المجنون المنتظر

عارف لما الاقيك مش هسيبك

وحتي لو رحت فين هجيبك هجيبك

متقولش واقعة وهتموت عليا


كل الحكاية ان ليا


حق عليك وحقي عندك مفيهوش كلام


ف متحاولش مرة تفكر تقولي سلام


وعشان كمان انت متعرفش انا شوفت اية


انا قبلك انت كنت فين وجيت منين


مريت بأية ف الدنيا ديه


قابلت حد ينفع حبيب لكن ولا صديق ولا قريب


وقابلت حد ينفع صديق وبس


وقابلت حد ملهوش ف الهلس ولا التنطيط بس عبيط


وقابلت واحد عاقل رزين حكيم بليغ


فظيع بجد بس ف هوايا انا ليا شرط


انة يكون شامل ملم بكل الزوايا والاركان

مش شرط متميز في كل شئ

ولا حتي يكون جرئ

هو المهم معاه الاقي كل اللي بدورعلية

يخدني جري من ايدي ويطير

لا اكيد مش زي العصافير

اقصد بسرعة ومن غير تفكير

يدخل بدبابة او حتي بهمر يدغدغ الدنيا

يبهدل الحواجز والاسوار يهد كل الاسلاك

احس فجاءة بالهواي واخد نفسي بالشفا

شهيق زفير كتير كتير

ومرة واحدة احس بالدفي

عارف احساسي وقتها مش هيتوصف وهسيبك انت تلمسة

وتعبرلي عنة باسلوبك الفظيع

الي خلاني احب من تاني الحياه واقول يارب اعيش

وعايزني اسيبك وقتها


دة بعدك وبعينك لو فكرت مرة او قولتها