حاسة بفراغ

اهدافي كتير وفي نفس الوقت بلا هدف

حققت حاجات كتير وفي نفس الوقت محققتش

حاسة بقي من الاخر ان ناقصني حاجة

.

هي لو كانت اقدارنا بادينا

كنا اختارنا اية

لية مش عاجبنا حاجة

لية واحنا صغيرين عايزين نكبر

لية لما بنكبر عايزين نرجع صغيرين

لية من غير حب مش مبسوطين

لية لما بنحب بنتعب اكتر

المفروض نعيش ازاي

نختار اية ولية

اية اللغبطة دي

الله

i have a dream

بسم الله الرحمن الرحيم

**************

اوصفها با اية

دة كلامي كلة ميجيش ربعها

غريبة دي اية

دي غرابة الدنيا في شكلها

تحس انها ربيعه وقت الشتا

خريف وقت الصبا

نسمة في عز البرد

حاجة مش في وقتها

حاجة صعب وصفها

وعشان كدة بحبها

تسمعها تقول ملاك

تشوفها تستغرب لها

تعاشرها تحبها

تبعد عنها تشتاق لها

وفي شكلها سحر غريب يلبق لها

دنيا تعيش معاها وعلي سحرها

تاخدك لعالم تاني وتروح لها

وانت سعيد بقربها

وفي طبعها

حب وحنان عطف وامان موصوف لها

وتحسها رقيقة وتحب تقربلها

تقدر تقول قديمة تقدر تقول في عز اوجها

تشبة كتير لاسكندرية في طبعها

عشت معاها ايام في عمرها

خلتني بجد فخورة بحبها

تتحرك تخلي المكان كلة ينتبة لها

تقليدية بدرجة غير تقليدية

مش قولت من الاول صعب وصفها

I hope to see you again

I loved your way

I like your deitels

Iwish that you can read it

I want you know its for you

I ill remembar you forever

I ill thinking about you ever time i listen to this song

I have a dream A song to sing

to help me cope with anything

If you see the wonder

of the fairytale

you can take the future

Even if you fail

I believe in angels

something good in everything i see

i believe in angels

when i know the time is right for me

i ill crosse the street

i have a dream

i have adream

a fantasy

to help through reality

and my destnation

mekes it worth the while

pushing through the darkness

still another mile

I beeeeeeeelive in angels

something good in every thing i see

i believe in angels

when i know the time is right for me

i ill crosse the street

i have a dream

i ill crosse the street

i have a dream

الاغنية هتعبر عن احساسي ليها

اتمني لك كل الخير وانك تفضلي فكراني

دايما

سلامممممممممممممممممممم

.......

!!!!مــــــــــعــــــــــــــــاك

بسم الله الرحمن الرحيم

*************

معاك بضحك بصوت عااااااااااااااالي

........

طبعا مش كلماتي

دي اغنية منير

انا بحب الكلمات بتاعتها

وطريقتة وهو بيقول بصوت عالي

فكرتو فيها قبل كدا

وهو بيقول بضحك بصوت عالي

دايما مع الناس اللي بنحبها مش بنقي مسيطرين علي مشاعرنا

وتصرفاتنا

وممكن من كتر الفرح والعفوية نضحك بصوت عالي

ممكن من كتر الحب وانك طاير في السما تضحك بصوت عالي

بس اية ياتري الفرق بين الضحك العادي والضحك بصوت عالي

لية مقالي معاك بضحك وخلاص

اشمعني عالي

يمكن علشان طالع من القلب فا عالي

يمكن علشان مش خايف من حاجة معاك فاعالي

يمكن علشان اخد عليك قوي فاعالي

او يمكن علشان معاه بتحس بنفسك وبتحس انة بيكملك

وانك مالك الدنيا فاصوتك عالي

ممممم تساؤلات كتير

المهم انة النتيجة حلوة والهدف اجمل

نفسي قوي الاقي الانسان اللي معاه اضحك بصوت عالي

من غير خوف من بكرة ولا تفكير في زمن

دة احساسي مش اكتر

..................................................................................

سلامممممممممممممممممم

حالة حنين

بسم الله الرحمن الرحيم

**********************

نظرت الي الهاتف

فكرت قليلا قبل اتخاذ هذه

الخطوة

فهي في حيرة

وتخشي انت تتصرف بحماقة

تجرح كرامتها

او تقلل من شخصها

ولكن شعورها بالحنين كان اقوي منها

قررت ان تتشجع

وهي لا تعلم ماذا تقول

وكيف تتصرف

كانت المرة الاولي لها

التقت الهاتف بصعوبة

لارتجاف يداها

اختارت الاسم

ضغظت اتصال

رن الهاتف

وفجاءة

قطعت الخط

وتحدثت

قليلا مع نفسها

هل تجرؤي علي هذه التجربة

وانت لاتعرفي النتيجة

وقالت مهما كانت

النتيجة يكفني المحاولة

عاودت الاتصال

رن الهاتف

ارتجف قلبها

واحمر وجهاها

سمعت صوتة

سلام عليكم

............................

........

!!!!!!!!!!!!!!!

يالها عاجزة عن النطق

ظلت صامتة لفترة

ثم بدا يتحدث

ظهر علي حديثة

الجمود

ندمت علي ما فعلت

بدات دموعها في

شكل سيول

وفجاءة

!!!!!!!!!!!!

