عايش ومش عايش

بسم الله الرحمن الرحيم

عايش ومش عايش

الكلمة دي الوحيدة اللي متناقضة كل التناقص وعمرها ما تحصل لان الانسان يا عايش يا مش عايش مينفعش يبقي الاتنين

اكيد الفرق واضح بين الانسان العايش وبيشرب وبيمشي وبياكل وبينام وبين الميت اللي بيتحاسب علي اعمالة عند ربنا

في قبرة

ولكن في الحقيقة بقت عادي جدا وبقت حقيقة جدا

لامنك عايش ولا منك مش عايش

عايزة اسئل كل الناس حد حس الاحساس دة قبل كدا كل اللي يدخل يقولي

الاحساس دة بيجي من اية

ممكن تبقي حياتك طبعية جدا بتتدرس وبتصحي بدري وبترجع تنام وتاكل وتلعب وتهزر وتعمل كل حاجة طبعية

ويجي مرة واحدة

حد يلغبط حياتك كليا

ان كان الحد دة صديق او حبيب او صاحب عادي او اي حاجة

ويدخل حياتك

بتلاقي محور الاهتمام ابتدي ينساق الية

بقيت عايز اطمن علية اتعودت اشوفة كل شوية مش كل يوم اكلمة علي طول تسمعة ويسمعك

كل دة غير حياتك وخلاك تحس انك عايش علشان حد بيحبك مش عايش لنفسك والسلام

بالذات لو حبيب

وفي وقت تحس انة كل حاجة في حياتك وانك مش عايز غيرة في الدينا دي وانك من غيرة متقدرش تعيش لحظة واحد

رغم انك من غيرة كنت عايش قبل كدا وكمان بعد كدا هتعيش بس الفرق بين المرحلتين دول انك كنت بني ادم طبيعي لكن

بعدها هتبقي بني ادام غير طبيعي والسبب

تغير شامل في حياتك واحتياجاتك واسباب حبك للحياة

اذ بةفجأة اختفي من حياتك

وكانة لم يكن

لا بيسئل فيك ولا بيكلمك وكانة مات

مش هتشوفة تاني مش هتسمعة تاني مش هتحسة تاني

انتهي من الوجود

اية السبب الله اعلم

بعد ماكان كل شئ في الدنيا ليك بقي ذكري مع سراب

اية حياتك دلوقتي عايش ولا مش عايش

مبسوط انك هترجع خالي تاني ولا زعلان

هتعرف ترجع خالي تاني

قلبك اللي كان جوهرة ملمسهاش حد

هيرجع بالنقاء دة تاني

لو مع الوقت ابتديت تعيش حياتك

وتتاقلم علي الوضع

هتبقي مبسوط

طب لو يوم اشتقتلة

هتعرف تشوفة هتقدر تكلمة

او حتي هتلاقية يسمعلك زي زمان

او يشوفك

اون لاين وكانة ميعرفكش

المشكلة الاكبر

انك تقابلة صدفة

ويسلم عليك زي ما بيسلم علي البواب بتاع العمارة او علي ناس وهو بيركب الميكروباص

اللي هو السلامو عليكو

من بعيد لبعيد وكانة ماكنش يعرفك ماكنش فية بنكم كلام ولا معرفة وعشرة

اية موقفك

بعد ما ابتديت تعيش وتنسي

هتفتكر وتقول هودة اللي كان زمان......

وهتخاف من مقابلة تانية اقصد صدفة تانية

اللي بتخليك تحس اصعب واوحش احساس في الدنيا

وتحس ان كان ليا فية وبقيت ماليش

وتخاف منة وتديلة ضهرك وعنيك مدمعة انك مش قادر تبصلة وان علاقتك بية بقت كدا وقلبك بيدق

احسن يقول كلمة تجرحك فا تطب ساكت من الوجع اللي بيقطع في قلبك

ولو فكرت ازاي انا بقيت كدا هتلاقي نفسك معندكش اجابة ولو حاولت تعرف هو لية اتغير

بردة مش هتلاقي سبب غير انة خلاص زهق منك او حب يغير او اعتبرك فترة وعديت في وقت انت بتعتبرة فية كل حاجة في حياتك

