في ظل احداث تونس اقول
لا تحيا مصر ولا تحيا تونس ولكن يحيا العدل يموت الظلم والظالمين
يا شعوب ياضعيفة يا مستخبية يا اللي دايما مضحية ومستغنية
يا ناس ياجبانة وعشمانة ان العدل هيجي لوحدة و خليهم ف البيوت مستغطية
بيقولو هنموت ما احنا كدا كدا بنموت حوادث وكوارث وارهاب وحاجات كتير مخفية
مش روحنا رخصية و لا لينا قيمة وسعرنا في الهدر في البلاد دية ودية اللي اسمها العربية
مش كلنا مسلمين او حتي مسحيين مش بني ادمين ياعالم معمية
يا تونس ويا اردن يا سوريا ولبنان يامغرب ياعراق ياكل دولة بتعاني وهتعاني لحد ماساد الفساد وغطي وزاد عشتنا الوردية
دورو في حلول لينا ياتسبونا نحلها بطرقتنا وتخلو الناس المكبوتة تخرج من العشش والبيوت وتعبر عن روحها الوطنية الشعبية
حلوها بقي بعقل والا هتشوفو منا كل ما لا يتوقعة حد وتونس اهية المستقوية
رجالة وستات واطفال طايحين ف الشوارع زاد بيهم الهم وفاض وبلادهم بتغرق بالايد الاستبدادية
كفاية فساد ارحلو وسبولنا البلاد وارحمو عيون ناس ما بتنام الا بالروسية
وبقول لتونس ماتو كتير في سبيل التغير و بكدة كبرت عليكم المسؤلية
