اسكندرية

الله الرحمن الرحيم

ازيكو وحشتوني

طبعا الايام اللي جاية دمار شامل

امتحانات بقي وكدا

ربنا معانا جميعا

ويوفقنا اللي مافية من خير

ندخل في الموضوع

امبارح كان يوم شاق كان عندي تدريب عملي وزيارة في موقع اثري والمفروض نرفع الموقع

المهم

الموقع دة ياجماعه من احسن المواقع في اسكندرية

واصلا اسكندرية فيها كمية مواقع اثرية مهولة يكفي بس ان الميناالشرقي كلها مدينة يونانيةغرقانة في البحرايام البطالمة

المهم

الموقع هو عمود السواري والكتاكومب في كوم الشقافة

المنطقة دي زمان كان يطلق عليها اسم الاكروبوليس زي اللي في اليونان لانها كانت منطقة مرتفعة وعادة اليونان زمان انهم يبنو اهم المباني بتاعتهم في اي هضبة مرتفعة وكان عليها مباني مهمة جدا اولا معبد كبير للاله سرابيس ودة كان اله مشترك بين المصريين والاغريق او اليونان

والاله دة عبارة عن جمع او خلط او مزج بين الالهة المصرية اللي في شكل حيوانات وبين الاله اليونانية اللي في شكل انسان

وكان لية شعبية كبيرة جدافي عهد البطالمة والرومان من بعدهم

وكان عليها عمود السواري اللي بيطلق علية عمود بومبي اللي معتقد ان في تاج العمود انية رماد القائد بومبية ودة قائد كبير مش هحكي عنة لانة كان علينا في سنة من السنين مادة لوحدة

هههههههه

المهم

وكانت فيها المكتبة الصغري ودي كانت عبارة عن مكتبة ملحقة بالمكتبة الكبري نظرا لزيادة عدد الكتب فا كانو محتاجين مكتبة تانية تبقي في نفس الوقت كاحزائن للكتب

وطبعا المكتبة الكبري هي مكتبة الاسكندرية اللي كانت في الحي الملكي وكان امامها الموسيون اللي هي الجامعة

في نفس المكان حاليا

والمكتبة دي كان ليها شهرة عالمية رهيبة وبنيت في عهدبطلميوس الاول سوتير ومن بعدةابنة بطلميوس التاني فيلادلفوس وكلمة فيلادلفوس كلمة يونانية معناها المحب لاختة

لانة تزوج من اختة ارسنوي

وكان بيجمع الكتب من كل مكان لدرجة ان اي سفينة توصل المينا الشرقي كان بيدورو علي الكتب فيها ويخدوها من اصحابها ويدلهم فلوس مكانها او نسخة من الكتاب وكمان حركة الثقافة كانت زايدة في اسكندرية علشان مصر كانت الدولة الوحيدة اللي بتمتلك ورق البردي

المهم

نرجع تاني الاكروبوليس

امبارح رحت الموقع دة وطبعا قولت اقولكم معلومات في الاول عنة علشان يبقي عندكم خلفيه

عمود السواري بقي ضخم جدا وكبير ومن الجرانيت من محاجر في اسوان

ونزلنا في المكتبة الصغري كانت محفورة في الصخر وعبارة عن داهاليز ووقفنا تحت قاعدة عمودة السواري

ومن المتوقع ان العمود دة كان للامبراطور دقلديانوس علشان اعفي المصرين من ضريبة القمح فا عملو العموددة تخليد وتعبير عن شكرهم لية

وبعدها رحنا

الكتاكومب

ودي مقابر

بس تحت الارض

بس كلمة تحفة شوية عليها كانت رهيبة هي لاسرة وجوة المقبرة تمثال للمتوفي وزوجتة وحجرطعام للضيوف وحجر للمعددين

اول ما دخلنا حجرة المعدينن واحدة صحبتي قعدت تعدد وتقول ماكنش يومك ياحببيبي

قولتلها ايوة بشري علية ياختي

طبعا كمية افواج اجنبية مهولة يابان وفرنساويين وحاجة جامدة وطبعا لازم ننتظر انهم يخلصو وبعدها احنا ندخل

زي ما ممعظمكم عارف ممنوع تصوير الاثار علشان بتاثر عليها بس انا صورت بالموبيل شوية صور

علشان اوريهالكم

وهبقي اعملكم رحلة قريب لمعالم الاسكندرية اللي عايز يشترك التذكرة ب200ج نظرا لمجهوداتي اللي هبزلها معاكم

بس هدخلكم ببلاش علشان احنا مش بندفع ولا مليم في الزيارات علشان انااثار

احلي حاجة في الكلية بجد اننا بنروح مواقع وفي منها غالية ومش بندفع زي مثلا المتحف المصري

تقريبا حجرة الموميا ب25ج احنا دخلين طالعين ببلاش

يلا نتفرج علي الصور يارب تعجبكم وتشتركو في الرحلة علشان انا بكون نفسي واشوف بقي هنفع مرشدة ولالا

الصور مهزوزة شوية بس كنت بصور في الاستخبث علشان بيشددو علي التصوير

يلا نشرح الصور

دي صورة صاحب المقبرة وحرمة

دي مراسم الوفاه والمتوفي مضجع علي سرير

دي صوربالالوان مرسومة علي الجدران بردة مراسم الوفاه

دي مقبرة من الخارج بشكل جمالوني

دي المقبرة من الداخل
بتجمع بين عناصر رومانية ومصرية

ودي مراسم للاحتفال بالعجل ابيس او الاله سيرابيس

دي شئ يدل علي ان كان زمان فية حب لكن دلوقتي هجس شايفن قلب اد اية

دة راس اسد وتاج عمود ايونيدي ممر دهاليز للمكتبة الصغري
دي الارفف اللي كانو بيحطو فيها الكتب
وهي كانت عبارة عن لفائف بردي

دة طبعا عمود السواري

AMANYدة بردة عمود السواري وادمة كمية ابو الهول كتيرواللي في الصورة دي صحبتي اماني

قولتلها ابعدي علشان اصور ابو الهول للبوست قالتلي لا صوريني قولتلها

هطلعك في البوست قالتلي يلا اهية شهرة قولت اسيطها شوية

ELMon EL Bos وهي صحبت بوست المون البوص

كدا كفاية هو فية كتير بس عارفة هتضربوني من كتر الصور بس كان يوم شاق ومتعب جداااااا كنت مروحة كلي تراب
وجيت نمت محستش مش متخيلة اني هشتغل في الحاجات دي اازاي

thanx to @lllllllll

بسم الله الرحمن الرحيم

اليكم النباء التالي

...