اصعب احساس في وجهه نظري يخلي الانسان عايش ومش عايش ولا عارف يعيش ولا قادر يموت

زي ما يكون قاعد في مكان كلة نور وفجاة ظلام كحل

هكذا تكون الحياة

بتمني من كل الناس تتعامل مع اللي ادامها علي انة انسان زيها زية

بيحس وبيحب وبيتالم ومتفكرش في نفسها قوي كدا

ولكن لاحياة لمن تنادي

واهية ماشية وبتعدي صدمة في لضمة في قضمة

ELMon EL Bos

بسم الله الرحمن الرحيم

طبعا اسم البوست غريب المون البوص

يمكن الاسم دة علشان بيتقال علي طول فا هو اللي جة في بالي

المهم

تالت حد هتكلم عنة انهاردة واوعدكم مش هتكلم علي اصدقائي تاني

علشان عارفة خنقتكم من كتر الحكايات

بس بجد

ماينفعش متكلمش عليها علشان هي فعلا عزيزة عليا موت

بس انا اللي هتكلم عنة انهاردة هو شخصيتها

اولا

اتعرفت عليها

عن طريق مروة لانها بنت خالتها

بس حصل موقف قبل ما اشوفها مع مروة

وهو

في اولي ثانوي كنا بناخد مراجعة في معهد

شوفت واحدة واتعرفت عليها

اسمك اية مني وانت اماني

مدرسة اية انا في مدرسة كذا وانت كذا

علي فكرة انا بنت خالتي معاكي في المدرسة بتاعتك

والله

اسمها اية

اسمها مروة

انا بردة صحبتي اسمها مروة مم طيب

كل دة وبنتكلم علي مروة واحدة وانا معرفش انها قصدها علي مروة

وهي بردة متعرفش

المهم قعدنا نحكي واتصاحبنا واحنا منعرفش اننا اصلا نعرف بعض لان كان كلامنا تلييفونات او مروة تحكيلي عليها

وبعدين قولت لمروة انا شوفت واحدة وهي حكت لمروة عرفنا بعض

وفي الاخر طلعنا نعرف بعض من زمان وطلعنا جيران

بيت جدها ادام بيت جدي وعممها كانو بيلعبو مع خلاني في الشارع

:(شوفو الصدف

المهم طبعا اتصاحبنا لما دخلنا الكلية وبقينا قسم واحد بس

الغريب في المون

نتفق انا وهي ومروة هنذاكر اية وبعد ما تقولنا ماشي

تروح تذاكر حاجة تانية

نقولها لية بس يامون

تقول لاقيت نفسي عايزة اذاكر دة

لا وبتزعل اننا مش ماشين مع بعض وهي السبب اصلا

المهم اننا نجحنا كلنا بس المون بتموت في الاختصار

ان كان في المذاكرة او الاجابة:)

عايزة ابقي اسيطها شوية المون رسامة تحفة هي من منازلهم بس عندها موهبة جميلة

هعرض رسومات ليها ويارب تعجبكم

من احسن الصدف (نوني)

بسم الله الرحمن الرحيم

زي ما قولت في البوست اللي فات

انتمتي التانية

اللي هحكي عنها

هي

نرمين

1. اول حاجة طريقة التعارف

انا وهي عرفنا بعض بطريقة غريبة جدا وفي توقيت غريب بردة

هي كانت بتدخل تلعب في مصراوي وانا كنت لسة بداية دخولي الجيم

المهم كنت بدخل بحروف ونيك نيمز غريبة علشان محدش يعرف اني بنت

لاني كنت بدخل العب مش اكتر

فايوم من الايام

دخلت العب مع حد انا معرفش مين ومش باين من النيك نيم ان كان بنت او ولد واللي ادامي بردة مش عارف انا بنت ولا ولد

