بسم الله الرحمن الرحيم
التاج دة
جالي من بنوتة لاسعة
سارورة حبيبة قلبي
دايما فاكراني بالتاجات
هههههه
تاج بجد اسئلتة جامدة
اسبكم مع الاسئلة
*****
1هواياتي
وانا صغيرة كانت السباحة والبالية
وحتي الان بحب الاتنين موت ولو مثلا جة في التليفزيون مسابقة سباحة او بالية
او بالية مائي
بقعد ادمهم اتنح مش عارفة لية ونفسي اروح الاوبرا احضر حفل بالية بحيرة البجعة بجد جامد
وبحب التلوين جدا
والنت طبعا
وبحب الافكار الجديدة والابتكار عموما
وكمان بعمل حاجات بالخرز والاحجار
اكسسورات يعني عقد ميداليا الحاجات دي هبقي افرجكم عليها مرة
وبعرف كمان تريكو وكوريشية بس علي خفيف
2 اشهر عيوبي
انا مش عصبية بس لما بتعصب بجد اتقي شر الحليم اذا غضب
غيورة جدا علي اللي بحبهم واللي يمهموني بس
وناس بتفهما حب تملك ولكن الله اعلم بنيتي
وناس تانية تفهمها شك وبردة الله اعلم بضميري
انا اة مش بثق في حد بسهولة ولكن متبعة مبدا
حرص ولاتخونش
يعني بحب احط كل اللي اعرفهم في اختبار او تيست لحد ما يوصولو لمرحلة كبيرة من الثقة علشان اقدر اتعامل معاهم
من غير ما اخاف انهم يجرحوني او يخنوني او اتصدم فيهم لاني بتعب بجدمن الحاجات دي
وبتجرحني جدا
3حاجات بكرها جدا
بكرة الخيانة اكتر حاجة في الدنيا
بكرة الناس اللي لما بتغضب تفضح
بكرة الظلم بالذات ظلم المسلم لاخية المسلم
يعني لما اليهود او اي ديانة تانية يظلمنا
بيقي ليهم حق اذا كان المسلمين بيظلمو بعض بطلو ظلم
بكرة الحاكم لما يبقي عبارة عن شطرنج هو وشعبة
وهذا حالنا
4حاجات بحبها قوي ومش بمل من تكرارها
النت
اللعب مع الاطفال
اكلم صحابي اللي بحبهم
اي حد بحبة مش بزهق منة عموما مهما حصل
اني اتفرج علي برنامج ديني باسلوب يوصل معلومة او سنة او اي حاجة باسلوب كويس
مش يفضل يشخط ويزعق وايها المسلمونننننننننن
اقتربت الساعةةةةةة
ويحسسك ان خلاص ع النار حدف
الدين معاملة الدين حياة
بس
5سؤال بيستفزني
اسئلة حسن اخوية اللي كنت كتباها علي البوست اللي كنت عملاها علشانة
واي سؤال مستفز
بس اكتر سؤال بيستفزني علي النت
ممكن نتعرف
مش برد علية طبعا
وان حد يسئلني في حاجة لاتعنية لمجرد التطفل
6امنتي في الحياة
اول حاجة نفسي اعمل عمرة او حج
دي اكتر امنية بتمناها من ربنا ويارب يستجب لها اللهم امين يارب العالمين
تاني حاجة
انجح في حياتي العملية وابقي متميزة دايما
تالت حاجة
اتجوز
ماليش نفس يعني
يلا سنة الحياة
بس انسان بيحبني ويكون صالح واخلف منة زرية صالحة
ويعوضني كل حاجة واي حاجة ويخلص ليا حتي الممات
بس
7حاجات مؤمنة بيها جدا
عامل الناس كما تحب ان تعامل
المرء علي دين خليلة فالينظر احدكم من يخالل
من شب علي شئ شاب علية
ان اكرمكم عند الله اتقاكم
الدنيا دي يوم ليك ويوم عليك
ولو ضريت حد هتلف تلف وتلاقي حد يردلك الاذية بالظبط
علشان تحس بالي عملتة في الناس وانت لسة في الدنيا
دةغير حسابك في الاخرة
عيش ندل تموت جبان
لو اتمنيت حاجة وكانت من قلبك وكنت علي يقين ان ربنا هيحققهالك هتتحقق ان شاء الله
اسعي ياعبد وانا اسعي معاك
في حاجات كتير مؤمنة بيها بس كدا التاج هيبقي كبير وهو مجرد عشر اسئلة يعني فاكفاية كدا انهاردة
8اكتر حاجة فاشلة فيها
اني احافظ علي اللي بحبهم وبيحبوني
لاني في الغالب كرامتي بتنقح عليا ومش بكل سهولة بفرض نفسي علي حد حاسة انة اتغير من ناحيتي
اني احسب اي حاجة ارقام يعني بلاقي عنيا احولت والارقام دخلت في بعض
وكل مرة احسب يطلع رقم مختلف
واما في شغل البيت
التطبيق
التنشير
التعليق
او اني اوضب شنطة
او ادور علي حاجة بحس ان الدنيا بتلف بيا
وتبقي ادام عيني بس العمي ماسكني
بالنسبة للطبيخ والتنضيف وغسل المواعين
انا بعرف اعملهم بس مش متمكنة للدرجة لاني مش مدربة اصلا كويس
فاماما قالتلي طالما اتخرجتي
يبقي تبدتي تعملي كل حاجة علشان متتعلميش في جوزك
