بسم الله الرحمن الرحيم
*************
اد اية
كلمة التسامح دي كلمة صعبة قويييييي
هي كلمة صغيرة
بسيطة سهلة وجميلة
وفيها احساس وسمو
بس تنفيذها صعب
ان حد يزعلك
ويعمل فيك
حاجة تتعبك تجرحك تضايقك
وتسامحة
يفتن عليك يكدب عليك يغشك يخونك
وتسامحة
يسرقك او يحاول يقتلك ينصب عليك
وتسامحة
يعني كلمة سهلة
لمعني صعب
وطبعا علي حسب الموقف
تقدر تسامح
لو حد عمل فيك حاجة صعبة قوي
وبمجرد انة اعتذرلك
تسامحة
بمجرد انة حس انة غلطان تسامحة
محتاجة انسان قلبة كبير قوي وعقلة اكبر
وعلاقتة بربنا اكبر
اد اية بحبك يا رسول الله
صلي الله علية وسلم
واد اية انت ياربي عظيم
اننا بنزعلك كتير
وبتسامحنا
بنخالف تعاليمك كتير وبتسامحنا
واد اية اننا نتحلي بصفة
من صفات الرسول علية الصلاة والسلام
دي حاجة جميلة واد اية علشان يبقي انسان جميل كدا تعب
وجة علي نفسة البشريةوطبعبتة
لان الانسان بطبعة مش متسامح وناس كتير بتحب تاخد حقها بالانتقام وخلافة
والحمدلله
عمري في حياتي ما فكرت انتقم من حد مهما زعلني ولا عملي حاجة تجرحني
دايما بقول المنتقم هو الله وحسبي الله ونعم الوكيل
ودايما بحاول ان لو حد مثلا فتن علي حاجة قولتلها
اني عمري ما اردلة الموقف دة اني اقول اسرارة زي ما هو قال اسراري
لان كدا غلط جدا بالذات انك عارف انة عمل حاجة غلط وحرام
يبقي لية تقلدة لمجرد انك تغيظة
وانت عارف ان العادل المنتقم الجبار شايفة وعارف هو عمل اية
هو ياخدلك حقك احسن من اي رد فعل
ومش هقول اني مش بزعل
لابزعل
وبتعب من جوايا
بس بنسي وبضايق من الزعل جدا
وبحب الناس تعاملني زي ما بعاملها
وتعرف اني مش بفكر الا في الخير لكل الناس والله علي ما اقول شهيد
علشان كدا قررت اني اسامح كل حد انا زعلانة منة جوة قلبي واتمني كمان اي حد زعلان مني يسامحني
وبدعوكم تسامحو اي حد زعلكم
املا في رضا الله
بس خلاص
سلام