المهم دخل حد علينا وتشر

وكان ولد بجد

قعد يقوللنا اية يارجالة مصراوي مالة مفيهوش بنات ولا اية

كل ما ادخل الاقي ولاد

المهم انا و اللي ادامي ساكتين

وعملين نفسنا ولاد

علي اساس كلام الوتشر

قعد يقولنا اقولكم الولاد بتدخل تلعب في مصراوي لية

طبعا انا ونرمين قولنا لية قالنا علشان يتعرفو علي البنات ويتسلو ويشتغلوهم وكدا

المهم انا ونرمين عاملين نفسنا ولاد وهي عارفة اني ولد وانا عارفة انها ولد

فابعدين جت نرمين قالتلي بريفيت تعرفي اللي بيتكلم قولتلها لاوانت قالتلي لا

المهم قالنا انا هطلع اشوف حد العب معاها وهاجي تاني لو مالاقتش قولنالة اوك

طلع وبعد كدا جة قال اية ياجدعان مفيش بنات خالص المهم الولد من كتر ما هو متضايق

انا كنت هتجن واضحك علية واقولة اني بنت

فا قبل ما نفقل انا ونرمين قولتلة علي فكرة انا بنت ونرمين كمان قالتلة كدا كنا بنغيظة بقي من كتر ما بيتكلم علي البنات بس

لاقيت نرمين بريفت قالتلي انت بنت قولتلها اة قولتلها وانت قالتلي اة

قعدنا بقي نقول لبعض احلفي وعلشان نتاكد وكدا المهم اتاكدنا واتصاحبنا واخدنا ميلات بعض وبقينا بنتكلم كل يوم تقريبا طول اليوم انا وهي اون وبنتكلم

وبعدين حصل اني كان عندي رحلة في مصر وشوفت نرمين انا لغاية لحظة ما شوفتها شاكة انها ولد وهي كمان لان في ناس بتشتغل بعض علي النت كتير موت يعني

المهم قولتلها الحمدلله طلعتي بنت وهي كمان ضحكت وقالتلي كنت انا كمان شاكة

نوني وقتها جابلتي بوكية ورد كان تحفة وكان لون الورد لوني المفضل الموف والبينك طبعا انا اتصدمت هشيلة فين وهتبقي حوسة

كنت محتاسة بية زي ابني الصغير المشكلة بقي انة حطني في مواقف محرجة مع صحابي والدكاترة

كل ما دكتور يشوفني ماسكة يبصلي جامد كدا وبيصل اللورد ويضحك ويدور وشة

ولاقيت الدفعة اتلمت عليا بكام دة اقولهم دة هدية يقوليلي كنت بتقابلي

اقولهم ياجماعة انا وش ذالك والله دي بنت اللي جبتهولي ومحدش مصدقني

بس نفعنا موت اتصورنا صور كتير قوي بية وكنا عملينة خلفية

ورجعت للسؤال الاكبر اهلي في البيت

مين جابلك الورد دة يامني

والله ياماما نرمين

ياشخية نرمين بردة

والله نرمين هيكون مين يعني

المهم ان كل الناس شكت فيا بس عجب ماما قوي وحطاة في اودتي لغاية دلوقتي جففت الورد ومعلقاة في اودتي وكل يوم ابصلة وافتكر الكسفة اللي كنت فيها وكاني لابسة دبلة خطوبة

جديد وعايزة اخبيها(:

علاقتنا ابتدت تتطور وبدانا نثق في بعض اكتر

وبعدها بسنة بردة رحت رحلة في مصر وشوفتها في خان الخليل وكانت نرمين اول مرة تشوفة اللي هي من مصر

وانا كنت رحتة قبل كدا ميت مرةكنت عاملة مرشدة سياحية عليها وكمان اتعرفت علي كل صحابي وعلي مروة كمان

المهم صدفة كانت حلوة والسبب في تعارفنا الولد اللي نفسة يتكلم مع البنات

اللي عايزة اعرفة دلوقتي موقف الولد دة اية بعد ما عرف انة بيتكلم مع بنات وهو مش عارف

وبعدين مش اي بنات:)

