بسم الله الرحمن الرحيم
اولا بعتذر عن تاخري عن التعليقات وكمان عن الزيارات وكدا
وفعلا كانت ايام فظعية وكنت متوترة جدا علشان عرفت ان النتيجة هتطلع يوم الخميس
فا طبعا مقضياها نوم اللي نازل عليا اقوم من النوم انام
من الخوف
المهم ياجماعة رحت جبت النتيجة انهاردة بعد ما طلع عيني
والحمدلله
نجحححتتتتتتت
جبت 5جيد
كل ما حد يقولي جبتي اية واقولة كدا يقولو انت بتخمسي في وشنا
بس انا مش قصدي هي النتيجة كدا اعمل اية مع اني ماكنتش اتوقع اني اجيب كدا هو الحمدلله علي كل حال بس انا كنت حالة احسن من كدا بكتير بس اكيد ظروف تعبي وكدا اثرت عليا بس فعلا انا حلة احسن من كدا
بس الحمدلله كما ينبغي لجلال وجهك وعظيم سلطانك شكرا يارب
يلا
مبروك ليا وعبقالكم كلكمممممممم
ويارب عقبال اللي في بالي
اكيد هو عارف نفسة بقي
وشكرا لسؤالكم عليا نفر نفر
ههههههههه
..........................................
ثانيا
الفكرة اللي بنتكلم فيها
وهي الحملة ضد الادمان
هي حملة هايلة جدا
وبصراحة يوم ما نسمع ان البلد بتتحرك يبقي ملناش حجة
ملناش حجة بجد اننا نقول هو انا اللي هغير البلد
هو انا اللي هحسن الكون لابقي
انت اللي هتغير وانت اللي هتحسن
لان بردة انت اللي بوظتتتتتتتتتت
يبقي لازم تصلح
كل واحد فينا جواه فطرتة السليمة اللي اتولد بيها واللي طول ما بيعيش بيكتسب مهارات وخبرات وحاجات كتير بيتعملها
من الحياة وهو الي بايدة بيختار الطريق السليم او العكس
ووطبعا اصدقاء السؤ هي اللي يا بتاخد لتحت يا بتاخد لفوق
والمرء علي دين خليلة
المهم ان طول ما بنحاول نبص لنفسنا علي اننا حاجة مهمة ولينا لزمة هنحسب فعلا اننا ممكن نغير الكون يا للاحسن ياللاوحش
فكرة انك تعمل حملة ضد الادمان
وانك فعلا تكافح ظاهرة بتزرعها اسرائيل واعوانها انها زي ما بتقضي علي الفلسطنين بالرصاص
بتقضي علي باقي الشعوب المستهدفة بالمخدرات وما اللي ذالك
علشان نبقي شعب مغيب مش حاسس بنفسة مسطول وماشي في عالم اخر
عقلة مش فية بيسرق بيقتل بيغتصب بينتحر وكل حاجة حرام بيعملها من غير ما يكون في واعية
وطبعامعروف كل ما يغيب عن الوعي
زي الخمور والمخدارات بانواعها
حرام شرعا
لاجدال
عمرو خالد بارك الله فية انسان ايجابي جدا
مش من النوع الي بيقول النصيحة ويقول مع السلامة لا
دة بينفذ وبيجمع الشباب ويخطط ويفكر ويستغل كل ما هو مناسب لتوصيل فكرتة
وبالفعل بينجح وربنا بيوفقة
كان بيحكي ان في بنت من قناة كانت عندها كسور في كرات الدم مش عارفة الاية
وكانت بتيجي علشان الدورات التوعية ومكافحة الادمان اسمها رشا
وكان بيقولها ارتاحي انت تعبانة كانت بتقولة طالما تعبي طول واللي باقي من عمري مش كتير يبقي اعمل حاجة تفدني وتفيد مجتمعي
وتوفت من كام يون نسال الله ان يرحمها ويجازيها خيرا ويدخلها الجنةويغفرر ويعفو عنها قولو امين
مابالك انت اللي سليم وربنا كارمك بالصحة وبخلان
دة غير انك ممكن تكون مدمن اصلا
بتشرب زي البرشام وسجاير وخمور وكل الانواع المدمرة دي
طبعا سوري للالفاظ دي كلها بس هي اسمها كدا مش عارفة اقول اسم تاني
حابة اني اعمل حاجة ونفسي فعلا نغير حياتنا نفوق بقي
ياما ناس كتير بتموت عن طريق زيادة الجرعة وبتترمي زي الكلاب مع الزبالة في الشوارع
والمرء يبعث علي عملة
ويقف امام ربة بهذا الشكل الرهيب
لية نخسر كل حاجة لية
اسئل الله ان يعفينا
ويعفو عنا
ويتقبل منا وبتمني ان كلكم تحاولو تعملو توعية وتكتبو عن الموضوع دة في راي موضوع مهم جدا
واساسة ياجماعة
الاطفال والتربية السليمة والتنفير من الحاجات دي من الصغر
ميطلعش الطفل شايف باباه ومامتة بيشربو ونزعل علية
لو اكتشفنا بعد فترة انة بيشرب مهو بيقلد المثل الاعلي والقدوة اللي ادامة واكبر منة
يعني لو معرفناش نغير من اللي باظو علي الاقل
نربي صح والله والله والله التربية السليمةةةةةةةة من البداية اساسسسس كل شئ في الحياةوالمجتمع كلة
انا عن نفسي لو ربنا كرمني ان شاء الله وخلفت
هاخدكورسات تربية علشان اعلم ولادي واربيهم تربية سليمة اجتماعيا بلس التربية الدينية طبعا
خلينا كلنا ايجابين ونعمل حاجة ولو بسيطة
ودة اللينك بتاع الموقع
وفي نهاية كلامي كالعادة
سلاممممممممممممممممممممممممممممم
