حاول متزعلهاش كتير
متستناش تكلمك كلمها
حاول تهتم بيها
شوف نفسها ف ايه واعملهولها
اقولك جبلها ورد
ويوم ما تشوفها ابتسم
حاول تشوف اية الحاجات اللي بتعجبها واعملها
متستناش هي اللي تبتدي دايما ابتدي انت
متخليش غرورك يصورلك انك بتنزل من كرامتك
بالعكس
اقولك حسسها دايما انها رقم واحد ف حياتك
مش شرط تقولها بس اعملها
اقولك حسسها بخوفك عليها وغيرتك
شوف اية اللي بيضايقها وبطله
اخلص ف حبك ليها
اقولك كلمها كتير ومن غير مواعيد
حسسها انها بتوحشك لو حتي ف اوقات غريبة
بص اهم حاجة انك تحسسها بقميها عندك
عارف متخافش ابدا وصارحها بحبك
خلي بالك ممكن بسرعة اي اهتمام اكتر منك يخدها
متسبلهاش فرصة تفكر ف غيرك
خليها هي كل تفكيرك
قولها اد اية هي غيرت حياتك
لو لاقتها مرة زعلانة اهتم انك تسئلها مالك
ولو لاقتها تعبانة اطمن عليك عليها وقولها سلامتك
وعدي يوم او يومين واسئلها تاني دلوقتي احسن
انت بحاجات صغيرة جدا تملك قلبها بس انت غافل
قولها بعد ما تعمل كل دة
هتستحمليني وقت الشدة وشوف الرد
قولها كل دة انا اية بالنسبة لك
قولها تقبلي تشاركيني حياتي وتكملي معايا عمري اللي جاي
وف الاخر متخليش الزعل بنكم يعدي عليه ثواني
ومتحكيش كل حاجة تحصل للناس تاني
واعمل لحياتكم خصوصية
اديها دايما مطلق الحرية
ومعاها شوية ثقة متبادلة
وانت هتكون ف جنة علي الارض