اية يابنتي كل دة نايمة

اصحي الظهر اذن

حاضر حاضر

ظلت تتمتم كلمات الحمد

علي ماحدث

وانة

مجرد حلم

سلامو عليكو

بسم الله الرحمن الرحيم

طبعا مش هقول وحشتوني وكدا

والنت كلة وحشني

هتقولو بكاشة ومش بتسئل

انا كمان عارفة انكم زهقتو من كتر ما كل مرة بدخل

بعتذر

فا مش لاقية كلام اقولة بصراحة بس حبيت بس

اقولكم

انكم بجد وحشتوني

ووحشني احساس اني ارجع اكتب تاني

يمكن يكون عندي مواضيع كتيرة

بس كلها تايهة مني

الوحي لسة منزلش

واكيد ربنا يسهل لما الوحي يجي

هدخل اقرفكم تاني

بس في حاجة عايزة اقولكم عليها

انا اتغيرت شوية

طبعا هتستغربو اتغيرت ازاي

اقولكم

انا الشهور اللي فاتت دي كنت باخد ولازلت يعني

باخد كورسات

بس اخدت كورس من شهر ونص

غيرني قوي

خلاني ابقي اجتماعية شوية

وااقل من الاحراج والكسوف

اللي كان دايما قارفني

ابتديت اتكلم وارد علي الناس

اكيد طبعا هتقولو اية الجديد طبيعي بتتكلمي وتردي

بس لاسف ماكنش طبيعي عندي

عرفت في الكورس دة ناس كتير

وحبتهم جدا كلهم

والكورس دة خلص انهاردة

وبجد كنت زعلانة اني مش هشوف ميس نيفين تاني وكل صحابي

اللي عرفتهم واتغيرت علي ايديهم من غير مايقصدو يعملو كدا

فعلا حب الناس والمعاملة الحلوة

بتخلي الانسان يحب الحياة ويبقي عندة طاقة يدي

زي ما بياخد

الموضوع عبارة عن دعوة علشان نحب بعض

ونتعاون مع بعض

ومنبقاش انانين

ودة اللي حصل معايا واللي شوفتة من صحابي

واللي خلاني مبسوطة لدرجة اني اكتب عنة

عمري اللي فات حاجة

وبجد اللي جاي حاجة تانية

وانا فعلا حاسة ان دي نقطة تحول في حياتي

وكان لازم ادونها وانتو طبعا هتقروها علشان صحابي ومضطرين تستحملوني

انتو بردو كان ليكم دور في حياتي وغيرتوني

بس يمكن صحابي بتوع الكونفيرسينش

كانو علي الحقيقة فا التغير كان واقع وملموس

بشكركم وبشكرهم ويارب اللي جاي يبقي احسن

سلام

شكرا لحسن استماعكم

وحشتوني ياتري لسة فاكرني؟!؟

بسم الله الرحمن الرحيم

كل الحب ليكم كلكم

الايام اللي فاتت كانت صعبة علينا كلنا

بسبب غزة والمهزلة اللي فيها

انا كمان نفسيتي سيئة ولكن لاياس من رحمة الله

وان شاء الله النصر قريب

في مؤتمر قمة نفسي اعملة

ولما النت يرجعلي تاني هبقي ادخل ان شاء الله اقول القرارت اللي هتعلن في المؤتمر بتاعي

اسفة للانقطاع اللي هيدوم لمدة الله اعلم اد اية لان مش عندي نت وجهازي بايظ

عايزة اقول خبر فرحني قوي

ولــــــــــــــــــــــورجع ياجدعان

والله فرحت قوي ياحاتم برجوعك وكنت فعلا قلقانة عليك وكتبت البوست دة مخصوص علشان

اقولك اني فرحت برجوعك

وكنت فعلا بدخل اول حاجة ابص عليها مدونتك

حمدلله علي السلامة

وعقبالي انا كمان لما ارجع

انت اللي حسدتني وقعدت تقولي بتكتبي بوستس كتير اديني مش بكتب خلاص مبسوط دلوقتي ؟

خبر

صحيح

انا قدمت علي الماجستير

وهبتدي ان شاء الله الدراسة الشهر الجاي اولة

دعواتكم

وعقبال كل اللي لسة بيمتحن

....

ومحمود الام وامال

ربنا معاك في الامتحان بقالي كتير مش بزورك ولا بدخل اكتب بس مش نسياك وبدعيلك شد حيلك وذاكر كويس

.......

كاميليا

وحشتيني بجد بجد

وبحبك حب محبتهوش لحد

ويارب اشوفك احسن الخلق

واشوفك زهرة صغيرة في بستانك تنور حياتك

وتبقي احلي ماما في الدنيا

واحن قلب شوفتة ف حياتي

دي كانت رسايل صغيرة لكل اصحابي والناس اللي بحبهم

وعايزة اشكر محمد غالية وشباب اسكندرية جوكر ومخة لاسع انهم بيدخلو لسة رغم اني منقطعة ومش بزورهم

انتوناس جدعة بجد

واخير

الله مع فلسطين

ونسئل الله ان يتقبل الشهداء ويشفي كل جريح ان كان مادي او معنوي او جسدي

ويبرد نارنا ويشفي غليلنا

سلاممممممممممممم