بتمني اننا نفضل اصدقاء علي طول وربنا يوفقنا احنا الاتنين يارب والناس جميعا

بس بجد مش اي بنت تثق في اللي ادمها لما يقولها انها بنت لان في ولاد بتحب تهزر وتعمل نفسها بنت علشان يتصاحبو علي البنات اللي مش بتكلم ولاد والنت سلاح ذو حدين بينفع ويضر فا كل واحدة لازم تخاف علي نفسها من الاشتغالات علي النت

والله المستعان

حكايات عن الذكريات

بسم الله الرحمن الرحيم

بكمل باقي موضوع الحب

واحكي بقي عن صداقتي من صغري لغاية دلوقتي

اول حد هحكي عنة

صدقتي الانتيم

عايزة احكي القصة من اولها جت اازاي

واد اية ممكن تفارق ناس وتسيب ناس وترجع لناس

صدقتي الانتيم اسمها مروة

بندلعها نقولها ميرو

انا ومروة صداقتنا لبعض جت بطريقة حلوة

يعني مش من النوع اللي ما محبة الا بعد عداوة

يعني انا وهي استلطفنا بعض من اول مرة

المهم القصة جت اازاي هطول عيليكم شوية بس انا عايزة احكي ذكرايات الطفولة حتي الكبر

انا اول ما دخلت الاعدادي

اتصاحبت علي واحدة اسمهاريهام

انا وهي كنا صحاب قوي وبنذاكر مع بعض وكدا

وبعدين دخلت تانية اعدادي

انا بقيت في فصل وهي في فصل تاني

قعدت مضايقة وعايزة ابقي معاها وحاجات كدا وهي كمان

حاولنا نبقي مع بعض منفعش رضيت بالامر الواقع واتفقنا هنتاقبل في البري

وحصل

انا قابلت مروة في تانية اعدادي كانت قاعدة جنبي في الديسك

المهم كانت قاعدجنبنا واحدة تانية اسمها اسراء

ماكنتش عايزنا نقعد معاها ولا احنا بس ابتدينا نتعود علي الوضع لان اللي عايز يقعد ادام لازم يستحمل تلاتة في الديسك واللي ورا يبقي اتنين او واحد

ابتدينا نتصاحب بس لاقيت نفسي بميل لمروة اكتر وتقريبا هي كمان مش هفتي

ريهام كمان اتصاحبت علي اتنين في الفصل بتاعها

وكنا بنتقابل في البريك بس كنت بضايق منها علشان مش بعرف اقعد معاها لان اللي اتصاحبت عليهم كانو بيجو وكدا

المهم حسيت ان انا وهي ابتدينا نبعد واللي اتصاحبت عليها ماكنتش زينا كانت بنت مدلعة واخدة باله من نفسها وكدا واحنا كنا محترمين وفي حالنا

فنصحتها وقولتها دي مش كويسة قالتلي لا دي كويسة قولتلها براحتك وبعدنا عن بعض زعلت موت اني خسرتها

كنت بحبها قوي وكدا بس قولت هي حرة مش هفرض نفسي علي حد

الوقت دةكنت بتقرب من مروة

وبقينا صحاب خلاص

دروس مع بعض خروج مع بعض هي بتجلي انا برحلها وكدا

متصحبتش علي اسراء زيها بس كانت صحبتنا بردة بس حسيبت مروة فيها حاجات كتير من شخصيتي وبنفهم بعض

المهم حصلت نفس الماساه اللي حصلتلي مع ريهام

لما طلعنا تالتة انا في فصل ومروة في فصل

كنت زعلانة وكل ما اتعود علي حد اسيبة

حاولت انقل لها منفعش بس كانت فية ميزة في تالتة اعدادي مفيهاش اعمال سنة فاماكناش بنروح المدرسة اساسا وبعدين كنا بناخد الدروس مع بعض

بفاكنا بنشوف بعض كل يوم وتليفونات وكدا

عديت الايام ودخلنا الثانوي

وبما اني فقرية كالعادة

مروة في فصل وانا في فصل زعلت طبعا كالعادة زعلت بس خلاص اتعودت علي كل حاجة احبها في حياتي متجليش