الحمدلله تم بحمدلله

وانتهت الامتحانات

علي خير

بفضل الله

ثم

دعواتكم

طبعا انا لو قعدت اكتب من هنا لبكرة مش هعرف

اوفي حق كل اصدقائي

اللي بجد كانو معايا

ودعولي من قلبهم

ان كان للامتحانات او للتعب

جزاكم الله كل خير ويارب ييسرلكم كل عسير ويحققلكم كل اللي تتمنوة مادام فية خير لكم

وكمان كل اللي قالولي كل سنة وانت طيبة

والله اسعدتني جدا

مش قادرة اوصفلكم اد اية عيد ميلادي دة ااوحش عيد ميلالاد عدي عليا

بس الحاجة الحلوة اللي فيةانتو

بجد الكومنتات كانت الحاجة الوحيدة اللي اسعدتني

في اليوم دة

وحسيت بجد يعني اية قيمة الاصدقاء وانها ممكن تخرج الواحد من اللي هو فية

بالنسبةة للتعب اللي عندي انا نفسي تدعولي اعرف انا عندي اية

لاني كل ما اروح لدكتور مش عارف انا عندي اية

ويقوليلي مفيش حل غير المسكنات

انازعلانة

انا اكتر حاجة بكرها في حياتي المسكنات

استفدت اية مهو انا عايزة علاج علشان اخف مش مسكن

ولا انا غلطانة

انا كنت هحكلكم اللي حصلي في دوامة التعب دي بس مردتش اعكنن عليكم

ولا افضل افكر نفسي

بس فية حاجة حصلت جامدة

مامامش مقتنعة اني تعبانة وبتقول انت بتدلعي او نفسيا مضايقة علشان كدا تعبانة

فا لما الدكتراقالوانت كويسة ومعندكيش حاجة

قالتلي مش قولتلك انك سليمة

الناس كلها وهمتني اني كويسة وانا الوحيدة اللي تعبانة

قولتلها انا بقولك اانا تعبانة مصدقة الدكتور ومكدابني قالتلي هو الدكتور هيكدب

فكرتني بقي بالنكتة بتاعت

الراجل اللي ابنة تعب راح وداه للدكتور

قام الدكتور قالة ابنك مات

قام الواد قالة لا انا عايش يابابا ممتش

قالة اسكت انت هتعرف اكتر من الدكتور

بجد مش عارفة اقول اية

غير

الحمدلله علي كل شئ

انا كنت بحسب الطب تقدم في مصر

بس الظاهر العكس

حتي كمان طريقة تعامل الدكتر

وحشة جدا عايز ينجز علشان الزحمة اللي عندة

......................................

المهم نسبنا من التعب والارف

ونرجع للحاجات الحلوة

انا قولت اقل حاجة اقدمها اني اشكر كل حد باسمة

1المدون محمود ايمري
Emre Belözoğlu

2
Ahmed Al-Sabbagh

3

dr.Roufy

4بيبو اخت احمد.. تنفيس

5klmat

6
abo salah

7ابن اسكندرية

8
yasmine

9
doha

10
كفراوى

11
آلام وآمال

12
Meekness !!!

13
ولــــــــــو

14

نرمين صحبتي الانتيخ

ودي ماكنش في كومنتس بس

كان شخصي

وطبعا كل اللي دخل ودعالي حتي من غير ما يعلق بشكره جدا

وكمان كل اللي هيدخلو بشكرهم جداااااا

ويارب ماكنش نسيت حد

ورغم ان في ناس كانت اول مرة اعرفها من البوستين دول بس انا سعيدة جدا بمعرفتهم وصداقتهم

مرسية مرسية

بكووووو

:)

سلامممممم

HaPpy bitrh D@y

بسم الله الرحمن الرحيم

سلام عليكم

شكرا جداا لكل اصدقائي المدونين

اللي دخلو وعلقو ودعولي من قلبهم بجد

شكراا جدا والله انا مبسوطة موت

انا والله مش عارفة لسة انا تبعانة عندي اية لاني لسه هروح للدكتور كمان يومين ولما اعرف هدخل اقولكم

انا بس جاية اقولكم

اتفضلو معايا تورتة

علشان عيد ميلادي انهاردة

27/11

وبقي عندي 20سنة محدش ادي قفلتهم باعجوبة

يلا كل سنة واانا طيبة وانتو طيبين

وبتمني ربنا يحققلي كل امنياتي

وانكم تدعولي انها تتحق بسرعة

جزاكم الله كل خير

ياحلي اصدقاء في الدنيا

يلا كلو التورتة بقي معايا اللي انا مش هعرف اكلها علشان عندي امتحان بكرة

وجبتلكم واحدة كبيرة علشان تكفي كلة اصدقائي

مرسي ليكم ولكل اللي سئل عني ونفسي اكتب والله اسم اسم بس هقوم علشان اكمل مذاكرة بقي

انا عرفت افتح خطف بالعافية

كلوها كلها بقي

اتفضلو اتفضلو

يلا

سلاممممم

منوعات

بسم الله الرحمن الرحيم

تحديث بسيط

سلام عليكم بعتذر عن غيابي مقدما

وذالك بسبب اشياء كثيرة سوف تمنعني من تواجدي لمدةالله اعلم مداها

ومن ضمن الاسباب حالتي الصحية ادعو لي بالشفاء يااصدقائي

الي جانب اامتحانات مش جاية في وقتها خالص

ربنا يستر ويعدي الايام دي علي خير

20/11/2007

مني

سلام

......................

اولا

كان عندي صور عايزة اعرضها

عن ارم

التي ذكر اسمها في القران

عن عاد والنبي هود

ارم ذات العماد التي لم يخلق مثلها في البلاد

الصور كانت عندي من فترة وقولت يلا بالمرة اعرضها تتفرجو عليها لو مشفتوهاش

...............................................

