بسم الله الرحمن الرحيم
ازيكو
يلاهرغي شوية
في الاول كدا علشان عايزة اقولكم كام حاجة علي الماشي
لايأس مع الحياة ولا حياة مع اليأس ..كما قال الشاعر
لذلك عديت العدة
وقولت يابت يامونمون
الناس كلها قالتلك اتغيري مينفعش تفضلي كدا وتلاقي نفسيتك تعبانة ولا حاجة والوجع اللي عندك دة وهم
قولت يمكن
اجرب
بصراحة مخبيش عليكم قولت ابدا من الاول
وبما ان الفقري فقري من يومة
وانا من طبعي مش بحضر كل المحاضرات الاالمهم بس وكل سنة وانتو طيبين
بعتمد علي نفسي وعلي ورق المحاضرات من البت ليزا صحبتي
وبذاكر من الكتب وبعدين المواضيع ثابتة يعني ياتاريخ رومان يايونان وعمالين يعيدو ويزيدو فية بس كل سنة بتوسع اكتر
المهم قولت عيب عليا اربع سنين من عمري يعدو هوا ولا احس بيهم لازم اروح احضر كل المحاضرات زي العيال الطبعية
اتفقت انا ومروة الانتيخ بتاعي
اننا نروح وكفاية كسل بقي وكدا
فا الفقر طبعا لازم يطبع الختم التقليدي
السنين اللي فاتت كلهاااااااا كانت المحاضرات بعد الضهر
الا السنة دي ياخونا المحاضرات كلها من 8لحد4
زي مايكون القدر بينتقم مني علشان مدوامتش علي الحضور السنين اللي فاتت
وكنت بحضر اللغات(اليوناني والاتيني) واحمد غانم بس.. دكتر التاريخ اصلةكان شديد وبياخد الغياب
بقالي كام يوم بصحي زي الجزمة ...قصدي زي الشاطرة *والله ع ما اقول شهيد
واقوم والبس اول يوم رحت عند في مروة علشان قاللتي انت استحالة تصحي
قولت مفيش شئ مستحيل وجيت علي نفسي وصحيت
واستمريت من ساعتها
العيال بقي في الكلية قعدو يسلمو عليا زي مايكون راجعة من السفر
وكلة يقولي فينك يابنتي مش باينة لية واخبار جنبك اية
وانا كل ما احد يسئلني افتكر وجنبي يوجعني
هههههه بالايحاء
المهم
امبارح وانا ف الكلية ولا مش عارفة اول امبارح
كان عندي محاضرة وبعدين اعلنو ان في مظاهرات علشان فلسطين والاطفال اللي ماتت والطفل المناضل اللي عندة5سنين
فا الدكتر قالتلنا مش هتنزلو المظاهرات كلنا قولنلها لا يادوك احنا ملتزمين وبنحضر قالت طب انا هخلصكم بدري علشان انزل المظاهرات انا بقي
بعد ما خلصت المحاضرة
كان بقالي كتير ماشوفتش مروة وكنا بس بنتكلم علي النت ياتليفون
فاقعدنا بتاع اربع ساعات نرغي انا وهي ونحكي لبعض كل اللي حصل من ساعة ما سبنا بعض من اخر مادة في الامتحان لحد امبارح
بالتفصيل
فالاقينة شوية شباب ماشي بميك وقاعدين يقولوعلي فلسطين وكدا
واعلام فلسطين وصور الاطفال ملزقنها في الارض عند مبني حقوق
الواحد حس انة اة بنشاركهم والعرب اخوة والكلام والشعارات بس
وبعدين لحد امتي واية الفايدة انا صورتهم بس مش عارفة انزل الفيديو علي البوست اعمل اية ياولاد الحلال
المهم
انامش بقلل من اللي هما بيعملو
دة انا اللي اخترعت المظاهرات اصلا..بلافخر
هحكلم موقفين حصلولي وانا صغننة
واحد في تانية اعدادي والتاني في اولي ثانوي
وانا في تانية اعدادي
من 9سنين
