متتضغطش عليا اكتر
علشان تعرف غلاوتك اية
يمكن ف مرة تخسر قلبي بكل ما فية
لازم تدي وتاخد مش بس تفكر فيك
لازم تحاول تعرف ان دة قلبي اللي ف ايديك
لازم تفكر تعمل حاجة قبل ما تلاقيني ضعت من حواليك
لازم تشوف اليوم اللي هتخسرني فية قريب اكتر منك ليك
لازم تحس انت بتعمل اية فيا وبدور عليك مش بلاقيك
متعتمدش اني موجودة واهو هروح فين
متخليش ثقتك تخسرك اكتر حد ممكن يكون بيهتم بيك
حاول تحافظ عليا وتتمسك بيا اكتر من كدا شوية
حاول تقولي كلام يطمني انك معايا وليا
حاول تعمل حاجات تحميني بيها من افكار ممكن تبوظ كل شئ
خاف عليا متخافش مني ومتخلنيش اخاف منك
شوقي ليك وغلاوتك زرعة ف ايديك تخليها تكبر او تدبل
وعشان اكون معاك في شروط لازم تحققهالي
اولها تكون ليا
وتكون حنين عليا
وتخاف علي زعلي
ومتبعدش عني
وتحب قلبي
تراعي ربنا فيا
ومتخليش قلبك ابدا جامد عليا
ولا لحظة تشك فيا
ولا تخلي قلبي يشك فيك
ومن الاخر خلي بالك عليا