اتعرفت علي ناس تانية

وكانو كويسين قوي

بس طبعا علاقتي بمروة منتهتتش

بنشوف بعض في البريك كالعادة

وفجاءة

حصلت المشكلة الكبري واول نكسة في صداقتي مع مروة

اتعرفت علي واحدة وكانت بنت مش كويسة

اول ما شوفتها عرفتها من نظرة عنيها

لاني عندي الحاسة السادسة

قولتلها دي مش كويسة ومش زينا قالتلي اعمل اية انت عارفاني مش بحب اكسف حد وكدا

ومروة فعلا طيبة موت ومش بتحب تكسف حد

المهم البنت مفضلتش مستسلمة للامر اني في حيات مروة

ابتدت تفرق بنا

ابتدت تاخدها مني كليتا

ومروة بتروح

عملت فيها كل حاجة وحشة اولها الخيانة

ولازقت الخيانة فيا

قولت لابقي دي عايزلها قاعدة

كانت بتلعب في الموسيقة وانا بنت خالي بقي كانت بتغني وبتعزف وكانت كل ما ادور عليها في المدرسة الاقيها في الموسيقة كانت المطربة الاولي في المدرسة

سئلتها عليها قالتلي دة مش كويسة واكتفي بذكر الكلمة دي لان الكلام اللي اتقال مش حلو

المهم

قولت انا كنت شاكة وبعدين لمالاقيت مروة بتبعد

ابتديت ابعد مش بتقف تستناني

علي طول مع التانية اللي مش هقول اسمها

ونتقابل صدفة في البريك واسلم عليها

تسلم عليا كننا بنقضي واجب

كنت مخنوقة موت صحبتي دي ولا متهيئلي

بقيت مش بحب البت اللي فرقت ما بنا دي خالص

وحاولت علشان تكسب مروة اكتر تقربلي

بس انا ادتها الوش الخشب طالما مش ببحبك مش هنافقك واصاحبك خلاص انا اخدة موقف منك ومع السلامة مش عايزين ذنوب منك

بعد ما اتقرصت منها

عرفت اني كان معايا حق

ماكنتش بحب اضغط عليها في انها متكلمهاش علشان متقولش دي عيزاني ليها بس ومش عايزاني اتعرف علي حد غيرها

اوحتي افرض نفسي عليها باي طريقة

كان في صحابنا عارفين انا ومروة اية

قالولوي انتو مش بتكلمو بعض قولتلهم اة قالولي لازم نصالحكم

فا حاولو يصالحونا

واتصالحنا بس بعد اية بعد ما مروة للاسف اتقرصت من البت دي قرص وحش زعلت علي صدقتي موت وكنت نفسي اموتها البت دي من الغيظ

قولت خلاص حسبي الله ونعم الوكيل عرفت انها كل اللي بتعلمة في مروة بتقولها دي مني اللي بتعملة ومش هوضح هو اية لانها حاجة شخصية بمروة

المهم مروة قالتلي انا مصدقتش فيكي وكدا قولتلها الحمدلله

بس ربنا ظهر الحق لان الله يمهل ولا يهمل

دخلنا تانية ثانوي بس انا دخلت ادبي ومروة دخلت علمي

قولت مش مشكلة اهو البت دي مش هتبقي معاها لانها دخلت ادبي زي

بس لسؤ الحظ ان البت دي اخدت فلسفة وكان عدد اللي اخد فلسفة قليل فبقت في الفصل مع مروة لتاني سنة

مروة خلاص عرفتها علي حقيقتها

بس من طيبتها كل ما بتيجي تكلمهابترد عليها وبتكلمها

قولتلها البت دي تاني ارحميني بقي منها

قالتلي بتكسف وكدا قولتلة لا متتكفيش طالما هتضرك ابعدي عنها واسمعي كلامي بق

ولاول مرة مبقاش سلبية واحافظ علي صدقتنا

عديت السنة دي وجينا في تالتة مروة حولت ادبي طبعا السنين بتعدي هو مش هقعد احكي اللي حصل فيها زي الافلام

