بسم الله الرحمن الرحيم
*********
عادات كبرنا عليها
اتعودنا نشوفها حولينا
وابتدت تنتقل من جيل لجيل
العادات دي كتير
مش هقول كلها غلط فيها حاجات صح
لكن في حاجات كتير غلط
وبنعملها لمجرد
اننا متعودين علي كدا
طب مفكرناش مرة اللي احنا متعودين علية صح ولا غلط
لو محصلش اية اللي هيحصل في الدنيا يعني
اول حاجة عايزة اتكلم عليها
هي عادة شراء الاكل
بالذات في المناسبات
يعني مثلا يجي رمضان
شهر الاكل
الناس بجد بتسحسني انة شهر الاكل
مش شهر الصيام
الناس بتفكر في الفطار اكترمن الصيام
دة الواحد حتي في رمضان
بيقي علشان صايم طول اليوم لما بيجي ياكل
بطنة بتوجعة وبيقي مش قادر يكمل
لا تلاقي اول مارمضان خلاص هيجي
ينزلو يشترو
اكل كتيرررررر
وبما ان الدولة عارفة ان الشعب كلة بيعمل كدا
فا يلا تستغل الفرصة
وتغلي الاسعار علشان يكسبو
وطبعا
الشعب بيدفع علشان عايز ياكل احسن ميلاقيش اكل
طب فيها اية لو مثلا
نغير من العادة دي
انا مقولتش مثلا مش هناكل ولا هنشتري لا هنعمل كل حاجةبس باسلوب منظم ميخليش حد يطمع فينا
اصلا الانسان لازم ياكل زي ماالرسول علية الصلاة والسلام قال
تلت للطعام وتلت للشراب وتلت للتنفس والهوا
يبقي وقت الاكل ناكل التلت يادوب والحمدلله
لية كل واحد ياكل بدل الطبق اتنين وتلاتة
ويفتري في الاكل علشان صايم
بقي طول اليوم مش منطق
وكمان علشان يقدر يصلي التراويح وهو خفيف
وبالنسبة للشراء
سئلت مامتي قولتلها لية بتنزلي وتشتري حاجات كتير
قالتلي
في رمضان الجو بيقي صعب انك وانت صايم تنزل تشتري اكل
وبتبقي الدنيا حر الصبح وشمس فا الواحد بيستسهل وبيجيب كلة يبقي متخزن في البيت
بدل ما افضل رايحة جاية وبعد الفطار طبعا
الناس بتبقي مشغولة في المسلسلات
علشان كدا بينزلو يشترو كلة
انا شايفة انهم يعاملو الشهر دة معاملة اي شهر في الاكل والشرب
اللي هو لو بتجيب اكلك بتاع الاسبوع يبقي اربع مرات في الشهر انزل اشتري
وخلاص ملهاش لزمة قبل رمضان الجمهرة الرهيبة في المولات وكل دة لية
بدل ما نجهز ونفكر في الصلاة في الصوم وفي العبادة
ونعمل كمان حساب الناس اللي مش قادرين
اننا نفكر نجبلهم ولو حاجات بسيطة
لان اطعام الطعام شئ مهم جدا
بس بردة في حدود
ولازم نقيم نفسنا كمان في الاكل الفائض
لان ناس كتير بترمي الاكل دة ومش بترضي تاكل اكل مش طازة
اعتقد دة حرام جدا
طب فيها اية نجمعة وندية لحد غلبان دة لو مش عايزين ناكلة او نخلية تاني يوم لينا ونوفر علي نفسنا
كل يوم نعمل حاجة جديدة
واعتقد ان الموضوع دة فكرة بنك الطعام في الاساس انهم مفيش اكل يترمي
ومفيش حاجة اسمها اصراف
لازم نتعامل مع الحياة بعقل اكتر من كدا ونفكر في غيرنا زي ما بنفكر لنفسنا
ونقيم نفسنا
علشان ربنا يكرمنا
وللحديث بقية
سلام