تاني حاجة بقي

سمعت ان مش هيبقي فية ابو الهول

وانة مخوخ من الداخل

بسبب المياة الجوفية

واللي حدد المدةقال شهرين

واحد تاني اتصل قالة لالا مش لدرجة شهرين اكتر شوية

وكلهم بيشتغلو في المجلس الاعلي للاثار

وات ايفر المدة بس اية دة معقول الاهرامات بدون ابا الهول

وكمان لسؤ الحظ ابو الهول منحوت من حجر جيري ردئ وسهل الانهيار

ايام ماكان في ابو الهول

حسبي الله ونعم الوكيل فيك يا زاهي بعد ما هينهار !!!!!!!!!1

***********************************

تالت حاجة بقي

طبعا بمناسبة الهزيمة بتاعت الاهلي

احب احكلكم علي اللي حصل عندي في العيلة بما انها زمالكاويةةةةةةةة

ومتعصبين موت زي ماانتو عارفين من البوست اللي فات

خالي جة من امريكا ودة اكتر واحد متعصب فيهم

جة يقعد اسبوع كدا ولا حاجة وسافر تاني

قعد يوم الماتش يدعي انة يخسرويقول يارب متكسفنيش وبما انة حاج فا ربنا استجاب

قعد يغني لما خلص الماتش

صلاة النبي امدح النبي ملحه في عينك يالي ما تصللللللللللللي

طبعا كلهم بيغنو معاها

وتصقيف وتهيس في العيلة زي ما يكون اتخطبت ولا حاجة

وطبعا ماما انتهزت الفرصة وغظها مني المكنون

قامت قالتلة وجية البت دي جاسوسة وبتشجع الاهلييييييي

قالي لية بس انا كنت بحبك

خالي:وزعل مني وقالي مش هكلمك الا لما ترجعي لعقلك وترجعي لدينك

انا:قولتلةهو انا استنصرت عادي اختار النادي اللي يعجبني

الله

طبعا الحالة دي مش عند علتي بس ولا الزمالكاوية بس لا دة الاسمعالوية وبورسيعدية

والشعب المصري بانواعة شمتان فينا

علي الاقل دخلنا بطولة

هما عملو ايةةةةةةةةةةةةةةة

مستنيلنا علي غلطة وكننا مش مصرين زي بعض

واللي كسبتنا تونس

برشابرشا ياتونس بكره

هتخسري من اول مبارة ان شاء الله

مع ان دول اكتر ناس تفرح مش المصرينن

يلا الحمدلله علي كل شئ يمكن لو كانو سافرو كان توكة جرالة حاجة هناك

وعسي ان تكرهو شئ ويجعل الله فية خيرا

.......................................

رابع حاجة بقي واخر حاجة معلش استحملونيييييييييييي

كنت مسافرة مصر ياجماعة يوم الخميس

عارفين لية

كنت بوصل ابن خالتي

المطار

علشان مسافر دبي

المهم

حمادة ابن خالتي عزيز علياجدا وكنت دايما بلجا لة لما مش بعرف اعمل اي حاجة وهو فعلا اخوية الكبير

فا طبعا لحظة الوداع كانت صعبة

واحنا راكبين السوبر جيت

شغلو اغنية سلمولي علي مصر سلمولي

وبعدها علي طول

كلمة حلوة وكلمتين حلوة يابالدي

اول حب كان في بلدي مش ممكن هنساكي يابلدي هفضل دايما جنبك علي طووووووووووول

كنا بنقول ان الفراق دة مستحيللللللللل

عارفين انا كنت وقتها بعيط وكاتمة عياطي علشان هو ميعطش

وكلنا لبسنا نضارة الشمس

ولما قلعنها

بلا استثناء كلنا عنينا حمرا ومورة من العياط علي الاغنية دي

فكرت في بالي

وقولت بيحبها ومش عايز يسبها ولا يسيب اهلة ولا ناسة وصحابة

بس اكل العيش يابية

عندة26سنة

بيتشتغل من10سنين

عمل حوالي30الف

شاب عايز يتجوز ويفتح بيت ويعيش حياتة زي الشباب يجبولوة اية المبلغ العظيم دة

اوك اهلة هتساعدة

بس تعب وشقي السنين دة علي الفاضي

لية بيعملو فينا كدا

الشعب بقي حالتة ضنك قوي

خرجونا من بلدنا بمزاجنا وغصب عننا في نفس الوقت

مش عارفة اقول

غير حسبي الله ونعم الوكيل

فيك

ياللي في بالي

ويارب يعرف ولو لمرة واحدة ان كلنا مصيرنا التراب وان كل دمعة غربة وزل وفقر هيدفع تمنها غالي

وخلي وورثة من مملكتة ينفعة كلا من عليها فان

بجد

حسبي الله ونعم الوكيل

لان انا عن نفسي بكره الغربة كره العمي لاني عايشة فيها

وزهقت منها ومن السبب فيهااااااااا الله يسامحك ياللي كنت السبب

وفي الاخر بتمني انكم تدعوله ان ربنا يوفقة ويقدر يكون نفسة قبل ما ينسي يعني اية حياة اصلا

طولت عليكم معلش

بس برغي مش بحس بنفسي

يلا سلاممممممممممممممممممم

mona

يوم غريب عقبال عندكم

بسم الله الرحمن الرحيم

سلام عليكم

ورحمتة الله وبركاتة

تحديث بسيط

مدونتي الجديدة اسمها

to be h@ppy

http://monmoona.blogspot.com/

وهي ازاي نوصل للاحساس دة وهي عن طريق الاستمساك بالسنة والقران زي ما الرسول ص قال

انا نزلت فيها اول بوست ويارب كلكم تدخلو وتشاركوني بارائكم لانة هيسعدني جدااا

هتلاقوها علي ايديكم اليمين

شكرا
..........................................

يوم غريب من اوله

لاخره

ههههههههههههه

انهاردة كان عندي فرح

عقبالكم كلكم اللي لسة متجوزش

اتفقت انا وبنات خلاتي الاتنين هناء وشرين

قصدي عبير ونهال

انناهنروح عند صحبت نهال لانها ساكنة فوق الكوافير

وهنلبس من عندها وننزل نلف الطرحة بعدها

وفعلا

رحنا لجهيزا صحبت نهال

وطلعنا البيت وبعدها قصيت شعري

تغير بقي اتخنقت منة

وانا بقص قولت اليوم باين من اوله

بكلم الكوافيرة في امانت الله لاقتها شالتلي الاوصة

بتاعتي

بتتكتب كدا صح ولا اية

:)