وانا حولت منازل :)

علشان كان عندي ظروف صحية وعملت عمليتنين فاخبطين في الراس توجع فا ماكنش ينفع افضل في المدرسة قعدت شهرين مش بروح دروس مابلكم المدرسة

المهم كنت باخد مع مروة الدروس كالعادة

كاان عندنا درس الاقتصاد

عمرنا ما ذكرناة

كل مرة اقول لمروة هنحل الامتحان ازاي تقولي نستعين بالمذاكرات

وفعلا ماكنش بنفتحة بس الحمدلله قبل الامتحان ذكرنا واحنا اصلا مش بنعرف نغش احسن تفهوني غلط

انا بريئة يابية

من غشنا فاليس منا المهم

جة بقي وقت التنسيق وانا كنت عايزة ادخل فنون جميلة ومروة قالتلي هدخل تربية

قولتلها انا مش بحب التربية ومش عايزة ابقي مدرسة وماليش خلق مع اني تدريسي هايل كنت فاتحة حضانة زمان لاطفال البيت:(

جة التنسيق

........

انا جالي تجارة قولت خلاص ادخل تجارة انجليش

جيت لاقتها اخدة اكتر من مجموعي نص درجة تخيلو النصيب

زعلت قولت انا مش هفضل في الكلية دي لحظة واتخنقت

سئلت مروة جالك اية كنت متوقعة طبعا تربية قالتلي اداب

قولتلها بتهرجي قالتلي والله قولتلها هجيلك وحولت فعلا علشان نبقي مع بعض وعلشان كانت تالت رغبة ليا بعد فنون وتجارةانجليش هي اداب اثار

صدمت وانا بحول

ان المحولين ملهمش الاقسام اللي فيها شروط

قولتلهم ازاي وعملت شهيدة

قولت خلاص هتكل علي الله واكتب اثار يمكن تجيلي ومروة كمان اثار

المهم كان احسن يوم اللي شوفت فية النتجية بتاع التنسيق الداخلي انا ومروة اثار مع بعض لولولولولوييييييي

طبعا كنا فرحانين بالقسم علشان الرحلات واحنا طول عمرنا قاعدين في البيت لا بنروح ولا بنيجي

فاكانت النور الللي جاي من الظلام بالنسبةلينا

وكانت الصدمة

كلية صعبة موت لغات يوناني ولاتيني ومواد فظيعة قولنا كان يوم مش طالعة شمس اللي دخلنا فية اثار

الحمدلله انا وصدقتي بنشجع بعض دايما علي المذاكرة هي تصحيني وانا اصحيها نسهر نذاكر وبننجح وبنجيب تقديرات كمان

ونجحنا السنة دي انا وهي وجبنا جيد واماني بنت خالتها معانا كمان في القسم

اتعرفنا علي بنات كتير بس كلهم صحاب مش اصدقاء

لان في فرق عندي بين الصحاب والاصدقاء

مش اي حد بحكيلة ادق تفاصيلي الا الاصدقاء الصحاب طياري كدا كل فين وفين

المهم حصل وا ن واحدة حاولت تتصاحب علي مروة زيادة وكانت في الاول كويسة وكنت بحبها وبقول عليها طيبة

وبعدين لاقنها بتقرب من مروة وعمالة تبعدنا وكننا مش موجودين

وتدخل تسلم عليها وكننا مش واقفين واما تفتكر تسلم عليا انا واماني

واتخاصمت انا ومروة بعد زمن من الاستقرار السياسي مع بعض

بسببها

بصراحة مبقتش بحبها زي الاول

اعترف

بغير علي مروة لكن مش عايزاها تبقي ليا لو حدي لا طبعا حرام لاني مش انانية بس بتغاظ لما بلاقيها بتبعد عني وبتروح لحد تاني لان هي عندها لا مبالاة شوية وبتفرسني ساعات

