انت اية

انا ذات نفسي مش عارفة

انت اية بالنسبة ليا

انت شوية تسلية

ولا ملئ فراغ عاطفي

انت مجرد صدفة وحبة وهتختفي

انت كنت مليان حنان

ولا كنت انا بجملك علشان احس بالامان

انت تساهل تتحب وتتعاشر

ولا انا كنت بحاول اخليك في نظري ملاك

انت جواك عطف وحب ليا

ولا جواك قسوة و انانية

انت عايش لية وياتري بتحلم با اية

في حاجات كتير تصدق معرفهاش عنك

رغم كل كلمنا سوا والي كنت بحبه انا

معرفتكش خالص او محاولتش اعرفك

او يمكن انت مخلتنيش اخش جوه قلبك وانكشك

انت يمكن خايف زي ...يمكن نكون كويسين

بس مع بعض مش راكبين

هي كيميا بيقولو عليها مقعدة

صعب جدا تمزج الانسجة

الا لو فعلا تكون معطياتها منظمة

انت عارف انت سبت عندي اية

حبه فراغ وعلامات استفهام كبيرة ملغبطة

نفسي اعرف كنت بتفكر ف اية

كنت انا بالنسبة لحياتك تجربة

ولا كنت بتخاف تقول اي كلام

احسن انا اطلع زي زي غيري

وعشان كدا فضلت تختفي

ولا عشان محستش زي بالامان

علاقتنا تقدر تقسمها لقسمين متساوين

اوله اعجاب وتعلق وحب المعرفة

والتاني عبارة عن شوية حاجات متركبة و مزيفة

تعرف انت بترددك خسرت اية

لو كنت خليت حياتنا بس في الجزء الاول

كانت هتبقي بجد مختلفة ومتميزة وممتعة

بس خلاص حصلت شروخ ومدام كدا

وانت مش شايف غير كدا

انسي ف يوم ارجع انا زي ما كنت

وانت مش من اللي بيتمسكو بحاجة

مبالك وانا بالنسبة لك ولا حاجة

وعشان كدا هبعد انا