المهم قالتلي دي الموضة

قولتلها موضة اية حضرتك انا مش بحب امشي علي الموضه

انا اتفقت معاكي علي كدا

قالتلي لا بس انا كنت نفسي اعمل التصريحة دي ليا بس جوزي مش عايز

علي راي هنيدي كنت عايزة اقولها ياصلاة الزين ياصلاةالزين

قولتلها انا ذنبي اية

يلا اليوم باين من اولة

المهم

طلعنا

وهي ساكنة في الدور العشرين

فا وصلنا لل19

وجاين نطلع دور علي رجلينا انا ونهال

لاقينا اذ بة

قطة سيامي

عمالة تبصلنا وتبرق وتنونو وعنيها بتلمع والمكان كبيرررررررر

ومفيش غير انا ونهال

فيلم رعب

من الاخر

ولاقينا القطة بتبرق لنا قومنا مصوتين

وبعدين مرة واحدة

فتح راجل ساكن في الدور دة

بيقول وات هابن

قامت نهال: بنت خالتي قالتلة القطة واقفة ومش عارفين نهشها وخايفين منها

وطبعا انا :كاشة ولازقة في نهال

لازقة سودة

قام الراجل ياخوانا عارفين عمل اية

قالنا: كمان كمان

come on

طبعا انا وهي برقنا

والراجل عايز يدخلنا

عندة

لاقينا نفسنا زي الجزم

رايحين عند القطة

قولت :لنهال

القطة ياختي احسن لدرجة اني كنت هاخد القطة بالحضن من خوفنا من الراجل الاجنبي دة

قال كمان قال

واترية طلع امريكاني

وقالنا: يو سبيك انجليش

قامت نهال الفالحة قالتلة:

ابون ذا دور وهي تقصد تقولة كلوز ذا دور بس من التوتر مش مجمعة

قومت قولتلها :ابون اية يا ماما هو الراجل محتاج وصاية

قولتلة: كلوز ياعم مش ناقصينك الساعادي

اتصلنا بجهيزا

نزلت هشتلنا القطة

وبعدها غيرناهدمونا

عملنا ميك اب ولبسنا ونزلنا تاني للكوافيرة

يلا ياستي لفلنا الطرحة متاخرين

امهاتنا التلاتة شغالين علي الموبيلات رن لغاية ما موبيلي فصل

وماما مش بتصدق انة بيفصل وبتقولي انت بتقفلي في وشي هي حصلت

وكلام كتير ملهوش لزمة

المهم خلصتنا

ورحنا الفرح بعد ما العروسة لبست الشبكة وكدا

زعلت قوي اننا رحنا متاخر بعد الشبكة بحب اشوف العروسة وهي بتلبس الدبلة واسمع يادبلة الخطوبة عقبلنا كلنا

وعنيا دمع كدا من الرهبة

وبتخيل نفسي بقي مكان العروسة هبقي عاملة ازاي

حاجة تكسف قوي

ربنا يرزق كل البنات يارب الناس الصالحة

يلا المهم

قعدنا من اول الفرح لاخرة في امانت الله

معلش بس اخرة لا

عارفين لية

؟؟؟؟؟؟؟؟؟؟؟؟؟

حصل تاتش في الفرح بسيط وهو اللي خلاني اجي احكلكم الكلام دة

جابو في اخر الفرح

واحد بيغني كدا

ومعاه فرقة

لاتصر عدو ولا حبيب

رجالة المفروض يعني

عمالين يرقصو ويتهزو وحاجة تقرف

ويجي عند كل مكان ويرقصو بيقلدو سعد الصغير كدا والظاهرة اللي عملها دي بتاعت الهستريا في الرقص

المهم من اول ما دخل

وكل الناس مش مطمنة لة

ولا مطمنة للفرقة

وفعلا انا قلبي كان مقبوض

ههههههه

الراجل ياجماعة من اول ما دخل

عمال يغني اغاني للاهلي

تقولش جاي فرح ابو تريكة الله يمسية بالخير بموت فية والله

وكل اللي في الفرح بلا استثناء

زمالكاوية من اول العريس والعروسة

لغاية الاطفال الصغيرة وقليل قوي اللي اهلاوية

وطبعاانا من ضمن الاهلاوية

بس اتخنقت منهم بصراحة

ان جاي فرح مالنا بقي ومال الاهلي والزمالك

طبعا كل الناس زمالكاوية الا علتي

هتفتكرو علتي اهلاوية

لالالالالالالا

علتي زمالكاوية متعصبين حتي النخاع

بس انا مختلفة مع العيلة وهما اتبرو مني علشان اهلاوية بس كلة بسبب توكة

وطبعا مش طايقين الراجل

فا قام قال في حد ازمالكاوي هنا

طبعا علتي قامت قالت اةةةةةةةةةةةةةة

الراجل حطهم في دماغة

كل شوية يبص لهم ويقول

الزمالك في كل حتة عمال يشيل اجوال

واتشترو علي المصري

والسودان

طبعا هما ازدادو غيظ

علي غيظهم

وقعد يقول اهلاي يااهلاي

وبعدين قال ياجماعة علشان محدش يزعل من الزمالكاوية

قام قال زمالك واللي معاها يردو يقولو يعععععععععععععع

طبعا

مامتي

الجلالة خدتها

وكان كل شوية يبص لخالي ويطلع لسانةويعمل حركات الغيظ وطبعا مامي بتحب اخوها جدا فا اتحمقت