بس لما حد يدخل وسطنا يا يبقي كويس معانا كلنا يا اما بلاش لكن ميفرقش بنا وافرح بية دي صداقة العمر من اعدادي واحنا اهو رايحن سنة رابعة يعني ليسنس شوفو بقي كام سنة

بتمنلها الخير دايما يارب

ويارب يحققلها كل اللي بتتمناها والحلم اللي حلمتهاها يتحقق واشوفها عروسة واشيل ولادها

دايما انا وهي بنتخانق اني مش هجوز بنتها لابني وكدا وهي كمان تقولي هي بنتي تبص لابنك انت والكلام دة

بس هو كلة هزار لو ابني حب بنتها او العكس هتبقي بنتها اكتر من بنتي وهي هتكون كدا من غير حاجة الخوف اننا نعنس انا وهي ومنخلفش

امال هعمل حمي علي مين

يارب نفضل اصدقاء واخوات العمر كلة وميفرقش بنا الا الموت

انا عارفة اني حكيت كتير بس اللي بقولة ولا حاجة من حكياتي انا وهي وذكريتنا مع بعض من الطفولة حتي الكبر

بتمني لكل الاصدقاء ميخنوش بعض ويبقي الحب لوجة الله لان ما تقابل مسلمين وسلمو علي بعض الا وربنا غفر لهم ذنبوهم لغاية ما يمشو

مبالك لما تحب حد من قلبك وتتمنالة الخير زي ما بتتمني لنفسك

الصداقة حاجة جميلة ياريت اللي يلاقيها يحافظ عليها وميضيعاش لانها مش بتتعوض

ابدا

هتكلم المرة اللي جاية عن انتيم تاني في حياتي لكن بعيد عني

بس بحبها قوي وبتمنالها الخير ويارب نبقي دايما انا وهي اصدقاءمش هقول اسمها بس هخلي البوست الجاي باسمها علشان نعرف هي مين يلا سمحوني طولت عليكم بس حبيت احكي كل اللي في قلبي من غير ما خبي حاجة مضياقني

وشكر ................
سلام

الحب في وجة نظري اية

بسم الله الرحمن الرحيم

ناس كتير اتكلمت عن الحب

كل واحد اما بيتكلم بيتكلم من وجة نظرة

طبعا دي وجة نظري ومش عارفة صح ولا غلط المهم انة دة اللي فاهماه وحساه

هسئل كذا سؤال الاول

؟؟؟؟؟؟؟؟؟؟؟؟؟؟؟؟؟؟؟؟

اية هو الحب

مامعني الحب

الحب بيجمع بين كل حاجة حلوة وكل حاجة وحشة

!!!!!!!!!!!!ازاااااااااااااااااااي

يعني الحب فية فرحة وحزن وزعل اخلاص وخيانة جرح ومداوية

اي سلاح ذو حدين

في ناس بيضرها وفي ناس بينفعها

طبعا مش شرط الحب يبقي بين ولد وبنت لا الحب لكل الناس لبعضها

ممكن نحب حد ونتخدع فية!!!

اكيد يعني هي دي غريبة دة بقي الطبيعي دلوقتي

طب اية اللي بيخلينا نتخدع سؤ اختيار دة ولا سذاجة ولا اية

ممكن نبقي فعلا اختارنا غلط من الاول

وممكن نبقي متخيلين الانسان دة صح وكويس ونبقي مخدوعين فية

وممكن نبقي عارفين انة غلط بس بنضحك علي نفسنا

علشان بنحب ومش شايفين الا الحب

طب الحب بينفع ولا بيضر؟؟؟؟

في راي الحب اللي بيضر ميبقاش حب من اساسة

امال يبقي اية؟؟؟؟

اي حاجة تانية تسلية تعود ارتياح اي اسم لكن الحب بجد عمرة ما يضر بالعكس

طيب كل دة مقولناش الحب اية يعني ؟؟؟؟

الحب اولا احساس

ثانيا

احساس

ثالثا

احسسسسسسسسسسسسسسسسسااااااااااااااااااااااااااااسس

يعني مش كلام يتقال وانتهينا

لازم نبقي حاسين كل حاجة بنقولها بس بجد وقت ما بنحسها قوي مش بنقدر نقول اللي جوانا من كتر ما احنا حاسين حاجات كتير

