نعمل اية

بسم الله الرحمن الرحيم

مقدمة بسيطة وندخل في الموضوع علي طول
لوحاجة جوانا وبنفكر فيها وكل الناس شايفة انها غلط لمجرد مفاهيم قديمة طلعنا لاقينها
ومن كتر ما بيتقال عليها غلط بنخبيها اكتروبتكبر داخلياجوانا
في الاخر تلاقي نفسك عندك عقدة مقعدة استحالة تتفك ولو قعدت مليون سنة
علشان كدا فكرت اني اي فكرة جوايا دارات في بالي
اني اقول عليها واني اقول علي فكرة انا جة في بالي كذا وعايزة اعرف دة صح ولالا غلط
مش عيب ولا حرام
لية بقي نخبي علي الانسان دة ونبخل علية بمعلومة احنا عرفينها لمجرد عيب نتكلم في حاجة زي دي او ميصحش نفكر بالطريقة دي

وبكدا مش هنكون حلينا حاجة بالعكس هيفضل الانسان جاهل

ودة اول هدف

ثانيا

التطبيق

اول مثال

ا ني مثلا

نشوف اطراف كتيرفي المجتمع تقول الحب حرام
ويقولوك البنت اللي بتحب وبتكلم ولد دي بنت مش محترمة مش متربية معندهاش حياء ولا خجل
واطراف تانية تقول الحب دة اجمل حاجة في الوجود
والانسان لومحبش يبقي انسان مش طبيعي ومش عيب ان البنت تجرب وتحب وتبقي زيها زي اي حد
واطراف تالتة وهي الناس المعتدلة ان بيقولو الحب دة شئ كويس بس نستخدمة صح
وبطريقة محترمة وانا منهم
كان تفكيري في الاول ان الحب ضعف وبيخلي الانسان يقدم تنازلات كتير
وفضل تفكيري محافظ علي مبدا ان الحب ضعف لدرجة اني تخيلت اني معنديش قلب

ولا احساس ولا مشاعر واني انسانة مش طبعية ولازم اروح لدكتور يشوف حالتي دي
وبعدين قولت لالاااا انا كد صح مش الناس بتقول الحب حرام

وانا مش عايزة اعمل حاجة حرام
واحدة قالتلي اد مامتي كدا
البنت اللي بتحب وبتكلم ولاد دي بنت مش محترمة ومعندهاش اخلاق ولا دين
يبقي انا كدا صح انا محترمة ومش عايزة اكلم ولاد
علشان محدش يقول عليا مش محترمة
طب ياطنط انتي محبتيش لاااااااا حب اية وكلام فارغ اية
انا اتخطبت وانا في تانية كلية واتجوزت اول ما اتخرجت بس كنت موافقة علي العريس
طب انا دلوقتي في رابعة كلية ولسة متخطبتش يعني انت من سن18سن

وانت عندك واحد بيحبك وبيقولك كلام حب وخلاص يعني ربنا كرمك بدري
طب بلاش اقيسها عليا علشان يمكن انا لسة صغيرة طب البنات اللي وصلت 35متخطبتش
تفضل علي الحال دة والتفكير دة ولا تعمل اي حاجة غلط امل في ان تلاقي حد
طب انا دلوقتي عايزة اعرف
ان البنت تحب
وتكلم اللي بتحبة في حدود وليميت معين وتبقي واثقة انة فعلا بيحبها

وعارف انها محترمة وهي عارفة ان نيتة خير وعايز يتقدملها دي غلط ولا صح
تبقي كويسة ولا تبقي بنت مش محترمة
وكمان اانا واحدة في 2008 ازاي افكر اتجوز واحد ولا حتي اعرف اسمة اية لمجرد ان عيب اعرفة قبل الجواز ومعرفتي بية

تبقي في اضيق الحدود
افرض الانسان دة فية عيوب او صفات مش هتمشي معايا اعيش واقول اهية ايام وبنقضيها
هي الدنيا دي ياجماعة هنعشها كام مرة
طب لية نضيعها كدا

انا مش ضد التقليدي ولكن مش في كل الحالات بينجح وبتبقي جوازة والسلام
وبعدين مش الزوج دة ربنا قال هنتحاسب علية طب ازاي وانا مش قادرة اعيش معاه ولا ابص في وشة
اعملة كل الواجبات وانا مبسوطة
انا مش عايزة اعيش الحياة دي

عايزة اتجوز واحد ابقي بحبة
وبحب اتكلم معاه
وبحب اعمل اي حاجة ا بيطلبها مني برضاوبفرحة

واحب ان يبقي عندي ولاد منة ابني بيهم بيت اسلامي واسرة سوية

والا متجوزهوش بقي علشان معقدش ولادي زي ما ولاد كتير جم الدنياواتعقدو لسؤاختيار الام ولاب لبعض
علشان احقق المعادلة دي
في حدود الادب والمبادئ والدين والاخلاق والقيم ونظرة المجتمع وكل الكلام الجميل دة
في الحالة دي نعمل ايةةةةةةةةةة
اللي عندة حل يقول

وادعولي اني الاقي انسان يقدر دة كويس وان تحفظاتي

هي احترام لربنا ولنفسي ولية قبل كل شئ

وليس كرها ف الموضوع اوعيب في شخصيتي

ودة اللي مثلتة بصورة مختلفة في بوست

لوحات فسيفساء2
وتخيلت ازاي ممكن البنت تتفهم غلط
؟؟؟؟؟؟؟؟؟؟؟؟؟؟؟؟؟؟؟؟؟؟؟

لان اعتقد بتقابل بنات كتير مش انا بس اللي بفكر كدا
واكيد هبقي اقول الحلول اللي في دماغي بعد ما اسمع افكاركم والنقاش حلو بردة من ثقفات مختلفة وعقول متفتحة

وبالصدفة

شوفت حلقة لمصطفي حسني ا

كان بيتكلم عن الطريقة السليمة اللي المفروض الانسان المسلم يتبعها

لو حب وعايز يتجوز

في حدود المسموح بية

وبردة كلام كتير من اللي قالة انا مؤمنة بية

هبقي احكي عنة مرة تانية
سلامممممممممممممممممممم