فا اتنرفزت

فا قامت

قالتلة

اية ياعم انت مالك ومال الزمالك

قام قال

علشان خاطر الحاجة دي

زمالك وهما يقولو يعععععععععع

قامت مرات خالي

بقي

جت جبتة من قفاه

وقالتلة انت عايز تبوظ الفرح

يااااااااا,............شتيمة كدا وحشة يعني

ماعلينا

قام طبعا الواد قال هطحننننننننن

ومغني سلامو عليكو ومشي

والفرح اتقلب خناقة

انتو متعصبين كدا لية

واهل العريس ازاي يعني تقولو كدا مع انهم زمالكاوية بس طبعا حركة وحشة

وانا ذات نفسي

اضايقت من ماما

بس هي بتحلف

انها قالتلة بهزار

كدا كفاية بقي

لكن مرات خالي

قلبت الفرح

واتنرفزت وكانت هصية

طبعا انا علي الحياد

ولا زعلانة من الراجل

ولا مبسوطة منة

اول مرة اشوف فرح كل الاغاني فية عن الاهلي والفرح زمالكاوي

والراجل فاكر الناس اهلاوية وبيتكلم بضمير وبين كل اغنية واغنية

:d

يقول اهلاي اهلاي

ههههههههه

ظبطهم واتظبط في الاخر

حبيت احكي اللي حصل انهاردة

وكمان اللي جة ومقراش البوست اللي قبل دة علي طول يقراه بوست جامد ويارب يعجبة

ولبوست بتاع القران لسة بظبطة

عقبال عندكم من غير الاهلي طبعا

سلاممممممممممممممممممممم

رحلةالخلود

بسم الله الرحمن الرحيم
اللهم صلي علي شفيع المسلمين ص

السلام عليكم جميعا ورحمتة الله وبركاتة
وكل عام وانت بخير وبصحة وبسلامة
وعيد سعيد عليكم
وندخل في الموضوع
برنامج رحلة الخلود
قبل ما بنطلع اي رحلة بنعرف البروجرم بتاعها تيجي نعرف برنامج
رحلة الخلود
بصو ياجماعة
انا هكتب العناوين والديتيلزمفصلة بعدها اللي عايز يقرا التفصيل يتفضل
اللي هيكتفي بالعناوين نظرا للاطالة بردة يتفضل انا حبيت اكتب انهاردة علشان لسة خارجين من رمضان فا نعرف مصيرنا ونحدد علي اساسة احنا مين فيهم
اعذروني في الاطالة
. . .
ياايها الذين امنو اتقوالله ولتنظر نفس ماقدمت لغد
الطريق الي الجنة او النار
1_القبر 2_النفخ في الصور 3_البعث 4_الحشر 5_الشفاعة 6_الحساب 7_تطايرالصحف 8_الميزان 9_الحوض 10_امتحان المؤمنين 11_الصراط 12_النار 13_القنطرة 14_الجنة
بالترتيب
القبر1 _