رابعا

تنفيذذذ

يعني اية تنفيذ؟؟؟؟

يعني انفذ اني بحب

ازاي يعني؟؟؟

اشوف اية اللي ادامي بيحبة احاول اعملة حتي لو مش عاجبني احاول اخلية يعجبني واشوف اللي بيضايق ومش هعملة

!!!!طب لو مش مقتنع بالحاجات اللي بيحبها اقنع نفسي بالعافية يعني

اكيد لا بس اللي هشوفة صح ومفيدمش مضر هعملة

طب زي اية ممكن يبقي مضر؟؟

ممكن لو علاقة الحب بين بنت وولد

مثلا

الولد بيحب السجاير هشرب سجاير واجبلة سجاير علشان يحبني ويبقي حاسس اني بعملة اللي هوة عايزة

اكيد لا لان حاجة معروفة ان السجاير مضرة يبقي انا مش هضر نفسي علشان ارضية غير كدا مش هخلية يضر نفسة هو كمان واحاول اني اخلية يبعد عنها

طب لو رفض؟؟؟

هنقضل نحاول لغاية اخر دقيقة لان اللي بيحب حد بيخاف علية اكتر من نفسة لان نفسة دي هتعيش ازاي من غيرة

ولو مقدرناش بقي ندعيلة بالهداية من عند الله

ودة اضعف حاجة نقدر نقوم بيها

طيب لو بيحب حاجات مش مضرة ؟؟(رغاية قوي

يبقي اية المانع اننا نعملها لو دة هيخلي الطرف التاني مبسوط

خامسا التضحية

طب امتي نضحي علشان حد بنحبة؟؟؟

لما نلاقي الحب دة متبادل ومتساوي

محدش في الحب اناني كل واحد بيدي التاني كل حاجة عندة من غير حساب ولا اقول انا عملتلك وعملتلك ولا هو عملي

طب والكرامة والكلام دة؟؟

لازم نحافظ نحافظ علي كرمتنا

بس لو كرمتنا هتضيع الحب دة يبقي نتنازل احنا الاتنين مش طرف واحد اللي يتنازل لانها علاقة متبادلة من الالف للياء

طب هل الحب حلال ولا حرام؟؟؟؟؟؟؟؟؟؟؟

الحب حلال في وجة نظري في حالة واحدة انك بتحب انسان في الله مش بتأذية مش بتضرة مش بتتكلم علية وحش من وراة

وربنا قال وجلعنا بينكم مودة ورحمة يعني ممنعش الحب ولا حرمة

الحرام فية اننا نستغل الحب دة غلط

يعني نقول كلام قبل اوانة نعمل حاجات قبل اوانها

خروجات بقي وسهر وتليفونات وكلام حب وكل دة غلط طبعا طالما مفيش بنهم حاجة حلال وشرعي وفعلا ربنا محرمش حاجة الا لو كانت في مصلحتنا

طب نعمل اية لما غصب عننا نحب ومنقدرش نخلية حلال لان في ظروف وكدا؟؟؟؟

نصبر ونستحمل ابتغاء مرضاة الله وحده

وبجد لو ربنا رضا عليناااااا

هيخلينا نرضي بالي حصل

وهيقرب اللي بيحبو بعض دول وهيسهلهم طرقهم حتي لو كانت كل الامور معقدة

ليةةة؟؟؟

علشان احنا قاومنا نفسنا والشطيان علشان نرضي ربنا ومخلناش نفسنا هي اللي بتحكمنا وهي الهنا

فاربنا اكيد هيوقف جنبا

مش لازم تلاقيها تاني يوم اتحلت بس اكيد هيجبلك الخير وقت ما يجي اوانة

طيب الحب الكلام علية كتير وعمرة ما بيخلص نخلي الباقي وقت تاني