قولتلهاة ومالة متعلمش فية لية لازم يستحملني قالتلي لا هيقولك روحي عند مامتك
فا انا نظرتي للموضوع دة
اني ان شاء الله لو ربنا كرمني واتجوزت قولو امين يارب
هشتغل في بيتي لما اتهد يبقي اتهد من دلوقتي هنا وهناك حرام عليكم انا بمليون ايد
دة انا بلية مش باينة من الارض
هههههههه
9وظيفة بحبها
وظيفة بحبها عموما يعني ولا ليا
لو عموما
وظيفة المهندس ورجل الاعمال
ونفسي اتجوز واحد من الاتنين
متقولوليش لية هو كدا
اما ليا فا انا امنية حياتي اني كنت ابقي
محافظةاسكندرية
او سفيرة مصر
في اي دولة خارجية علشان اساعد المغتربين واساعد الناس
اللي بتظلم برة وبتتهان وملهمش تمن لان
علي راي المثل
اللي بيقول لمراتة ياعورة يلعبو بيها الكورة
واحنا هنا بيقوللولنا ياعورة كتير يبقي اكيد برة يلبعو بينا اكتر ما احنا اهلنا مقدورناش الغرب هيقدرونا
مع العلم
اللي بيتقدر برة بيقي هنا باشا وبية ويضربولة تعظيم سلام
لكن لو متقدرش برة يضربوة بالشبشب سوري يعني
هههههه
وبعدين كنت نفسي ابقي مهندسة ديكور لاني بفهم في الاالون وفي الاثاث
بالذات الاسلامي واليوناني والفرعوني
وان شاء الله نفسي اعملي بيتي اركان من التلاتة
وبالفعل بشتري حاجات كدا كل ماتقع عيني عليهم اقول للركن بتاع بيتي
لدرجة وصلت اني عايزة اتجوز علشان افرش الحاجات اللي جبتها
ههههههههه
وحاليا بامل اني اعمل حاجة جديدة في عالم الاثار
المهمل
بمعني ركزو معايا
عايزة اعمل هيئة لتجميل وحماية والاهتمام بالاثار
بمعني
استربعو واسمعو كويس
دلوقتي اي دولة اروبية او الدولة المتقدمة
عقبالنا يارب
لو عندهم طوبة بمعني الكلمة طوبة
عدي عليها متين سنة او حتي مية سنة
بيخدوها ويعمللوها متحف وينضفو الدنيا حوليها ويعرفو اصلها وفصلها
ويهيئو الجو علشان الناس اللي هتيجي تتفرج عليها
احنا بقي عندنا حضارة اكتر من 8الاف سنة قرون كتير
بداية من الفرعوني حتي الاسلامي
حاجة مهولة اسكندرية لوحدها مبنية فوق مدينة من الاثار
والبحر عبارة عن متحف اثار ومن اروع اثار العالمممم
عندنا مقابر من احسن مقابر العالم وهي اللي عملت
اساليب بومبي المشهورة لو حد لية في الموضوع دة هيعرف
المهم انا عايزة اعمل كدا
يعني مثلا
الاهرامات الرهيبة الساحرة
تلاقي جنبها زبالة ورمل وقرف بمعني الكلمة
لية منسهلش الطريق لية منزرعش اشجار لية منصلحش اللي بيوظ في ساعتها
مثلا بوابة مدخل عمود السواري او عمود بومبي
بجد انا اعتبر رفيعة يعني مش حاجة خالص
دخلت منها بالعافية بجد البوابة دي معمولة لاطفال مكملوش تلات سنين
ومش عايزة اقولكم الكم الهائل من السياح هناك اد اية
وبيدخلو باعجوبة
وكمان المناظر اللي حولين المنقطة دي بجد وحشة جدا
يعني عندنا ثروة ومش عارفين قيميتها
انا بقي عايزة اعمل هيئة علشان اعرفهم قيمتها واوريهم ازاي الدخل هيزيد
واعمل ماركتنيج نظام تسويق للاثار بتاعتنا كما يجب ان يكون
بردة الاقصر واسوان
كم السياح اد ايةطول السنة
لية منوفرش مناطق للراحة من الشمس
حمامات عامة علي اعلي مستوي للسياح
كل دي حاجات هتزود عدد الناس
واللي هيرتاح هيجي تاني ويجيب معاه ناس
بس هي دي هدفي ادعولي اقدر احققة
لاتقولي زاهي حواس ولا بتاع
متقارنوش حد بيا وقتها
لوسمحتم
10 مثلي الاعلي في الحياة
علي اد ما بقدر الرسول صلي الله علية وسلم
اي حد عايز يغير ويتغير وعندة هدف حتي ولو بسيط
بهدي التاج
نرمين توهان
احمد ابوصلاح
احمد امير الهدوء
اميرة الهدوء روضي
هبة دوبا
يحيي
الجمعاوي الاصيل
صاحب المضيفة
ابونا ابو خالد
الاستاذ
اهودةعيبة
ولو لا الاسكندر مات
محمود الام وامال
دكتورة روفي
زيزي
كاميليا
زي الهوا موحةهويزي
محمود عم كفراوي
ياسمين حواديت وحكاوي
فتافيت نونا
ولاء والقادم اجمل
الدكتور عمرو عبدالصمد
والدكتور وائل
وكل اللي عايز ياخدة مقولتش اسمة يتفضل
اهلا وسهلا
يلا سلامممممممم