اول منازل الاخرة
حفرة نار للكافرين والمنافقين
وروضة جنةللمؤمنين
مين اللي هيعذب في القبر ؟
هم عدم التطهر من البول والنميمة والغلول من المغنم والكذب والنوم عن الصلاة وهجرالقران والزناواللواط والربا وعدم رد الدين وغيرها
مين اللي هينجي من العذاب في القبر؟
هم العمل الصالح الخالص لوجةالله,التعوذ من عذابة,قراءة سورة الملك
مين اللي هيعصم من العذاب اساسا؟
الشهيد و المرابط والميت في يوم الجمعة والمبطون من مات بمرض شديد
..
ثم ياتي
2_النفخ في الصور
هوقرن عظيم التقمة اسرافيل ينتظر متي يؤمربنفخة
الفزع (ونفخ في الصور ففزع من في السماوات ومن في الارض الا من شاء الله)
فيخرب الكون كلة وبعد اربعين ينفخ نفخة
البعث(ثم نفخ فية اخري فاذا هم قيام ينظرون
....
3_البعث
ثم يرسل الله مطرفتنبت الاجساد وتكون خلقا جديد لايموت
حفاةعراة يرون الملائكة والجن ونبعث علي اعمالنا
...
4_الحشر
يجمع الله الخلائق للحساب فزعين كالسكاري من يوم عظيم
في ارض المحشر وكان الدنيا ساعة
قتنزل الشمس علي قدر ميل ويغرق الناس بعرقهم قدر اعمالهم ويتخاصم الضعفاء والمتكبرون ويخاصم الكافرقرينة وشيطانة واعضاءةويلعن بعضهم بعضا ويعض الظالم علي يدي
ويجرو ب70الف زمام .يجركل زمام ب70الف ملك
فاذا رائها الكافر قال ياليتني كنت ترابا
اما العصاة
هم مانع الزكاة وتصفح اموالة نارا يكوي بها
والمتكبرون يحشرون كالنمل
ويفضح الغادر والغال والغاصب وياتي السارق بما سرق وتظهر الخفايا
ا اما الاتقياء
فلايفزعهم بل يمر كصلاة الظهر.اللهم اجعلنا منهم يارب
......
5_الشفاعة
ياحبيبي يارسول الله
ص
وهي عظمي
خاصة وعامة
خاصة بنبينا ص للخلق يوم المحشر لرفع بلائهم ولمحاسبتهم
وعامة للنبي وغيرة كاخراج المؤمنين من النار ورفعة درجاتهم
........
6_الحساب
يعرض الناس صفوفا علي ربنا فيريهم اعمالهم ويسألهم عنها وعن العمر والشباب والمال والعلم والعهد والنعيم والسمع والبصر والفؤاد
فالكافر والمنافق
يحاسبون امام الخلائق لتوبيخهم واقامة الحجة عليهم ويشهد عليهم الناس والارض والايام والليالي والمال والملاائكة والاعضاء حتي تثبت ويقرو بها
والمؤمن
يخلو بة الله فيقررة بذنوبة يعني ياخدنا في ظلة ويكلمنا لوحدنا يسترعلينا ياجماعة حتي اذا رانا هلكنا فيقول لنا سترتها عليك في الدنيا وانا غفرهالك ليوم
واول من يحاسب امة محمد واول الاعمال حسابا الصلاة والقتل
....
7_تطاير الصحف
ثم تتطاير الصحف فيأخذون كتابا لايغادر صغيرة ولا كبيرة الا احصاها
المؤمن
اجعلنا منهم بيمينة
الكافر والمنافق
بشمالة او من وراء ظهرة
......
8_الميزان
ثم توزن اعمال الخلق ليجازيهم عليها بميزان حقيقي دقيق لة كفتان ثقلة الاعمال الخالصة لله
اية الاعمال اللي بتثقل الميزان
كلمة الااله الا الله
حسن الخلق
الذكر كالحمدلله وسبحان الله وبحمدة سبحان الله العظيم
.....
9_الحوض
ثم يرد المؤمنون الحوض من شرب منة لايظمأبعدها ابدا ولكل نبي حوض
اعظمها لسيد الخلق محمد رسول الله ص
ماؤةابيض كاللبن واحلي من العسل واطيب من المسك وانيتة من دهب وفضة وعددها كعدد النجوم طول الحوض مسافة من ايلة بالاردن اللي عدن وماؤة ياتي من نهر الكوثر
...
10_امتحان الؤمنين
في اخر يوم من الحشر يتبع الكفار الهتهم التي عبدوها
لان طبعا كل شئ عبد فا النار اوللي بة الا سيدنا وعيسي وامة مريم ولكن لو كانو موافقين علي عبداتهم لذهبو اللي النار
فتوصلهم اللي النار جماعات كقطعان الماشية علي ارجلهم او علي وجوههم ولايبقي الا المؤمنون والمنافقون فيأتيهم الله فيقول ماتنتظرون فيقولون نتظر ربنا فيعرفونة بساقة اذا كشفها فيخرون سجدا الا المنافقين
قال تعالي
يوم يكشف عن ساق ويدعون الي السجود فلا يستطيعون
ثم يتبعونة فينصب الصراط ويعطيهم الله النور ويطفا نور المنافقين
....
11_الصراط
جسر ممدود علي جهنم ليعبر المؤمن عليهة الي الجنة
وصفة الرسول ص
بانة مدحضة مزلة علية خطاطيف وكلاليب كشوك السعدان ادق من الشعرة واحد من السيف وعندة يعطي المؤمن النور علي قدر اعمالة
فا من عملة كالجبال فيضئ لهم فيعبرونة بقدر اعمالهم
يعني نتخيل
كل واحد معاه نور علي اد عملة لو عملنا الحلو كتير هيبقي النور كتير فا نشوف احنا بنعدي علي اية لكن لو قليل مش هنشوف طبعا
فيمرالمؤمنون كطرف العين والبرق والريح والطير وجاود الخيل والركاب كلا حسب نورة فناج مسلم ومخدوش مرسل ومكدوس في جهنم
اما المنافقون
بقي فلا نور لهم يرجعون ثم يضرب بنيهم وبين المؤمنين بسور اصلهم هيجو علي الصراط يقولنا دعونا نعبر معكم في نوركم الم نكن معكم هنقولهم اة بس كنتو مش بتعبدو ربنا وربنا شاهد اللي في قلبوكم لانهم واهمنا لكن مش هيقدرو يوهمو الله ثم يبغون جواز الصراط فيتساقطون في النار
...
12_النار
اعوذ بالله منها اللهم اجرني من النار واجر كل من يقراء وكل المسلمين اجمعين امين
يدخلها الكفار ثم بعض العصاة من المؤمنين ثم المنافقون
من كل1000يدخلها999
لها 7ابواب
لذالك نقول بعد كل صلاة
اللهم اجرني من النار7مرات
اشد من نار الدنيا 70مرة يقوي الله خلق الكفارليذوقو العذاب فيكون مابين منكبية ميسرة تلات ايام وضرسة كجبل احد ويغلظ جلدة ويبدل ليذوق العذاب شرابهم الماء الحار يقطع الامعاء اكلهم من الزقوم والغسلين والصديد اهونهم من توضع اسفل قدمية جمرتان يغلي منها دماغة فيا انضاج الجلود والصعر واللفح والسحب والسلاسل والاغلال قعرها بعيد لو القي فية مولود لبلغ70 عاما عند وصولة
اللهم احفظنا
وقودها الكفار والحجارة هؤاؤها سموم وظلها يحموم ولباسها نار تاكل كل شئ فلا تبقي ولا تذر وتحرق وتصل العظام والافئدة
......
13
_القنطرة
قال رسول الله ص
يخلص المؤمنون من النار فيحبسون علي القنطرة بين الجنة والنار فيقتص لبعضهم من بعض مظالم كانت بينهم في الدنيا
(يعني لو حد مزعل حد يصالحة في الدنيا احسنلة )
حتي اذا عفوهذبو ونقو اذن لهم في دخول الجنة فوالذي نفس محمد بيدة لاحدهم اهدي بمنزلة في الجنة منة بمنزلة كان في الدنيا
......
طن طن طن طااااااااااااااااااااااااا
14_الجنة
مأوي المؤمنين
اللهم ادخلنا الجنة يارب امين
بناؤها فضةوذهب وملاطها مسك وحصباؤهالؤلؤ وياقوت وترابها زعفران
لها 8ابواب لذالك نقول بعد كل صلاة اللهم ادخلني الجنة 8مرات
متنسوشششششش
عرض احدها مسيرة تلات ايام ولكنة يغص بالزحام فيها100درجة
مابين الدرجتين كما بين السماء والارض
الفردوس اعلاها ومنة تتفجر انهارها
وسقفة عرش الرحمن
انهارها عسل ولبن وخمروماء تجري دون اخدود يجريها المؤمن كما يشاء يمين يمين شمال شمال
براحتنا
اكلها دان دائم مذلل
يعني وانت قاعد ممكن تقطف وتاكل مش لسة هتتشعلق وكدا
بها خيمةلؤلؤ مجوفة عرضها ستون ميلا لة في كل زاوية اهل جرد مرد كحل
يعني متكحلين
لاينفي شبابهم ولا ثيابهم
كلنا سن واحد وكلنا شباب
لابول ولا غائط ولا قذارة امشاطهم ذهب ورشحهم مسك
يعني العرق بتاعنا مسك الله الله
نساؤها حسان ابكار عرب اتراب
يعني كلنا شبة بعض في الطول والرفع وكلة علشان محدش يبص لحدبس
اول من يدخلها طبعا محمد صلي الله علية وسلام افضل صلاة وسلام
والانبياء
خدمها ولدان مخلدون كالؤلؤ منثور
ومن اعظم نعيمها طبعا طبعا طبعا
وفي وجه نظري يعني انا عايزة ادخل الجنة علشان دة
رؤية الله
ورضوانة والخلود
يارب اكون وصلت المعلومة جيدا ورحلة موفقة ومصيرها الجنة والفردوس الاعل
بصراحة انا لسة عارفة الترتيب دة انهاردة في مجلس علم وقولت اقولكم طبعا اللي يعرف فادي تذكرة واللي اول مرة فا الحمدلله انة عرف
ويارب يجعلة في ميزان حسنتنا ونحاول نخلي السنة كلها زي رمضان
القران مش في رمضان بس
وبصراحة البوست اللي جاي ان شاء الله عن القران وافكار جديدة وكلام جامد يارب يوفقني فية
اعذروني تاني في الاطالة ولكن محبتش اسيب كلمة واللي هيقولي قدرتي تكبتي كل دة ازاي هقولكم اني طلبت من اربنا ان يعنيني والله بكتب وانا بنام علي نفسي ومش قادرة افتح عنيا
وطبعا اي كلمة صعبة اسئلوني عنها في الكومنت
وانا هرد عليها وان شاء الله ندخل الجنة جميعا وجماعة
يارب يعجبكم
سلامممممممممم
الحمدلله

