بسم الله الرحمن الرحيم
اولا عايزة اقولكم سلام
مؤقت
انا مش هقدر اكون متواجدة لفترة كدا لاتزيد عن اسبوعين تلات اسابيع
فا عندي اقتراح
انا كان في بوست كدا ولا اتنين لالا شكلهم تلاتة
كنت كتباهم لما النت كان مقطوع
ماكنتش لاقية حاجة اعملها قولت اقعد اهبل شوية
اية رايكم انشرهم الفترة بتاعت الامتحانات دي
علي اساس هبقي مشغولة وكدا ولا اسبيب دة كدا اخر بوست ولما ارجع ابقي اكتب حاجات طازة
مستنية رايكم
الامتحان اول اربعة بتاع الشفوي
وامتحانات الترم18/5
وهخلص ان شاء الله4/6
اشوفكم بعدها
دة ليسنس ياجدعان مش اي حاجة
وطبعا الاعتذار لكل البوستات اللي هتفوتني
هبقي ادخل اقراهم لما اجي بالسلامة ان شاء الله
فا طبعا لودخلت هحاول حتي ارد علي التعليقات او حتي اقراهم لو في وقت هرد والله ان شاء الله
انا علي فكرة ممكن ادخل بس انا بعمل كدا علشان احترم نفسي شوية علشان اذاكر صح بقي ومش ابقي مشغولة
واركز علشان اخلص واعوض التقدير بتاع الترم الاول
ان شاء الله فا اعذروني
في موضوعين عايزة اتكلم فيهم دلوقتي ممكن ولالا؟؟؟
قولتولي ممكن
اولا
عن الحوار اللي بقالة فترة شغال دة وعجبني جدا
الزراعة في السودان
االفدان دلوقتي هناك ب100دولار
وعلي النيل وصالحة للزرعة علي الري
بدل ما ياجماعة مصر بستوردد بمليارج قمح
والطوابير علي العيش بالهبل والقمح قليل
بعد ماكنا اكتر دولة بنصدر القمح ايام اليونان والرومان والفترة الاسلامية
ياجماعة انتو لو تعرفو مصر دي كانت عاملة ازاي زمان خصوصا اسكندرية لانها كانت العاصمة
كان القمح دة بيكفي ويزيد ونصدر ولسة عندنا مخزون لميت سنة ادام
عيب علينا بجد
جت الفكرة لما كانو بيتكلمو عنها ان لية منعملش مثلث عربي
واحد نزرع في ارض عرب بما ان مصر مبقاش فيها اراضي تصلح للزرعة
كمان اتنين تزرع بفلوس عرب وتبقي ملك للعرب
التالت
نكفي حاجتنا بايد ومال وجهد عربي
يبقي في تعاون و اتحاد نعمل كل حاجة بنفسنا لية نستورد لية يبقي فية بنا حدود
بيقولو المساحة المسموح بيها اد مصر كلها
يعني خير ماشاء الله كتير وهيبقي سعرة اقل ما بنجيبة من برة كانة بيتزرع في بلادنا
الاردن بادرت بالموضوع
وفي ناس كتير مصرية راحت واشترت
وانا عن نفسي نفسي يبقي عندي هناك ارض علي النيل وازرع فيها لاني بحب الزرع وبحب قوي فكرة الحاجة اللي تتولد وتكبر علي ايدي
ويارب العرب يتحدو في كل حاجة علي الاقل اقتصاديا ومنحتاجش لحد ابدا ياربببببب
ثانيا
موضوع الرجل اللي قتل امبارح
في السويس
من مركب امريكية قالو انها تجارية
لان لو حربية بيقولو مش بيخلو حتي الناس تصلي في المسجد اللي قريبة منها
مش مركب صغيرة تنزل البحر احتمال يكونو بيحجزو السمك علي جنب
علشان المركب وكمان بيقي معاها سفن حماية وطيرات هليكوبتر
الراجل اللي مات بيشتغل علي باب الله عندة29سنة
عندة طفل وطفلة عندهم3سنين و6شهور
يعني لسة في عز شبابة وكمان بيقولو الضربة جاية من الضهر
وانة محاولش يجي جنبهم
اعتقد اننا مينفعش نعدي الموضوع كدا وان الانسان اللي ضرب علية كذا طلقة لحد ما قتلة يعدي مرار الكرام
علي راي عضو مجلش الشعب الاخواني اللي قال
لو اسرائيل ضربت علينا نار من الضفة التانية ومش عارفين نجبهم
فادول في ايدينا وداخلين علي بورسعيد بكرة يعني
يانردحقنا ويعدم في ميدان عام كدا ويبقي عبرة ونرد نقول احنا دمنا غالي
مش رخاص زي ماهما متخيلين ومن قتل يقتل ولو بعد حين
لان لو كان العكس وسفينة مصرية في ارض امريكا قتلت مواطن امريكي هيدمرو السفينة بما فها
ياريت بقي نصحي بقي
دمنا اغلي من كدا حرام والله اللي بيحصل يخوف الواحد ع نفسة انة لو مات محدش هياخدلة بحقة وطارة ودمة هيروح هدر
ياحسرة علي العباد
يلا كفاية كدا عليكم رغاية انا
ادعولي بقي الامتحانات تيجي حلوة ربنا يستر اكتر حاجة بكرها امتحانات الشفوي دي
وابقي مراجعة وكدا ومش متوقعة هتسئل في اية
ويجي السؤال اقعد ادام الدكتر افتكر في انة صفحة وبعدها في اي عنوان طب الصورة دي كانت فين اةةةةةة يادماغي
والست او الراجل اللي بيسئل عايز يقول اللهم طولك ياروح
اصل هما اللي غلطانين محدش قالهم يسئلونا شفوي
انا بنسي كل الكلام اول ما حد بيقولي اسمك اية فا مابالكم لما يضربني السؤال خبط لزق بتلبش انا مش بتاعت كدا
ولا اية
دعواتكم
سلامممممممممممممممممممممممممممم