كان الفصل بتاعي جنب بوابة المدرسة يعني ماكنتش فوق زي كل سنة
فاكان اياميها الانتخابات بتاعت الريس
ومصرة انها بتاعت الريس مش بتاعت الرئاسة
ماعلينا محدش يجرني للكلام في السياسةانا بقولكم اهو وقد ازعر ومن انظر
فقالو عايزين فصل من الفصول اللي في الدور الارضي
علشان يعملو جو وكدا قال يعني الشعب كلة معك يامبارك حتي... فصل مني
المهم ادونا اعلام مكتوب عليها نعم نعممممممم نعممممممممممممممممممممممممممممم والله نعممممممممم لمبارك
اوعي تقولو عليا عميلة ,اكل العيش يابية
طبعا انا كنت اعتبر طفلة يعني فا فرحت ياحلولي حصة الرياضة هتتلغي وكمان الدراسات لولوولولوليييي
ماكنتش عاملة بقي الواجب وقتها
طبعا اخدت الاعلام ومسكتها بكل فخر
والطائرات تحلق من اعلي
ونحن نهتف بكل ضمير ومن كل قلبنا
يس يس يامبارك
مش عارفين نعم علي اية هو تقريبا قصدهم يقولو
نعم!!!!!!!!!! يا..بمعني لما تقول لحد حاجة مش عجباة يقولك نعم لا طبعا مش موافق
ودي كانت نيتي في المظاهرة ليس الا منعا للفهم الخطأ
طبعا لفينا المينا الشرقي مشي علي الارجل لما ورمت رجلنا
بس كلة يهون فدي ان الحصة عديت ههههههه
وسمحولنا نتاخر عادي تاني يوم ما احنا ادينا الواجب الوطني علي اكمل وجة
والقناة الخامسة بتصور
حتي الطلاب شوف السياسة الراجل مش ناسي حاجة
بالروح بالدم نفديك يامبارك
اما الموقف التاني ليا بتاع المظاهرات
اما كنت في اولي ثانوي
انا اان شاء الله لو ليا عمر هبقي اكتب بوست مخصوص لاولي ثانوي
دي اجمل سنة قضتها في حياتي كاجروب صحاب لكن كادراسة كنت
مضايقة منها المواد بقت بتولد وبتزيد وتتكاثر
المهم
اياميها تقريبا
كان موضوع محمد الدرة اوحاجة كدا جامدة حصلت فا قالو تبع المسجد اللي كنت بروح اصلي فية الجمعة واحفظ فية قران وكدا هنعمل مظاهرة تنظيمية
وهنركب الترام من المسجد حتي الشاطبي
قعدت اقولهم لية اشمعني الترام يعني متعرفش السر المهم ركبناالترام
وانا شبط في الشماغة دي بتاعت فلسطين والعلم وماما كانت معايا
قامت اشترتلي علشان اسكت
وقعدنا طول الوقت في عز الشمس في الشارع نسمع في خطب ونهتف بالروح بالدم نفديكي يافلسطين مش يامدحت ههه
وبعدها تاني يوم يعني قومت العيال في الفصل وقولتللهم دي كانت مظاهرة كبيرررررررررة وكل اسكندرية كانت هناك
قومنا عملنا اعلام وتشجعت انا وفصلي المصون وباقي الفصول وهوب يلا من علي البحر لان المدرسة كانت علي البحر قعدنا ماشيننننننن ونهتف
خيبر خيبر يايهود جيش محمد سوف يعود
وبكل حماس ورغم كسوفي الشديد ودة طبع فيا الا اني وقتها نسيت كل شئ واخذتني الجلالة
ومافيا الا ان اهتف مع الاصدقاء للبلد الشقيق
عارفين اقولكم سر انا امنية حياتي من وانا طفلة اني اموت شهيدة بس وانا بدافع عن فلسطين بجد مش يقتلوني بالغلط انا عايزة اموت فيهم وهما يقتلوني في الاخر
مش بحلم باكتر من كدا
شهيدا شهيدا شهيدا
ان نصر الله قريبا ان شاء الله
سلاممممممممممممممممممممممم