تاج خصوصي

بسم الله الرحمن الرحيم

جالي تاج من ابوصلاح
وطبعا علي عيني وعلي راسي التاج

بس نسيت تبعتلي فية العصير ولا طبق كنافة يعني اضايقت من الدكتورة روفي علشان مبعتتش تقوم تعمل زيها ماشي المهم هجاوب علي الاسئلة وربنا يعيني

تاج كورنثي كمان

لو قالولك اختاري عصر من عصور مصرعلشان تعيشي فيه تختار اى عصر و فى عهد اى حاكم .. واشمعنى؟
انا بصراحة كان نفسي في عصور كتير مثلا كنت نفسي في عصرالاسلام والعمارة الاسلامي وكدا وايام قطز وجهاد وسلامة بس بصراحة انا كنت نفسي اعيش في عصر الرسول علية الصلاة والسلام وفي بلدة مش في مصر وكنت نفسي اعيش كل الاحداث اللي عاشها اشوفة اكلمة اشوف زوجاتة واساعد في الجهاد نفسي اجاهد في سبيل الله بحق الله بس اشمعني ؟علشان انا بحبة قوي وبتمني اشوفة في الجنة لان احسن الخلق واحسن الخلق مع ضمة الخاء

اول اولويه فى حياتك عيلتك ولا شغلك ولا اصحابك؟
انا لسة مشتغلتش علشان طالبة بس انا علتي وصحابي متساوين يعني من الاخر اللي بحبهم في الاتنين هما اللي في اولاوياتي واكيد لو اشتغلت وبحب شغلي هينضم ليهم بس لو اتجوزت بقي ولا اعرف حد منهم :(جوزي ولالادي ان شاء الله طبعا هيبقو اولاوياتي كلها ههههه

ايه اكتر حاجه بتحبيها فى رمضان؟
الجو بيبقي رحتة احلي السما بتقي احلي الناس بتبقي احسن والصلاة بتزيد القران قراتة بتزيد او تقريبا بتكون لان الناس طول السنة للاسف هملينة التجمع علي حاجة واحدة يارب المسلمين يتجمعو علي الدين والجهاد قالو لو صلاة الفجر بقت زي صلاة الجمعة المسلمين هيبقو اقوياء فابجد الاتحاد مش مجرد شعار قوة الاتحاد احسن قوةةةةةةةة لينالاغالب لنا والله بس الناس مش حاسة وخايفة علي روحهايلا ربنا يعناويارب يجمعنا ويبلغنا شهادة في سبيلة اوصفي ليا اجمل فطار ممكن تفطره؟
مممممممم والله انا حصل وفطرت مرة في دار مسنين وكان لية طعم غير شكل لان الفطار مش بطعمة بس بلمتة وناس صالحة وعقل خالي ومبسوط من رضا ربنا علية ولو اني لما ماما بتعمل لنا حمام محشي ببقي مش شايفة ادامي لاني بموت فية بس خليها في سركم:(
لو انت حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟
واذا حكمتم بين الناس ان تحكمو بالعدل والله انا طبعي ويمكن ساعات بيقي عيب فيا اني صريحة وواضحة ومش بحب الظلم وبحب العدل اني حتي لو حد من اهلي وهو اللي هحكم علية مش ههتم الا بحاجة واحدة مين اللي غلطان
علشان بقي اتاكد اني حكمت بالعدل هسئل اللي ظالم هل انت شايف اني اتجنيت عليك وان انت صح وانا حكمت غلط واحاول اقنعة انة فعلا غلط وهسئل المظلوم حاسس انك اخدت حقك من حكمي ولا حاسس اني اتحيزت للتاني ولو الاتنين مقتنعين والاتنين ردو بصراحة هبقي حكمت بالعدل لو مردوش بصراحة يبقي ربنا شاهد اني حكمت بالعدل وميفرقش معايا بقي اي حاجة تانية

اللى بيبوظ الحكام .. نفسهم؟ ولا الشعب؟ ولا الحاشيه المقربه؟
الشعب ثم الحاشية ثم الحاكم بالترتيب هذا يعني انا شايفة اننا اكتر طرف مبوظ الحكام علي راي المثل قالو لفرعون اية فرعنك قال مالقتش حد يلمني والحكام لو لاقو حد يلمهم مش هيتفرعنو لكن احنا شعب علي مر العصور في التاريخ شعب بيحب يتحكم بالشدة والسك من الاخرلكن التهاون والكلام دة والديموقراطية متنفعش معاهم لانهم اتعودو يبقي سمعناوطاعة يا سيدي بس لو في تمرد يبقي فئة معينة وبيتسكو وبيسكتو فاخلاص دة اتكتب علينا اللي جانب ان الحكام معندهمش ضميرفا مبيسدقو يعني لو عمربن الخطاب هو اللي بيحكمنا واحنا شعب مش بنيجي الا بالسك ومش عايزة اقول بالشوزيعني
هيستغل الموقف كدا ويسرق ويقتل ويبوظ فينا ولا هو من نفسة صالح فا هيصلح من نفسنا وهيخلينا نحس اننا بشرعلي حق والحاشية طالما بتسرق وبترتشي وبتنهب وعايشة في قصور يبقي عمرهم ما هيبقو عايزين عمربن الخطاب لان هيفقرهم في وجة نظرهم لو عرفو ان الغنا لله والثروة والرزق من عند ربنا هيسبوها علي الله

مين أكتر اعلامي مصري بتحترميه؟
انا بحترم عمرو خالد بس مش اعلامي كانسان عندة امل نبقي احسن وبيسعي لكدا وربنا يوفقة

قريتي ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه؟؟
لا ولا اعرفة مين الاخ دة ومال الديوان

لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟
انا لسة مشتغلتش بس انا كان نفسي اشتغل سفيرة مش في الاثار والسياحة لاني بحب اساعد المصرين اللي في الغربة وطالع عنهم وملهمش ثمن كنت نفسي اروح بلد كدا ايان كان واعملهم قيمة واعمل لبلدي سعر بس ملهمش نصيب وكنت عايزة ولازلت ابقي محافظة الاسكندرية لاني بموت فيها ونفسي اصلحها وانضفها واخليها احلي بلد جوة وبرة وشعب وبحر

ايه تانى بلد تتمنى تعيش فيها بعد مصر؟
انا حلم حياتي اروح اعيش يا في ايطاليا يا استراليا وايطاليا علشان انا دراستي كلها ايطالي ويوناني وبدرس اثارهم وتارخهم بالتفصيل الممل فا نفسي اتفرج علي الحاجات دي كلها واعمل دكتورا هناك ويبقي عندي شالية علي جزيرة فيها علي البحر ياسلامممممم
بحلم بقي انا حرة

اوصفي ليا ترتيبات اجمل فرح ممكن تحضرية؟
كاحضور الاقي الناس كلها جاية بتحب العروسة والعريس مش يفضلو يتريقو وعواجيز الفرح بقي وكدا لو فرحي انا بفضل اعمل حاجة حلوة قوي بالنسبة ليا علي الاقل اني اكتب كتابي في المسجد وخلاص كدا اولو كنت مكتوب كتابي ولسة مش هتجوز ابقي اعمل حاجة ابون اير ولو اني مش بحب الدوشة ولا وجع الدماغ والتكاليف اللي علي الفاضي ولو عملت قرد بيتكلمو عليك حلوة او وحشة بيتكلمو وتلاقي واحد يقولك اية دي العريس احلي او العروسة احلي او خسارة فيها اوالعكس وعلي اية.....

بتراعي كلام الناس والقيل والقال؟ لو اه او لو لا قول لى ليه؟
مش بيهمني الكلام ارمية تحت رجلي واقف عليةواعلي بية لكن بقول علي اي كلام اتقال في حقي وكان كدب حسبي الله لاحول ولاقوةالا بالله العلي العظيم وكان الله بالسر عليم

صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟
بصراحة انا نفسي زمن الموبيل يتمحي من الوجود علي اد ما هو مفيد علي اد ما بقي رخمممممممم بجد رنلي او كلمني شكرا اوميسد كل دي حاجات رخمة هو انا مقدرش استغني عنة بس كان نفسي كانة لم يكن اما العصر القديم والحصنة ياسلام دة انا بموت في الحصنة ونفسي يبقي عندي حصان خاص
السعاده هى؟
والله بالنسبة ليا حاجات كتيرررررررر بس اولها رضا ربنا عنا هكون سعيدة اكتر من اي شئ لان لو ربنا رضا عن حد بيخلي الانسان يرضي ويحبب الخلق فية وكمان اني اكون بالي مرتاح وربنا معايا اينما اكون وساترها عليا انا وبنات المسلمين

عندك أمل ؟؟ أسبابك ؟
عندي امل اكيد لان لو بطلنا نحلم نموت يعني لو مش هعيش علي امل هعيش لية اكيد بيجي عليا وقت وبتعب من تاخر تحقيق الامل ولكن ان الله مع الصابرين بس اذا صبرو فا احنا عايزين ربنا معانابقي

لما تحب تهرب من كل شئ بتروح فين؟
لو وقتها اقدراخرج البحر طبعا هروح علية جري لانة حمال الهموم وتقولة السر وعمرة ما يفشية ابدا ويريحك ويقولك الحياة متغيرة ومتجددة لو مش بقدر بقعد علي النت او ادخل اودتي بس استحالة يجيلي نوم لانوم مع تفكير وهروب وبقعد اكلم ربنا واشتكيلة

امتى أول مره خدتي فيها نفس طويل كده وقلت بينك وبين نفسك يااااه الظاهر انا فعلا كبرت؟
لسة قريب لما حد سئلني انت سنة كام قولت 4بس حاسة اني مش مقتنعة لسة من كام سنة كنت في الثانوية العامة السنين جريت بسرعة قوي قولت يااا انا كبرت وقربت اتخرج بس
لما بتعمل عمل خيرى بيكون ايه هو دافعك الاول؟
ابتغاء مرضاة الله سبحانة وتعالي وادخال سرور علي قلب مسلم وبور جوايا بيتحرك بحس بفرحة اني بسط حد وقالي ربنا يجزايكي يابنتي خير واحس ان ربنا رضي عني كدا

بتشربي سجاير؟ لو الاجابه اه ايه شعورك لو شفتي ست بتشرب سجاير؟ وليه ؟
الحمدلله بكرها وانا اصلا عندي حساسية من الدخان في الجيوب الانفية وبتعب من رحتها ومش بحب حد يشربها لاست ولا راجل علشان مضرة جدا
بتعرف ايدك اليمين من الشمال ازاي؟
ايدي اليمين اللي بسلم بيها وبمسك بيها الموس وباكل بيها وكمان معلماها بعلامة
ايه اكتر اله موسيقيه بتحبها ؟
الجيتارووالطبلة
فى رأيك ليه الذوق والنخوه اتعدموا؟
كل حاجة انعدمت جت عليهم بس اانا شايفة انة تربية في الاساس قبل اي شئ لو ربيت ابنك او بنتك علي الزوق والنخوة هيطلع جيل كامل عندة نخوة
ايه الحاجه اللى لو حصلتلك تبقى سعيدة قوى؟؟؟
هماكذا حاجة ممكن ولالا اول حاجة اطلع حج او عمرة تاني حاجة انجح واجيب امتياز واطلع الاولي تالت حاجة اتجوز انسان صالح ويبقي عندي منة اولاد صالحة ويكون بيحبني وبحبة رابع حاجة اني اجيب عربية قبل عيد ميلادي ما يجي هبقي سعيدة قويييييييييييي لو حصلت الحاجات دي خامس حاجة الاقي رجالة بجد في بلادنا العربية وكل الناس تبقي مسلمة وننصر الاسلام

تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟
انا نفسي موت يبقي عندي ارض زراعية فيها بيت ريفي وحيوانات في الارض وزرع كتيررررررر ونخل وخضرة وهوانقي

البحر و لا النيل؟؟؟
البحر دة سحر مش بحر والنيل من غيرة مش هنعيش فا الحمدلله علي نعمة النيل بس انا بحب البحر اكتر بكتيررررر

مركب و لا طياره؟؟
طيارة لاني بحب الطيران
مجنون و لا عاقل؟؟
علي حسب الظروف ساعات ببقي عاقلة وساعات طاقةومجنونة كل واحد وحظة بس انا في الغالب هادية
تقرأ كتاب و لا تتفرج عليه فيلم؟
لو الفيلم جايب القصة صح اتفرج علية لاني مش بحب القراية قوي علي خفيف كدا

بتمرر التاج لمين؟؟؟
نرمين التايهة
gray light
heba sakr
كفراوي
واد غلبان
مواطن زهقان
غمض عنيك
يارب يبقي تاج خفيف عليكم وعلي اللي هايخدة
وشكرا سلاممممم

وكل سنة وانتو طيبين